امرأة متنكرة في عالم الرجال 💙 💪
الجزء 162
بقلم حنان زهراوي /اريا ستارك
تسمع صووت الطلقة دالرصاص..
مع الغوتة ديال سارة..
دار ياسين لجهة سارة بانتلييه هازة الفردي للجهة لاخرى وجاية كتجري لعندوو وعاود شاف فالجهة لاخرى كان لويس هاز سلاحو وواقف غي بالزز شاد فكتفو لي كلووو عامر بالدم ..
لويس شاف فسارة بحنق وهز سلاحو باش يتيري فيهاا..
ياسيين غي وصلاتو سارة جرهاا وخبااهااا ورااه... ووقف موااجه لويس...
مشاو رجال ياسين دغياا طارو على لويس حيدوليه السلااح وضربوه جا طايح فالغرض وشاد فكتفو تايغوت: غانقتلللك الماروكانيش غانقتلكم كااامليين غاندمكممم .
ياسين دار عند سارة شادليها وجههاا بيدييه وتايصرفقها بالشوية: سااارة ساارة؟؟؟!
سارة مصدومة طاحليها السلاح فالارض هزاات عينيها فيه وبقات كتهضر بالزربة : ماات يااك قتلتوو يااك شفتوو جاي لجهتك بغى يتيري فييك والله داكشي باش انا سبقت تيريت فييه ماشي بغيت نقتلو غي باش نحبسوو كان غايقتلك....
ياسين قااطعها : صاافيي شوووت صافيي فهمتك.. لاا ماماتش هاهو كايغوت صافيي ماتخافي والو...
تسمع صووت اطلااق الرصاص داااخل البييت فين كان نيكولاس ونيكول
ياسيين حيد الفردي لسارة وجرها لقدامو محاوطها من كتفهاا ومغطيها بجسموو كايتمشى بالزربة ... دار شاف فرجالو
ياسين: هزووه وجرو لاخريين دييوهم تكلفو بيهم..
خرج دغياا قبل ماتزييد القضية تروون اكتر
حل بابا سيارتوو كب ساوة القدام ومشي تايجري ركب وكسيرا فالبلاصة خلااا غي الغبرة والريح ورااه
سارة شافت فياسين: متأكد ماغايموتش ياك
ياسين تايصوك حاضي مع الطريق وتايجاوبها: ممكن يموت
سارة حلات عينييها كتشووف فيه : ناااري قفرتهلل
ياسين شاف فيها : ولكن ماشي بسبابك غي تهنااي... الرصاصة جاتو فكتفوو وغي جرحاتوو من الجنب... ماغاتقتلوش الضربة لي غطيتيه.. ولكن ممكن يقتلو الضرب لي غاياكل من بعد
ياسيين عاد تفكر دار خنزر فيها : علااش رجعتيي! ؟؟؟ كوون شاففك وتيرا فييك نتي؟؟ ؟
سارة :ماعرفتش حسييت بشي حاجة ماشي تالهييه قلبي تزيير علياا..فاش ركبت تفكرت بلي شي حاجة كانت ناقصة هاداك السيد ماكانش..وحسيت بحالا غاطرا شي حاجة خايبة ورجعت..
ياسين مزير على الفولون ومرة مرة تايضرب فيه: ووخلاااوك دوك ال*واامل ترجعيي؟ ؟؟ لاش مخدمهمم منين ماغايديروش داكشي لي تانقولهم تانتفاهم معاهم من بعد
سارة غي ساكتة وكتسمع لنگيرو... هزيتي ياسين وحطيتي واحد اخر.. دارت كتشووف فيه كي معصب وتايهضر للحظة مابقاتش كتسمع هضرتو كتشوف فييه كي تايضرب فالفولون وتايغوت..
دار شافيها وهو بااقي تايهضر: سمعتيينيي! ؟؟ هاد المرة ماتبقااايش تزيدي من عقلك.. قلتلييك سيري هيي سيريي واش سمعتييني
سارة حسات بيه تايهضر معاها وسايرااتو: ااا واخا
ياسين دار حاضي الطريق: خاصنا نرجعو للأكاديمية... تماك غانكونو فأمان اكتر.. هادشي لي طراا فهاد الاياام ماتعاوديه لتاشي واحذ... (دار شافيها باش يشوف ردة فعلها بلعاني قاليها) خاصة مااسين.. ماتعاوديليه والو
سارة كانت باقة كتشوف فيه طاحتليها فكرة فراسها : لا مانقدرش نخبي شي حاجة على ماسين
ياسين فراناا وسط الطريق ودار عندها عرقووو بارزيين فجبهتو وكشاكشو خارجين : شنو قلتي؟؟
سارة كتقلقل علييه عجبها الحال كيفاش ولاات قادرة تلعب على اعصابو ماشي بحال قبل..: قلتلك انا و ماسين ماكنخبيو والو على بعضياتنا
ياسين زيير على سنانو وخنزر فيها تخنزيرة وحدة.. سكت ودار تاني ديماراا...
سارة رسمات نصف ابتسامة عجبها هاد ياسين الجديد..
ياسين باقي تايفكر فهضرتها.. شنو بينها وبين ماسين.. لاول مرة تايشاركو بزووج فشي حاجة.. غاتمشي تشاركها معااه.. ماحملش البلان
بقى شحاال صايگ و وبزوج ساكتين.. سارة تكاات على الزاج كتفكر فكاع هاد الاحداث لي طرااو.. وكيفاش ياسيين تكلف بكوولشيي.. كتفكر فردة فعلو فاش شافها قبيلة وكيفاش وقف بينها وبين لويس...
تفكرات ديك اللحظة ديال الدوش.. وهي تزنك غا بينها وبين راسها وقلبها بداا يضرب بالجهد ....
ياسين
وصل للمدرسة بااركا الطوموبيل ودار شاف فسارة: سارة...
سارة لي غي َقف بغاات تحل البات تاوقفها صوتو دارت عندو شافت فيه :نعام؟
ياسين رجع ملامحوو الباردة :من الاحسن ماتعاودي والو لماسين... حيتاش هو ولد عمي ويقدر يقول شي حاجة للعائلة ونصدقو فالمشاكل
سارة: صافي واااخااا..
حلات الباب ونزلات.. طلات عليه من السرجم: شكرا على كولشي...
دارت ومشات
ياسين اخيير همو هو عائلتو.. قالها هاكاك باش ماتشاركش معاه هادشي ويبقاو هاد الاحدات شي حاجة بيناتهم غا عما بزوج..
بانتليه غادية قدامو.. نزل من الطوموبيل سدها ومشى تبعها
ياسين: سااارة
سارة َقفات ودارت لعندو تاني :صافي كلمة وحدة هادشي ماغانعاودو لتاشي حد
ياسين قرب ليها وشد ليها يديها: نتي لي شكراا... واخا ماكنتش باغييك ترجعي ولكن راه.... (ماعرفش شنو يقول) زعما كون مارجعتيش ماع فتش شنو كان غايوقع
سارة ابتسمات وهي كتشوف فهاد المخلوق اي قدامها.. ماعرفاات منيين تشدو مرة معصب مرة حنين مرة متوحد مرة ضااحك مرة متسلط...
رميساء كانت باقة واقفة برا هازة صاكها ووموقفة باليزتها شاداها قدامها...
شافت طوموبيل ياسين وسدات عينيها باش تشوووف مزيان شكون هتديك لي واقفة حداه
رميساء: المدربة ساااارة؟؟؟! 🙂
#يتبع
شافتهم المجعوورة 🙂🙂كحاالت😂😂😂
YOU ARE READING
امرأة متنكرة في عالم الرجال 🤠مكتملة🤠
Romance💎مكتملة💎 ❌حصرية على الواتباد ❌ . جبتلييكم قصة جدييدة محملة بافكااار مختلفة كل الاختلاف علي داكشي لي عهدتوو.. كنتمنى تعجبكم.. نخليكم مع التقديم💙🖤 تقديم القصة 😘 ذلك الشخص الذي لايعرف معنى كلمة احساس أو شعور ، لم يذق طعم السعادة ولا الحزن من قبل،...
