امرأة متنكرة في عالم الرجال 🤠مكتملة🤠

الجزء 93 🤠

امراة متنكرة في عالم الرجال 💪

الحزء 93

بقلم:حنان زهراوي/  اريا ستارك

منير: ومتخافيش صالير مزيان وسيد الله يعمرها دار وغايتهلا فيك
امال حسات براسها باقة معنقاه بعدات وهي حادرة راسها من حشمة كتفكر شحال من عام وهي كتمنى بحال هاد اللحضات معاه قررات تشجع وتحاول تبدا تلمح ليه.
امال احم منير معرفتش كيفاش نشكرك خليني نعرض علك شي نهار لعشى ولا غدا
منير بتاسم: لا مايمكنش مابيناتناش
امال مبغاتوش يرفضها وهي باغة غير فرصة تقرب منو.
امال: لا عفاك خليني نرد لك لجميل واخة بأي طريقة.
منير: متخافيش غادي ترديه طلب لوحيد لي ديما غاتلقايني نطلبك عليه تقلبي معايا على سارة خاصني نلقاها مكنقدرش نتخيل لحياة مستمرة وهي مكيناش حدايا.
امال غمضات عينيها كتستوعب لكلمات لي سمعاتهم هزات عينيها فعينيه لي كلهم حزن وحب باين غير من تلؤلؤ ديالهم حسات بخنجر فقلبها تفكرات صحبتها لا ختها وكيفاش أخر نهار جمع بيناتهم كان بمخاصمة وكيفاش سارة جرات عليها غير باش تهرب من دار.
عينيها غرغرو بلحزن من جيهت لي كتحب ومن جيهت أعز صديقة لي عمرها سولات فيها.

***************الأكادمية******************

دازو زوج الأسابيع والأكاديمية مستمرة فتدريبات الطلاب. ماوقفوش واخة وقع للي وقع بالعكس عاد مزادت تقتهم فراسهم وعرفو بلا هادشي كيعني بلا أعداء النجاح هوما لي كانو ورا هاد لهجمة.
داخل للقاعة فين غايكون لحفل وهو فأحسن حلة ليه كومبلي مأنتك وصباط كيبري وكيقاد فكرافاطة لي خانقاه.
لعميد جا عندو:ماسين ساعتين باش تقاد وليتي كتر من لبنات
ماسين بتاسم: أشمن ساعتين ونتا عطيتيني لائحة ديال أش ندير مساليتها غير نص ساعة هادي دوشت بسرعة خيالية ولبست وجيت...
لعميد هز حاجبو: هاد السرعة لخيالية ديالك مكنشوفوهاش ملي كتكون فتدريبات
ماسين حصل: احم فيناهو سمير؟؟
لعميد: مكيسمعش هداك راسو قاصح كان فإمكانو يمشي ويهني راسو ملي وافقنا ليه على تخرج ولكن بغا يبقا مخشي هنا.
ماسين تنهد وهو مباغيهاش تمشي: احم كنت بغيت نسولك واش ممكن ندخل تانا فهاد بروجرام ونتخرج فشهر؟؟
لعميد شاف فيه وبتاسم: وي ممكن ولكن غاتسنا ياسين حيت تاهو طلب يدخل لنفس بروغرام.
ماسين حل فمو: ياسين؟؟ تاهو باغي يتخرج دغيا؟؟
لعميد هز فيه حاجبو: اه علاش كاين شي حاحة معارفهاش انا ولا شنو؟؟
ماسين كان ساهي كيفكر واش ياسين عارف سمير بنت وبغ يخرج تاهو بكري ولا شنو علاش قرر فجأة يتخرج.
لعميد شافو مجاوبش: راني كنتسنى جوابك
ماسين حك راسو وبتاسم: لا غير سمعت بلي بقا سنين هنا بلعاني حيت مبغاش يخرج أشنو لي خلاه يغير رأيو.
لعميد شاف فماسين وبتاسم: هادشي لي بعيت نعرف تانا.

#يتبع