إمرأة متنكرة في عالم الرجال 💪
الجزء 99
بقلم: حنان الزهراوي/اريا ستارك
لمعلم حط يدو على كتف سارة جرها بركات وبرك تاهو وشاف فحميد ولعميد: لهضرة مطولة شوية لابغيتو تبركو حسن...
لعميد منفخ: هاوا برك طلقنا دغيا
لمعلم بابتسامة حزينة: باقي مكتصبرش مهم هادشي وقع ملي ياله بدات الاكادمية كتشهر وضطرينا نبدلو ليها بلاصة وتكون صعيبة باش ماشي غير لي كان كيجي وقف عند لباب..
العميد: غاتوريني تاريخ ديال اكادمية
سمير خنزر فلعميد لأول مرة مكيعجبوش طريقة هضراتو مع لمعلم شاف فلمعلم لقاه مبتاسم ومكالمي..
لمعلم دار راسو مسمعوش كاع وكمل فكلامو...
#فلاش باك
لعميد فداك لوقت كان غير من أعضاء اللجنة ديال اكادمية وكان عندو تأتير كبير حيت الأغلبية صحابو ومعاهم لمعلم لي كان كيعلم فنون لقتال..
من بعد مادازو خمسة دقايق وكتر وهوما غير كيتناقشو بصوت مرتافع ولكن تاحد مكسمع لاخر كل واحد كيغوت،تكلم واحد بارك فراس دطبلة ديال اجتماع كان مراقبهم ...
بصوت عالي: سكتوناااااا..(كلشي سكت وحدرو راسهم حشمانين من أفعالهم صبيانية قدام شخص مرزن بحالو) غادي نصوتو على هادشي بكل شفافية ومصداقية
لمعلم خنزر فلعميد: ولكن اسيدي راه كلهم غايصوتو ضد
لعميد: من حقهم كل واحد حر فقرارو
لمعلم: تايكون قرارهم هوما وماشي نتا لي قايل ليهم اش يقولو.
ياله غايدوي لعميد وقفو لمسؤول بإشارة من يديه: من فضلكم خاليونا ندويو بعقلانية. اول حاجة واخة عارفينها وهي موضوع لجلسة ليوم هو هل ممكن انخراط الإناث فلأكادمية معانا (وخنزر فناس لي كانو غايبداو يهضرو حتى صقلو) اول حاجة بغيت نشير ليها هو أنه مايمكنش تحكمو ولا تاخدو قرار فأي موضوع قبل ماتعطيو للقضية فرصة... شكون عندو اقتراح؟
لمعلم: علاش منعزلوش بنات من لي بغاو يدخلو أكادمية ونديرو ليهم مسابقة نشوفو واش يقدرو فعلا ولا لعميد عندو لحق...
لمسؤول بتاسم من عقلانية لمعلم شاف فلعميد لقاه كيحرك راسو بمعنى كلام معقول: إدن هادي هي لخطة لولة أننا نعطيو لبنات فرصة يوريونا علاش قادرات...
#نهاية فلاش باك
لعميد: وفشلو كاع لبنات ومن بعد؟
لمعلم شاف فيه وهز حاجبو: متأكد فشلو؟؟
لعميد شاف فشرجم وسها لمعلم تكا قرب لسارة: تزعط فوحدة من لمشاركات
سارة حبسات ضحكة اما حميد طلقها: ههههه لااااا!!!
لعميد خنزر فلمعلم: اش كتخربق كنت كنعاونها تربح لمسابقات
لعميد: دكشي علاش نساحبات هي وصحبتها وهوما لأخيرات لي دازو فلمسابقة لنهائي
لمعلم بلامبالات: غير باش يأكدو لك فكرة ديالك كانت غالطة ولعيالات بلاصتهم فدار.
سارة تخايلات باها فديك اللحضة وقفات من كرسيها بزربة تاطاح لرض لكرسي خلات لعميد هز راسو وخرج عينيه عاد سرات معاه اش قال وقدام بنت.
سارة بصوت أنثوي وبكل عصبية: نتا من لمحايزين جنسيا؟ لي كيفكرو بلي مرا مخاصهاش تزاحمهم فلقراية ولخدمة وحتى فلحياة مع رجال؟
لعميد وقف: لالا ماشي هكاك لايقراو انا ما..
سارة قاطعاتو: إلا كانو يقراو وبغيتهم يبركو فدار لاش تمحن راسك؟ مكنتش كنصحاب عقليتك رجعية بحال هاكة.
لمعلم وقف حطو يديه بزوج على كتافها باش تشوف فيه ويحيد داك توتر بين عينيها: أبنتي ماشي هكاك غير تكالماي سي لعميد حب لبنت وفعلا كيقول لحب أعمى لبنت لي بغاها تاهي بغاتو ولكن شرط عليها متكملش مسابقة ويتزوجو (هز راسو فصاحبو لي دار عطاهم بظهرو وتايفكر. شي حااجة تماك ماشي تالهييه ) ولكن للأسف فعلا قلل من دكائها وحكرها ولكن هي كانت دكية فعلا... نساحبات ولكن من كلشي حتى من موضوع زواج.
لعميد دار بشوفة حادة ةعينين بحال كيلمعو بدموع مكينينش: من لخر اش بغيتي تقول
لمعلم برك سارة ورجع برك: لمهمة ديالي كانت نبدل رأيك واخة خدات سنين هاية وقعات، ماشي غير بنت فلأكادمية ولكن حسن من دراري وعتقات لك هاد لأكادمية لي كانت كلها غاتكون رماد.
ومن لخر كيما قلتي سبب هادشي لي بغيت نقول هو أنني بغيتك تعطيها تخرج بسميتها لحقيقة وتكون نتا سباب فأنها ترجع لشخصها ولا تعاونها ترجع لبنت لي كانت مقهورة حياتها كاملة من اب عقليتو بحالك
لعميد بقا كيشوف فيه حتى خرجو من سهوتو حميد: فحقيقة كتستحق تخرج باسمها لحقيقي حيت فعلا هي لي دارت كلشي بمجهوداتها وكنضن حتى هاد الأكادمية تقدر تفتح أبوابها للبنات
لعميد بقا كل مرة كيشوف فواحد فيهم وهو كيفكر شحال وهوما ساكتين وكيتسناو، إلا سارة لي مفهماتش كيفاش هاد رجال لي مكيجيوها والو واقفين فجنبها وبغاو يعونوها كيفاش عرفو ان حلمها تعيش حياتها بنت لي تقدر تكون اصلا مكتعرفش تكون بنت حيت عمرها كانت وحدة...
لعميد قاطع حبل أفكارها: واخة غانعطيها شهادة ديالها باسمها ولكن عندي شروط
سارة فرحات مبغاش يخرج ليها صوت: شكرا..
لعميد: متشكرينيش تاتقبلو شروطي... اول حاجة لمعلم غاترجع تسير معايا لأكادمية، انا كنت عارف هادا هو سبب لي حطيتي بيه استقالة ديالك كان راسك قاصح...
لمعلم: لا مغانتخلاش على لاصال ديالي
لعميد: دكشي لي كنت عارف نيت دكشي علاش عندي لك شخص لي غايتكلف بيها وغاتكون بين يدين أمينين، عندي شرط أخر ولا تافقنا على شروط بزوج كلنا غانخرجو من هنا محققين لي بغينا
سارة كتسرط ريقها: أشنو شرط أخر
لعميد بقا كيشوف فيها: نتي بغيتك تكوني من لمسييرين ديال فرع لبنات حيت مغايكونش اختلاط انا ضد الإختلاط.
لمعلم هز حاجبو كيشوف فيه ومبتاسم: موافق على شروط ولكن كلشي قابل لتغيير
سارة كتفكر: على اساس بنت غانخدم معاكم ولا سمير؟؟
لمعلم: بغينا سمير ملي يخرج من هنا يختفي عمرو يبان غير فضرورة لا حتاجيتي.
سارة شافت فحميد لي بتاسم ليها وحرك راسو بمعنى غير زعمي وقولي اه: صافي واخة متافقة...
ياله غايدوي لعميد حتى سمع دقان قاليهم يدخلو تحل لباب ودخل ياسين بكرسيه كيشوف فلبيرو وعينيه كيدورو..
حميد: ياسين ياكما عيتي نمشيو؟
ياسين: قلتي غاتجيب طوموبيل وتسناني ملقيت تاحد
بقا كيشوف فيهم وفلبيرو و كيدور فعينيه.
لعميد: كتقلب على شي حاجة؟؟
ياسين باقي كيقلب: سمعت صوت بنت غير دابة ملي كنت غاندق فلباب
كلشي خرج عينيه ومعرفو مايقولو حتى جاوب لعميد: ياله قطعت تيليفون مع إمان تقدر تكون هي لي سمعتي
ياسين كيشوف فيهم وعرفو كدب عقد حجبانو وشاف فخوه لي ضحك ليه غير بزز عاد زاد شك فيهم ملي حط عينيه على سمير لقاه مزنك زاد عقد حجبانو..
ياسين: واش واقعة شي حاجة؟؟
لمعلم ناض وقف : سمير ممكن تبعني بغيت ندويو على لاصال
سمير: واخة المعلم انا موراك
ياسين شاف فسمير ورجع شاف فلعميد لي كبان متوتر عرف كاينة شي حاجة وقرر غايبقا تايعرف اشنو كاين
#يتبع
YOU ARE READING
امرأة متنكرة في عالم الرجال 🤠مكتملة🤠
Romance💎مكتملة💎 ❌حصرية على الواتباد ❌ . جبتلييكم قصة جدييدة محملة بافكااار مختلفة كل الاختلاف علي داكشي لي عهدتوو.. كنتمنى تعجبكم.. نخليكم مع التقديم💙🖤 تقديم القصة 😘 ذلك الشخص الذي لايعرف معنى كلمة احساس أو شعور ، لم يذق طعم السعادة ولا الحزن من قبل،...
