امراة متنكرة في عالم الرجال 💪
الحزء 86
بقلم: حنان زهراوي/ اريا ستارك
عبد الخالق: دابا نتا غتبقى ضرب مرتك ديما بحال هاكا واش هادي هي رجلة؟ في عوض تمشي تقلب على بنتك طلب منها سماحة تتضرب هاد لويلية لقيتيها ضعيفة واش هادشي لي وصى عليه الرسول صلى الله عليه وسلم؟؟ ها دوي زعمة نتا رجل دين كتعرف الله وكتخاف منو.
عبد الخالق:انا بعدا مبقيتش تنعرفك مني لي ولديتي ديك لبنت ونتا ضالمها معايشها على أساس دري فتعامل فشغال واش بنت صغيرة ياله خمس سنين تعلمها تعز لبوطات وتخوي معاك سلعة؟ ربي معطاكش دري رجعتوها دري صحة ؟؟
لعم رفع صوتو كيسمعو لأم سارة: راني كنجمعكم بزوج لمرأة هي لوتاد تانتي كتربي وتعلمي ديك لقسوة ديالك با نفعاتك دابة ونتي غاتشرفي وتعكزي غير بوحدك نتي وياه.
رجع شاف فخوه وهو معصب: غصبتوها فشبابها وصغرها متلعب مع بنات لاحصلتيها تقتلها عصا كبرتيها في حوايجك باغي تزوجها وباغي تفك ملي مقادرش على لولاد لاش كتولد ها؟؟
عبد الخالق:دير عقلك سير قلب على البنت معرفناها حية ولا ميتة جمع شمل عائلتك. هادشي لي كيدوز علك دنوب ديك لخلقة لي خليتوها تهرب منكم وتفكر بلي زنقة تقدر تكون رحم منكم واش معندكم ضمير؟؟
اب سارة تعصب جا حتى لقدام وجه خوه ووقف وعروقو باينين بالأعصاب.
الأب:واش شغلك فيا سير ديها في راسك هاديك مني لقها غندمها عاد نقتلها بيدي ونبرد هاد لعافية لي لداخل شمتاتني كحلات ليا وجهي، نتا أش عارف نتا محاسش بيا ولدتي لولاد لي يهزو لط اسمك وشرفوك لولاد لي غايقابلو خواتتهم ويكونو رجال
عبد الخالق حس براسو طلعو سكر تكا على لحيط وقال بصوت باح: وليتي باغي ضرب خوك كبر منك
تمو داخلين ولاد خوه بزوج جرو باهم بركوه فوق صداري عطاوه كاس ديال لما.
منير ولدو لبكر: عمي نعل شيطان وتهدن با راه مقصد والو غير خايف على سارة وبالو مشكون معاها بحالنا طلنا
الأب: قول باك يدخل سوق راسو خويا مبغيتش نغلط فيه ولكن باش يوريني كيفاش نربي بنتي ومراتي لا
منير:با عمي سمعوني انا قررت نمشي نقلب على سارة ومانرجع تانجيبها معايا
الأب شاف فولد خوه بتشكيك: علاش؟؟ أشمن رباح عندك؟؟
منير: عمي من صغري وانا باغي نتزوج بنتك كنت غير كنتسنى نترسم فالخدمة دابة ملي ترسمت دكشي علاش جيت للدوار هاد ليام ندوي مع دار ونقوليكم بلي دفعت باش نتحول من لمدينة وقبلو ليا وغانمشي تما نقلب عليها. راك عارفني قد مسؤولية راني تربيتك قدام عينيك قبل ماتحولو لمدينة
#فلاش_باك
منير فعمرو عشر سنين بارك حدا سارة لي فعمرها ست سنين: اجي نلعب معاك انا
سارة: بعد مني مبغيتش لعب معاك نتا
منير :عارف عمي مبغاكش تلعبي مع بنات لي قدك انا نلعب معاك
سارة: وامبغيتش أو بزز؟؟
منير جرها من يدها وقفها: نوضي متكونيش باسلة
سارة جمعات ليه يدو بواحد لعضة حتى طلقها وتلاحت كتعلق فيه باغة ضربو: قلت لك لا بعد مني صافي مكنلعب مع تاحد انا مباغة تاحد
منير: علاش كضربي دابة بحالك بحال باباك ديما لعصا لعصا لعصا.
سارة زكات من ضرب وبدات كتبكي ملي شبهها بالأب ديالها: انا ماشي بحالو لا لالا مغنكونش بحالو لا هو كيضربني بزاف انا مكنضربش والله غير نتا جريتيني بجهد هئ هئ متقولش ليا انا بحال
نور:صافي صافي متبكيش نتي ماشي بحالة وانا غانهنيك منو
سارة كتمسح دموعها وكتشوف فيه بكل برائة: كيفاش؟؟
منير:ملي نكبر ونخدم نتزوجو انا وياك أتكوني مراتي منبقاش نخلي عمي يضربك
سارة خنزرات فيه ودفعاتو: سير بحالك انا مغاديش نتزوج بيك تانتا غادير كيما بابا كيدير لماما انا مغنتزوجش كاع
منير ضحك من خاطرو: واللهتا نتزوج بيك مني تكبري دابا تشوفي ولكن مغانكونش بحال باباك انا أنشري لك لي بغيتي
سارة هزات حجرة ضرباتو وهربت: يلاه باش نعلمك تشدني بزز وتقوليا نتزوجو تفو عليك
رجعت بيه ذاكرة ضحك على ضربة مشا نيشن دارهم باش يوجد ساكو فلوس يمشي يقلب عليها
نهاية فلاش باك
ممكن نجمة منين تقراو 🤗💙
YOU ARE READING
امرأة متنكرة في عالم الرجال 🤠مكتملة🤠
Romance💎مكتملة💎 ❌حصرية على الواتباد ❌ . جبتلييكم قصة جدييدة محملة بافكااار مختلفة كل الاختلاف علي داكشي لي عهدتوو.. كنتمنى تعجبكم.. نخليكم مع التقديم💙🖤 تقديم القصة 😘 ذلك الشخص الذي لايعرف معنى كلمة احساس أو شعور ، لم يذق طعم السعادة ولا الحزن من قبل،...
