امراة متنكرة في عالم الرجال 💪
الحزء 75
بقلم:حنان زهراوي/ اريا ستارك
مهدي جا يجري نقز فوق سرير ولوا لمانطة على ياسين وجرو من فوق سرير ولواها ليه على وجهو.
مهدي: بحال هاااااكا خنقتيها كيكتحس؟؟ هااا؟ لقتال لاخر
ياسين كيتركل وكيحاول يبعد لمانطة على وجهو باش يتنفس ولكن حسو أو صوتو مكخرجوش مما دل على أنه ماشي غير قرر مايدويش ولكن غاتكون الأزمة ولحالة نفسية من مورا دكشي لي وقع ليه دخلاتو فهاد الحالة.
مهدي: كنتي عزيز عليها وديما ديك نتا معاها وتخليني انا وحتى لبيبي تاهي كانت كتشد لك فصبعك وانا لا.... ماما وبابا كيبغيو حميد ونتا كلشي كان كيبغيك دابا كلهم عرفوك قتااااال...
تلاح كلو فوق من ياسين وحابسو باش مايلويش راسو وخرج من لمانطة ومرة مرة كيضربو بكل جهدو من فوق لمانطة..
مهدي: انا تاحد ماكيبغيني تاحد ماكلعب معايا تاحد مايسمع ليا علاش نتا كيبغيوك واخا قتال.
ياسين بدا كيحس بالخنقة ولكن ماشي من لمانطة لا بحال جاتو حالة نفسية كيحس براسو مخنوق.
غير صدفة دايزة لأم سمعات من باب لبيت: حيوان قتال نتا ماشي خويا غير لقيناك وربيناك غير تسنى شوية يلوحوك فزنقة ههههههه
دخلات تجري مصدومة من لكلام لي كتسمعو واش هادا ولدها لي كيقول هاد لكلام، جراتو من فوق خوه وحيدات لمانطة على ياسين خلاتو مليوح فالأرض ودارت عند مهدي: ياولد لحرام باغي تقتل خوك
مهدي هربان منها مخبي مورا باب لحمام: ماشي انا لقتال هنا هو لي كيقتل
عاود دارت تشوف فياسين لي بقا مليوح فالأرض كيحاول يتنفس ولكن بحال باقي مخنوق رجعات تجري عندو: تنفس أولدي غير بشوية علك تتفس هانتا راه مانطة حيدتها
ياسين والو ماكايجوبش ولكن شاد صدرو بحال كيضرو وكيتنفس بطريقة بحالا ماكايدخلش ليه الأوكسيجين، دخل الأب كيجري لقاها كتندب معارفة مادير ومهدي واقف كيتفرج مشا لعند ياسين كيحاول يهدنو عرفو جاتو أزمة دماغو دابا كيفكر بطريقة خرا بالنسبة ليه مزال كيعيش دوك لحضات فداك لبيت لمظلم فدار خالتو، شاف تاعيا وهو يهز يدو صرفقو وفلبلاصة طريقة تنفس ديالو تبدلات ولكن ملي هز عينيه شاف فيهم حقد وكره عينين طفل مغرغرين مضلوم من واليديه لي كانو سباب فمعاناتو فدار خالتو...هاكة خدام عقلو كيركز فكل تصرف وكيفهمو بطريقتو كلشي تخلا عليه حتى من ماماه لي دابة مشات تجري تبكي فلحمام بوحدها ولكن هو شافها هربات منو حيت كيخلعها حيت هو وحش حيوان قتال...
قرب ليه باه بغا يحط يدو عليه ولا يهزو وهو يبعد فينما كيزيد باباه خطوة كيرجع لور حتى مشا يجري لفراشو وهز لمخدة وحطها فوق من راسو وفينما يحاول يقيسو باباه كيبدا يترطا حتى يبعدو منو وهاكة بدات رحلة الوحدة *هو ضد العالم*...
البنات قريتي خبطي جيم ماعندك ماتخسري💙💙
YOU ARE READING
امرأة متنكرة في عالم الرجال 🤠مكتملة🤠
Romance💎مكتملة💎 ❌حصرية على الواتباد ❌ . جبتلييكم قصة جدييدة محملة بافكااار مختلفة كل الاختلاف علي داكشي لي عهدتوو.. كنتمنى تعجبكم.. نخليكم مع التقديم💙🖤 تقديم القصة 😘 ذلك الشخص الذي لايعرف معنى كلمة احساس أو شعور ، لم يذق طعم السعادة ولا الحزن من قبل،...
