امراة متنكرة في عالم الرجال 💪
الحزء 40
بقلم حنان زهراوي/ أريا ستارك
دخلو دراري لبيوتهم مهلوكين تاحد مافكر يدوش حيت الجهد مكاينش تلاحو فوق سرايرهم ودخلو فنوم عميق، فاقت سارة مع تلاتة صباح دخلات لحمام ملي خرجات كتلقى سرير ماسين ستغربات هزات جاكيط لاحتها عليها وخرجات كتقلب مشات لكوزينة هي لولة حيت مكلاوش لبارح قالت غانلقاه تما، ساعة والو حيت مقطوع مشات كتسلت دخلات فين كيطيبو صيبات لراسها صندويش دغيا وخرجات غادة وكتاكل سمعات لحس برا خرجات للساحة بان ليها ماسين كيجري فالساحة بقات واقفة كتشوفيه شافت فنص لاخر ديال صندويش تحركات لجيهت ماسين مبتاسمة...
ماسين شاف شي حد جاي مع الظلمة مابانش ليه شكون ملي قرب حس بقلبو بدا كضرب هضر مع راسو: اش هاد لق*** (كيضرب فقلبو) تاريح لرض راه دري مال ديمك زم***
سمير قرب حداه: تريني بوحدك فهمناها ولكن كتهضر بوحدك؟؟ مالك العشير تحرقو لك لفيزيبلات؟
ماسين: اش فايق كدير فهاد لوقت؟؟
سمير ماطة سندويش لماسين: جوع لادين له ههه
ماسين شد من عندو وبرك لرض: ناري بحال علمك الله
سمير: عارف لبارح طحنا كاو مكلينا والو
ماسين: خونتيه من لكوزينة ههههه
سمير برك فلرض حداه: علاش كتريني فهاد لوقيتة وغير ساعتين وغانكونو هنا عوتاني نترينيو
ماسين تنهد: بغيت نتريني باش نولي حسن فلكومبا وفكلشي
سمير حرك راسو بمعنى فهمو: ولكن كومبا خاصك معامن تعلم
ماسين: باقي مبديتش ياله كنحاول نحسن من لونديرونس ديالي
سمير: بصح خاص جسمك يكون قادر على الإحتمال بعدا ديال تعب ولعيا، مهم انا غانبدا نتريني معاك
ماسين بلا ما يحس غوت: لااااا
سمير قفز: أماااالك؟؟
ماسين داير ضحكة صفرة: لا زعمة احم بلا ماتمحن
سمير: هانية تانا خاصني نتريني
ماسين بقا ساكت شحال: بعد المرات عائلتك كيخرجو علك.... قبل منسافر كانو معيشينا فواحد لفقاعة كبيرة من نسج خيالهم ومعيشينا احلام وردية متحاكيناش مع لواقع مع لحياة ديال بصح عمرني كنت كنعتامد على راسي بحال هاكا... كانو هوما ديما لي ورا ظهرنا وحامينا ملي خرجت من تحت جناحهم لقيت عالم أخر
سارة سهات بكلام لي قلب عليها لمواجع تفكرات دارهم.
# فلاش باك:
كتحل عينيها على صوت غوات مها بحال ديما..
الأم: هاديك لموصيبة نوضي خلاص نهار لي جا نلقاك راكدة بغيت يركدو علك لحجر
سارة بشوية: آمين ونتهنا
الأم: والمصيبة نوضي ياربي إمتى يجي نهار لي نتهنا فيه من كمارتك
سارة هزات راسها فمكانة لقاتها سبعة صباح ناضت خرجات من بيتها لقات باها ومها كيوشوشو شافوها وسكتو...
الأم: شوفي ليوم بغيتك تسوسي صالة جايين عندنا ضياف وبغيت كلشي يكون على حلو طريقو ملي تسالي غاتجي عندك ديك معوقبة دصحبتك تمشيو لحمام
سارة شافت فيها بشك شي حاجة ماشي تالهيه بركات فطابلة تفطر..
الأم: نوضي لشقا هو لول لماكلة مغاتهربش
سارة بطل برود: ومال صالة غاتهرب؟
الأم شافت فالأب: شتي كيكاترد عليا لهضرة
سارة تنهدات: نفطر ونوض
الأب خبط يدو على طابلة بجهد: دابة هي دابة نوضي لصالة وباقة تجاوبي مع مك نعاودك فتربية..
سارة بشوية عليها ناضت وقفات ومشات لصالة سمعاتهم كيهضرو وهي ترجع كتسنط
الأب: اوى راني قلت لك غايجيو واش كنلعبو هنا؟
الأم: مفهمتش أش عجبهم فيها وهي بحال زوفري ولكن غير من سعدنا نتهناو
الأب: راك عارفة سيد معندوش مع اللعب
سارة مفهمت والو ولكن باين كيهضرو عليها.
الأب: شوفي كيديري تبان شوية بحال بنات
الأم: غانسيفطها لحمام ونلبسها شي حاجة مقادة هادا جهدي راه بنت وعارفها هكاك دايرة
الأب: شوفي شحال فعمرها وأول مرة يجيوها لخطاب
الأم: ديك علاش قلت لك إلا زكلناهم غاتبور لينا هنا مكاينش لي يشوف فيها..
#يتبع
JE LEEST
امرأة متنكرة في عالم الرجال 🤠مكتملة🤠
Romantiek💎مكتملة💎 ❌حصرية على الواتباد ❌ . جبتلييكم قصة جدييدة محملة بافكااار مختلفة كل الاختلاف علي داكشي لي عهدتوو.. كنتمنى تعجبكم.. نخليكم مع التقديم💙🖤 تقديم القصة 😘 ذلك الشخص الذي لايعرف معنى كلمة احساس أو شعور ، لم يذق طعم السعادة ولا الحزن من قبل،...
