امراة متنكرة في عالم الرجال 💪
الجزء 31
بقلمي hanane zh.
ماسين فيقو من سهوتو صوت سمير لي واقف كيشوف فيه: أشنو قلتي؟؟
سمير: من صباح وانا داوي كنتي ناعس واقف؟؟
ماسين دار كيقلب مابانش ليه ياسين: فينو داك خينا
سمير: دا صاك لبيت
ماسين جر سمير: شوف ماتيقش فداك ساط وعمرك تنقص منو راه خطير وأفكارو شرانية
سمير نتر يدو: قوليا بعدا علاش كدبتي؟؟
سارة متوترة تفكرات نهار شافها ملي خرجات ليها ليغيكل فسروالها حسات بيه عاق ودابا ملي دافع عليها تأكدات ولكن دايرة فيها غبية لاتكون غالطة..
ماسين: شوف أعشيري اش كدير بداك تخربيق ديال أولويز شغلك هداك ولكن شتك تزيرتي ومعرفتي باش تجاوب وبغيت نعتقك
سمير نفخ صدرو: وانا مطلبتش لمساعدة ديالك واش تشكيت علك؟؟
ماسين: شوف اصلا كلشي حاكرك هنا انا عارفك صحيح غير من لي هزيتيني وطلعتي بيا لجبل فوق ظهرك، خاصك تقصاح معاهم وماتبينش ضعفك ميولك لجنسي شغلك هداك ولكن دراري هنا يقدرو يديروك فبالهم ولا طحتي نتا غاتدينا معاك حيت حنا فرقة وحدة...
سارة رتاحت نسبيا ملي حساتو معاقش وفعلا ملي كانو كيترينيو مكانش كيحن فيها إدن عمرو عاق بيها: شكرا العشير
ياسين واقف كيشوف فيهم : وااااا تحركوووووو!
ماسين عنق سمير: هالوحش جا
ملي وصلو فين خاصهم يتمركزو شافو فساعة لقاو باقة خمسة دقايق وبداو.
سمير: دراري خاصنا نديرو خطة بيمن نبداو
ياسين: بفرقة ديال كمال
ماسين: مريض نتا هداك أخر كروب نوصلو ليه
ياسين شاف فيهم بزوج وزاد وخلاهم،
سمير: فين غادي؟؟
ماسين شافو مجاوبش مشا شدو من كتفو: سولناك فين غادي
ياسين نتر ليه يدو وبكل برود كمل على طريقو وخلاهم واقفين.
ماسين دار عند سمير: هو لي عندو راية ديالنا؟؟
سمير: وياااه داها معاه. سمعني ساط فكرة مزيانة نبداو بكمال
ماسين شاف فيه وخرج عينيه: بعد مني هنا بقا لهيه واقلة ياسين كيعادي، متعاديونيش الله يرحم باكم
سمير كيضحكو ولكن مكبغيش يبين: أصحبي داك كمال شبعان عياقة وعارف راسو فرقة ديالو هي اقوى مجموعة إدن مغايكونش متوقع شي حد يحاول يهجم عليه..
ماسين بقا كيفكر: ممممم أشنو لخطة؟؟
سمير: سمعني مزيان
ماسين وسمير جايين بشوية كيتسلتو عارفين كمال غايكون فنفس بلاصة لي كانو فيها هو وصحابو ملي كانو كيتسناو فيهم يطلعو جبل وهجمو عليهم وصلو كيشوفو لعافية لي مشعلين مع الليل و الظلمة ..
ماسين كهمس: مكلخين مشعلين لعافية كلشي يقدر يلقاهم بدخان.
سمير تاهو بصوت شبه مسموع: راني قلت ليك تايق فراسو
ماسين كيشوف فجنابو: واش سمعتي صوت ياسين ولا غير جاب ليا الله؟؟
سارة طلعات لشجرة وكتحاول مديرش صوت حتى بان ليها ياسين واقف مع كمال وزوج صحابو
ياسين: دابا أشنو بغيتي؟؟
كمال: نتا لي جاي بوحدك ارا ديك راية وسير تاحد مايقيسك
ياسين: علاش غانعطيها لك
كمال: دابا ياتعطيها لينا يانضوروك حنا بتلاتة ونشوفو واش غاتفلت من بين يدينا
ياسين عطاهم راية بكل برود ودار غايمشي فحالو، كمال شد راية وحطها حدا راية لوخرا فوق صاكو
وتبع ياسين: بغيت نفهم علاش مكتحملش دوك جوج لي معاك
ياسين بلا مايدور: ماشي شغلك
هو غادي وكمال موراه تامبقاش كيبانو
ومبقاش سمير كيسمعهم..
نزل بزربة من شجرة: ماسين دابا خاصنا نفدوها سربييي
ماسين هز تراب لي سرد بشتا ولطخ تيشورط ديالو ووجهو وبدأ كيجري بسرعة وغادي وكنهج وتلفت، وسمير كيهرس فأغصان ديال شجر بجهد برجليه ويديه وكينقز فلأرض بجهد فبلاصتو،
صحاب كمال شافو ماسين جاي يجري وهوما يوقفو: مال دينمو هادا
ماسين كيجري وكيتلفت شافيهم وغوت: واااااجري جري هربو تابعني دب
دراري سمعو صداع لي كيدير سمير وهوما يخرجو عينيهم بلخلعة ودارو كيجريو بأقصى سرعة سبقو ماسين لي كيغوت من موراهم: تسناو ياولاد ق**** ديوني معاكم تسنااااو
خرجات سارة من مورا الشجر كتخرا بالضحك هزات رايات دغيا وهربات رجعات للنقطة فين غايتلاقاو.
البناات اش بانليكم فهادشي لحد الان واش مزياان ولا غي كنخربق
خليولي ارااؤكم
أنت تقرأ
امرأة متنكرة في عالم الرجال 🤠مكتملة🤠
Romance💎مكتملة💎 ❌حصرية على الواتباد ❌ . جبتلييكم قصة جدييدة محملة بافكااار مختلفة كل الاختلاف علي داكشي لي عهدتوو.. كنتمنى تعجبكم.. نخليكم مع التقديم💙🖤 تقديم القصة 😘 ذلك الشخص الذي لايعرف معنى كلمة احساس أو شعور ، لم يذق طعم السعادة ولا الحزن من قبل،...
