🌀امراة متنكرة في عالم الرجال🌀
بقلمي:hanane zh
الجزء 8
قطع اليازيد وفالبلاصة دور ابيل اخوه
اليازيد: اااالوووو .. اتبارك الله على الأخوة تبارك الله على صلة الرحم شهادشي اسي يوسف
خوه التوأم يوسف : واللهيييلا يالله لقيتيني تاندوي مع المرأة علييك قلتليها غاندوزو عندك هاد السيمانة .. رآه جا صاحبك
اليازيد عينيه تحلوو بالصدمة: وايلييي جا وليدي ياسييين
سي يوسف : واياه عرفتك غاتبغي تشوفو وقلت نيت نجيو لعندك الفيرمة تايرتاح فيها تاهو كتعجبو
شاف فجهة الباب كان ياسين نيت داخل : هاهو نيت عاد داخل
اليازيد فرح: دوزو ليا نهضر معاه
ياسين كان داخل تاسمع باه تايعيط ليه مشى لعندو وخدا التيلي منو نيشان
اليازيد: الووو ولدي لابااس علييك كتسمعني
ياسين: لاباس اعمي بازيد ونتا
اليازيد تايضحك والدموع فعينيه: ايييه اوليدي باقي تاتقولي بازيد ههههههههههههههههههههه فصغرك كنت كنغوت عليك باش تقول اليازيد صحيحة وكانت كتعصبني ديك بازيد دابا ولات كتفرحني ههههههههههههههههههههه كيداير اوليدي الصحيحة لاباس
ياسين ابتسم عمو هو الواليد لمن كايرتاح من صغرو تقريبا تربى عندو كانو كايسيفطوه بزااف لعندو : لاباس را بغيت نجي لعندك للبلاد
سي يوسف تايسمع ليهم: واحد يوماين أن شاء الله ونمشيو
اليازيد: مرحبااا اوليدي را دارك هادي راك عارف غانفرح وغاتفرح حتى خالتك خديجة (مرات اليازيد) و ماسين ورميساء(ولادو)
ياسين: سلم عليهم..
اليازيد : مبلغ اوليدييي
ياسين: بالسلامة
مد التيلي لباه ومشى
كملو بيناتهم الهضرة ومشى اليازيد تايجري عند مرتو وبنتو رميساء هما لي كانو جالسين الصالة اما ولدو مسافر
اليازيد: عرفتو شكون جاي لعندنا من هنا يوماين
لالة خديجة: شكون ؟ ياكما خوك
اليازيد :اييه ولكن جايب معاه شخص اخر غاتفرح روميساء فاش تعررفو
رميساء كانت شاجة التيلي مكونكطية غي سمعات باها وهي ترميه وشافت فيه بفرحة: ماتقوليييش ياسيييين؟
اليازيد: اييه ابنيتي خوك ياسين غايجي منهنا يوماين
رميساااء فرحااات بزااف فاش سمعات بلي حب الطفولة ديالها رجع وغاتشوفو .. هو واخا تربى معاها وتايقولولها خوك ولكن هي كتبغييه من صغرهااا ببرودو وبشخصيتو الغامضة و تاهي عارفة مزيان الحانب الشرير فيه ولي كايخبيه على كولشي....
بعد يومين شد سي يوسف ومرتو وياسين ومرات حميد وولدو الطريق لعزيزة(البلاد فين ساكن خوه.. جات حدا خنيفرة حيتاش هما اصلهم من تماك)
وحميد ومهدي بقاو يقابلو الخدمة تالويكاند ويتبعوهم
وصلو للفيرمة لقاو اليازيد واقف تايتسنااهم
تعانقو عناق رجولي
اليازيد : ولدي ياسيين ههههههه واغبرتيي فيها نيت
ياسين ابتسم ليه وحتى راسو
اليازيد شاف فيه بافتخار كايبغييه بداك البرود ديالو بطبيعتو بكولشي .. تايعجبو حيتاش من صغرو داخل سوق راسو ولي جبدو تايلقاه.. هو وبنتو الوحيدين لي عارفين الجانب المظلم من شخصيتو الجانب الغامض فيه الجانب الشرير لي عمر بينو لشي واحد
اليازيد دار سلم على خوه والعائلة ودخلوا للصالون
ياسين مشى نيشان للكوزينة قاصدها عارفها غانكون تماك .. طل عليها لقاها كتصايب الغدا
شرفاات وبانت فيها ولكن واخا هاكاك ماتقدرش تجلس ولفات الخدمة إنسانة مجدة بماتحمله الكلمة من معنى.
هي مازال ماشافتو .. نزل عينيه رد البال لرجلها لي كتعرج عليها شوية .. دارت على غفلة شافتو تصدماات
خديجة مرات اليازيد: ولديييي
جات قاصداه كتعرج وعنقاتو وتاهو بادلها العناق واخا عيا بالتعناق هاد النهار 😐
خديجة بداو دموعها ينزلو دغيا مسحاتهم باش مايشوفهاش عارفاه ماعندوش مع هادشي
ابتسمت ليه : تبارك الله كبرتيي وليتي رجل يااه عقلت عليك غا البارح كنتي كتجي وتحل التلاحة وتعلق فيها وتزلع كاع داكشي لي فيها هههههههههههه دابا وليتي فايت التلاجة فالطول
ياسين ابتسم ليها ضحكاتوو وحنى راسو كما العادة وهو مبتسم
شافت فيه شوفة مطولة : ماتبدلتيش باقي كيما نتا الله يحفظك اوليدي
رميساء كانت فبيتها كتقاد الحالة مامتيقاش بلي حب حيااتها را التحت فرحاااات بزاااااف
#يتبع
YOU ARE READING
امرأة متنكرة في عالم الرجال 🤠مكتملة🤠
Romance💎مكتملة💎 ❌حصرية على الواتباد ❌ . جبتلييكم قصة جدييدة محملة بافكااار مختلفة كل الاختلاف علي داكشي لي عهدتوو.. كنتمنى تعجبكم.. نخليكم مع التقديم💙🖤 تقديم القصة 😘 ذلك الشخص الذي لايعرف معنى كلمة احساس أو شعور ، لم يذق طعم السعادة ولا الحزن من قبل،...
