امرأة متنكرة في عالم الرجال 💪
الجزء 130
بقلم: حنان زهراوي /اريا ستارك
سارة باقة واقفة كتسنى حاطة التيلي فودنها كتحااول تصوني على منيير بانوليها جوج طوموبيلات جايين مكسيريين وقفو قدام المدرسة.. بقات كتشوف فيهم اللولة سايقها واحد والتانية بانتلها عامرة بالرجال..
سارة سمعات لابييل دازت: اووف واخييراا تايصوني.
ومشات بعداات باش نهضر فراحتها
كتسناه يحااوب والو التيلي تايصوني تاقطع راسو: اوووف مال هاداااا
عاوداات جرباات تصووني مع صونات جاوبها: الووو منمن مالك ماكتجاوبش من قبيلة التيلي تايصوني والو واش باقي ماقربتيي...
منيير تايلهت وتايخرج الهضرة غي بالزز: ساااارة هر بيي هرب يي هرببيي
سارة مافهمات والو: فين غانهرب مالك غي بالشوية علييك واش باقي بعييد بانلي عاد شدليك الريزو
منيير: اووف سارة خرجي من تماك باك رااه جاااي للمدرسة مع شي رجاال ورااا نااوي يصفييهالك هربيي من تماك
سارة تصدمااات وعينيها تغرغروو بالدمووع ابتسمات ابتسامة سخرية : ههه لهاد الدرجة ماتايحملنيش وباغي يتهنى مني!!
قطعات على منير وبقات واقفة كتفكر..
سارة : علاش غانهرب مادرت والو.. بغى يقتلني يقتلني جاا الوقت فين نتواجهو نييت
رجعات باتجاه المدرسة وهي ساهية
عند ياسين دار اشارة لواحد فيهم وجا لجيهتو
الشخص: سي العلمي را توصلنا لشى نتائج مهمة فالبحت ديالنا علي داك الدري..
ياسين شاف فيه : بحالاش!!
الشخض::الدري لي قلتيلينا نقلبو عليه صدق بنت... كانت دايرة راسها دري
ياسين بعدم صبر: اييه اييه فوت هادشي را عرفتوو واش قلبتو علي اصل البنت ومنين جات..
الشخص: ااه قلبنا مزياان البنت من مديينة صغييرة هربات من باها لي كان كايعنفها وباغي يزوجها بالزز.. لي عرفنا انو باها مارضااش فاش هربات ورحل للدوار ولكن من بعد جا لهنا تايقلب عليها مشى لشي وطييل وكان معاه شي رجل ومن بعد مشاو لاصال فين كانت خدامة. تبعناهم بزووج الرجل لاخر مشى بات فاوطيل ورا جاي دابا لهنا بوحدو.. اما باها ومن بعد مشى لواحد الحومة فالمدينة القديمة وشفناه تايهضر مع شي رجل وجمع شي شماكرية من تماك ودابا را جايبهم..
ياسين: كيفاش فيين حايبهن!! ؟؟ دوي خلاااص
الشخص : هما دابا جايين لهنااا... كنا تايبعينهم نييت تاجاتنا لابيل ديال سي حميد وجينا لهنا.. انا والدراري..سمحلينا ماجبناش ليك التيليفون
ياسين كرز سنانو وتعصصصب : شنو باغي يديير هاد الزاامل دباها ولاش حاي لعنا مع شماكرية؟؟ منيتووو
ياسين شاف فيه:فين وصلو داباا؟؟؟
الشخص: راهم واقفين تايرتاحو.. خلينا دراري من وراهم تابعينهم على رجليهم وجينا حنا لهنا
ياسين : مزيااان.. سمعنييي داباا.. مابغيييتش داك القوااد دباها ولا دوك ترييكة الزوامل لي معااه يوصلو لهنا ولاا يقربوو ليهاا كتفهم؟؟؟ .. غاتمشيو تعرضوليهم وغاتعطييوهم علاش تايقلبو وخاصة داك باها غاتعطييوه شي قتلة دالعصاا لي تخلييه يجلس شي شهر فالسبيطار.. ربماا يديير عقلوو...
الشخص قربليه ودوا بالشوية: مانصفيوها لتاشي واحد؟
ياسين شاف فيه بخبت: صفيوها لشي شمكار من هادوك ياكما ديرو تاهما عقلهم.. وكما العادة مانبغيييش تخلييو شي حاجة من ورااكم... ديرو بحالا شي قطااع الطرق كريساوهم...
الشخص : واخا اسيدي.. ومشى بحالوو
ياسين دار تايقلب على سارة بانتليه راجعة لجيهة المدرسة فاشلة ومصدوومة ووجهها مهطوف
جمع يديه على شكل قبضة ومشي تايجري لجيهتها: ساارة! ؟؟
شدهاا بديه من كتافها وبقي تايزعزعها:سااارة مااالك دوي معاياا ماالك
سارة كتشووف فبلاصة وحدة بحالا ساهيية وعينيها عامرين بالدموع مابغاوش ينزلوو
ياسين عصباتو يالاه بغي يصرفقها باش تصحصح وهي تشدلييه يديه وشافت ليه فيعينه نيشان. ودمووعهاا تطلقوو شلاال فوق خدودها: علاش؟؟ علاش باغي ضربني!!! علاش كولشي تايضربني؟؟.. شنو درتلييه كااع بااش يبقى يضربنيي بديك الطريقة... اي حاجة كان تايقولهالي كنديرها.. شنو ذنبي لا تولدت بنت.. علاش ماقتلنيش منين تولدت احسن ليا من هاكا.. منين عارف راسو ماحاملنيش وغي غايعدبني فحيااتي لاش خلاني نعييش وكبرني ورباني بحال شي دري.. لا ماشي بحال شي دري كون خرجت ولد ماكنظنش كان غايعاملني هاكا بالعكس كان غايتهلى فيا حيتاش كنت غانكوون رااااجل سبع يااك؟؟ ؟ علاش بنادم تايفكر بحال هاكا شنو الفرق ؟؟ باش غايفيدو دري؟ شنو ذنبي انا لابغييت نعيش عادي شنو ذنبيي!! لاهربت حيتاش مابغيتش نتزوج برجل اكبر منيي؟؟ شنو ذنبي؟؟ واش كنستحق المووت حيتاش بااغة نعييش شنوو دنبي قوليي نتااا شنو ذنبيي اناا؟؟ قولي شنو كنتي غادير نتا كون حبسووك وضربوووك وبغاو يعطيوك لشي وحدة نتا ماباغيهاش
سارة كتهضر ودموعها شلاال وكلما كتخرج كلمة كتزييد تزييرر علي يد يااسين و تغرز ظفارهااا فيهم
ياسين تايشووف فيها وكلمة حبسووك وضربووك كتعاود لييه فمسامعووو شاف فعينيين سارة كيكاتألم وبحاالااا شااف راسو.. ماقدرش يبقى بلا مايدير والو.. نتر يدو وجرررهااا لعندوو بالجججهد عنقهااااااا
يتبع
YOU ARE READING
امرأة متنكرة في عالم الرجال 🤠مكتملة🤠
Romance💎مكتملة💎 ❌حصرية على الواتباد ❌ . جبتلييكم قصة جدييدة محملة بافكااار مختلفة كل الاختلاف علي داكشي لي عهدتوو.. كنتمنى تعجبكم.. نخليكم مع التقديم💙🖤 تقديم القصة 😘 ذلك الشخص الذي لايعرف معنى كلمة احساس أو شعور ، لم يذق طعم السعادة ولا الحزن من قبل،...
