امرأة متنكرة في عالم الرجال 💪
الجزء 145
بقلم حنان زهراوي / اريا ستارك
نيكول غادة جاية واقفة فشومبر كبيرة بحال صالة وفلحيط كاينة تلفازة كبيرة كل مرة طتهز راسها فتلفازة وترجع تحدر راسها وهي معصبة كتهضر مع راسها ...حوارات بألمانية...
هادا حس براسو بزاف وتاق براسو كتر من لقياس اش كيصحاب راسو حيوااااان
دخل كارد ديالها كيجري: نعام ألالة
نيكول كتغوت: شطون عيط لك الحيوان؟؟
كارد بتوتر: س س سمعت حيوان
نيكول هزات فرديها تيرات فيه ديريطا للدماغ: راك حيوان نيت مدورة بيا غير لحيوانات اااااااااااااه
غوتات جتى كتسمع كجبة موراها هزات راسها فتلفازة: فاااتر (بابا)
نيكولاص بصوت حاد: وقت لخدمة هادا شحال من مرة طنقولك انا لبوص تانكونو فدار وديك ساعة دوي بحريتك
شاف من موراها بان ليه واحد بارك فدماياتو خنزر فيها ودوا بعصبية: شحال من مرة كنقولك متبقايش تقتلي ليا فرجالي فينما تعصبي
نيكول: بفف مكيهموش نجيب لك رجال أخرين لمهم داك لحيوان مروكانش
نيكولاص: اش درتي معاه؟؟
نيكول: ماوافقش وماغاديش يوافق خاصنا طريقة خرا
نيكولاص: ونتي لاش سيفطتك لامقدرتي على والو ماشي حيت بنتي تصحبي عندك مناعة بحالك بحال رجالي لمدتيش خدمتك غاتلقاي نفس لمصير
نيكول: ولكن ...
نيكولاص: مالقيتي تاحد مهم بالنسبة ليه نقتلوه
نيكول: هادشي لي بغيت نقولك كان واحد تسلل لعندنا قبل مايدخل هو وفعلا ملي شافو غوت وقاليا حبسي هاد واخد.من رجالي
نيكولاص: اوكي صفيها ليه ليوم
نيكول: علاش منخطفوهش و...
نيكولاص غوت عليها: قلت قتليه قتليه مبقيتش غانتناقش وداك خوه لي كيسير معاه شركاتو وكيعاونو اش عرفتي عليه؟؟
نيكول: ولكنمكيهموش عائلتو!!
نيكولاص: اش عرفتي على خووووه أخر مرة تردي عليا لهضرة
نيكول حدرات راسها ولكن تعصبت بزاااف: مزوج وعندو ولدو
نيكولاص: اوكي خطفي لولد تاهو
نيكول مبغاتش تعصبو عوتاني: اوكي بوص ممكن نعرف اشنو لخطة؟؟
نيكولاص: يقدر هو مايتسوقش ولكن خوه غايكون فقبضتنا وبتالي مشاريعو وشرطاتو فقبضتنا نتلاعبو بيها كيما بغينا
نيكول كارزة على سنانها: اوكي.
غير قطع نيكولاص لابيل فيديو لي كانت نيكول مشات ديريطت للبار فعوض تهز كاس وتكب ليها، ضارت هزات قرعة ديا فودكا وديريكت لفمها طلعات معاه سلات ولاحتها خبطاتها مع لحيط: قرييييب قريييب تانتا نتهنا منك ونورث لإمبراطورية ديالك بلأحرى ديالي وديك ساعة اياسين غاندير معاك لي بغيت وبمزاجي وتاحد مايتحكم فيا غير بلاتي....
فسبيطار باركين فكولوار كيتسناو منير يخرج صافي مابقاش عندو علاش يبقا فسبيطار، إصاباتو خاصهم راحة ومسكنات ويولي لباس عليه...
امال: هادشي كامل داز علك
سارة هزات كتافها: ماشي شي حاجة
امال: ملي عنقتك حسيت بليميسطل صحاحاتي اصحيبتي هههههه
سارة عقلها مشطون ولكن مبغاتش تخصر لصاحبتها وعودات ليها جمعات معاها: ههه غير شوية
امال: ولكن صرعتيها والله كون مدويتيش منصحابكش ديرة غير دري بوكوص دري مبنت
سارة ضرباتها لكتفها بالضحك شافتها توعتات: ههه سمحي ليا كنسى وكنضحك معاه بحالشي دري
سارة من قبيلة وهي مقابلة امال عرفاتها مهتمة بمنير واصلا عاقلة عليها كان كيعجبها من صغر ديما: عقلتي ملي كنتي كتقزلي غاتزوجي بمنير ههه
امال شافت فلباب وسدات لسارة على فمها: شووو غايسمعك
سارة: باينة اساطة راه عارف
امال تنهدات: ولكن هو كيعاملني بحال ختو
سارة عجبتها بركتها مع امال كتحس بأنوتتها مع صاحبتها ماكرهاتش يبركو يتعاودو بحال زمان ولكن لوقت تبدلات وسارة تبدلات فعلا باقة عزيزة عليها صحبتها ولكن سارة ديال لول مبقاتش...
امال وقفات: هادا باقي مطول واقلة شوية تمشي معايا للحمام من قبيلة وانا باغة نمشي....
فمكان تاني مابعيدش بزاف برا سبيطار فواحذ الموبل مقابلة معاه.
واقفين تلاتة رجال فشومبر حدا السرجم واحد قناص وجوج حراس
واحد من الحراس: وي بوص اوكي
قطع وشاف فصحابو: بغاتنا نقتلو داك خونا
كارد تاني: انا نقتلو مكنحملش زوامل
كارد تالت شاف جيهت لباب حل عينيه: دراري هو هداك لي لابس لكحل وداير قبية ياك؟؟
كارد تاني: وي هو تامن سبرديلة نفسها لبسة ديال البارح
كارد تالت بلا كلمة ولا بزوج رجد السلاح من نوع Dp تيرا جوج ضربات وحدة فالصدر ولاخرى فالراس ديريكت... تاطاح للارض، بقاو مقابلينو تابان ليهم شي شخص تايجري لجيهتو... تلاح لارض على ركابيه وكيغوت فجيهة سبيطار..
.دارو هوما بتاسمو لبعضياتهم زعما مهمة كملوها.... وعايطو لنيكول...
نيكول: اشنو درتو
كارد: قتلناه دابا
نيكول بتاسمت بشر: تبعهم لسبيطار وتأكد من لموت ديالو ورد البال من رجال ياسين راهم تماك.... تواصلتو مع الشخص لي غايصور!!
الحارس:اه الالة .
نيكول:سيفطو الفيديو لياسين نشوفو شغايقول.. باش يعرفنا بلي ماكنلعبووش هنا...
YOU ARE READING
امرأة متنكرة في عالم الرجال 🤠مكتملة🤠
Romance💎مكتملة💎 ❌حصرية على الواتباد ❌ . جبتلييكم قصة جدييدة محملة بافكااار مختلفة كل الاختلاف علي داكشي لي عهدتوو.. كنتمنى تعجبكم.. نخليكم مع التقديم💙🖤 تقديم القصة 😘 ذلك الشخص الذي لايعرف معنى كلمة احساس أو شعور ، لم يذق طعم السعادة ولا الحزن من قبل،...
