امراة متنكرة في عالم الرجال 💪
الجزء 60
بقلم:حنان زهراوي /اريا ستارك
الطبيبة: خاصو ينعس كتر وخاص انتيبيوتيك يدوز ليه دابا فالدم مغنتسناش حتى يفيق...واش كلل شي حاجة؟؟
سمير: اه الشوربة
الطبيبة شافت فسمير وهزات حاجبها: كيعجبوك الدراري؟؟
رجعات حدا ياسين ودقات ليه لبرا.
سمير: اه لالا مكعجبونيش دراري علاش قلتي هاكا
دارت طبيبة حدا سمير مطات ليه كمادات باردين: مسح ليه وجهو وصدرو بهادو
سمير كيشوف فصدرو: احم واخا
طبيبة: خاصو راحة غنكتب ليك ورقة تعطيها لعميد بلا مريض ضربو لبرد ومن الأحسن مايعاديش لبقية
سمير شاف فيها مصدوم: بالصح؟؟ شكرا شكرا بزاف
سارة ركزات مع صدر ياسين وكتمسح ليه فلعرق وكتفكر كلامو وكل مرة تغوبش ومكرهاتش تزكا وتخليه وتمشي هزات راسها فوجهو بان ليها بحال شي ملاك ديك تكميشة لي بين حجبانو بكترة تخنزير مكيناش كيبان ضريف وشخص عادي..
طبيبة: هيهوووو!!
سمير: ها نعام دويتي معايا؟؟
طبيبة: علاش جيتي لهنا وسط الدراري تعلمي معاهم
سمير: عادي بغيت
طبيبة: نتي نتي كبنت اش كديري هنا
سارة بزربة جات حداها وسدات ليها فمها: شوووو غايسمعك شي حد
طبيبة عضاتها حتى طلقات: راني مادويت حتى تأكدت راه شد فيه دوا شوفي التنفس ديالو عميق راه مشا للضفة الأخرى.
سارة رجعات صوتها عادي وكتهضر بشوية: كيفاش عرفتي انا احم ماشي سمير
طبيبة: من لي شفتك اول مرة جاتني البنية الجسمانية ديال بنت قلت غايكون دري كياخد لهرمونات ساعة ملي بركنا هاد شهر مايمكنش يكونو عندك حيت كيمنعو هاد تخربيق هنا.. يديك صغار وزوينين واخا حرشين شوية ولكن ديال بنت وعاد لبارح شفتك فلكوزينة كطيبي ومبنتيش بحال دري معارفش اش كيدير فينما كانت شي ليقامة يديرها نووو كنتي كاتحركي فكوزينة براحة ..
سارة: ولكن عمرني طيبت مكنتش كنحمل هادشي
طبيبة بتاسمات: كيجري لينا فالدم واخا منعرفوش نطيبو غانكونو مرتاحين فيها..؛وحاجة أخرى شوية ويخرجو ريوكك على صدر هاد خينا ههههههه
سارة: لا ماشي هكاك احم راني كنت خدامة فلاصال هادشي بنسبة ليا عادي
طبيبة بتاسمات: انا سميتي إيمان ونتي؟؟
سارة: من احسن تعرفي غير سمير حيت مبغيتكش تغلطي وتقوليها قدام شي حد
إيمان: اوكي إوى اش كديري هنا؟؟ واش كتبغي هاد خينة؟؟
سارة: لالا مكنبغيهش لا.. الله يستر.. هادا مريض هادا وشبعان عياقة وفيه واحد الشر كيخلع...وهاد اكادمية بغيت نجي ليها حيا ملي غانخرج منها مستقبلي غايكون مضمون ومنحتاج لحتى واحد
إيمان: شي نهار أخر وتعاودي ليا كلشي دابا خاصني نمشي نعس وغدا ملي تمشي نتي تريني أنا نقابلو..
سارة: شكرا بزاف...
YOU ARE READING
امرأة متنكرة في عالم الرجال 🤠مكتملة🤠
Romance💎مكتملة💎 ❌حصرية على الواتباد ❌ . جبتلييكم قصة جدييدة محملة بافكااار مختلفة كل الاختلاف علي داكشي لي عهدتوو.. كنتمنى تعجبكم.. نخليكم مع التقديم💙🖤 تقديم القصة 😘 ذلك الشخص الذي لايعرف معنى كلمة احساس أو شعور ، لم يذق طعم السعادة ولا الحزن من قبل،...
