امرأة متنكرة في عالم الرجال 💙 💪
الجزء 181
بقلم حنان زهراوي /اريا ستارك
عند العميد خرج هو وماسين والمدرب لقدام المدرسة لقى دوك الغساكرية لي كانو كايتسناو جايين فكاميونات.. غايدوزو واحذ 3 يام فالمدرسة..
ماسين بانتليه ايمان واقفة مع الدكتور كريم.. تفكر الدقة لي عطاتو هو يعكد عجبانَو
دارت شافت فييه بابتسامة شريرة....وكضحك علييه ولكن ماداهاش فيهاا حدوو خنزر فيها تخنزييرة خطيرة و نخلها.. دور وجهو للقدام وباينة فيه طاااالع الدم..
حسات بييه مقلق ديال بالصح وهي تجمع ضحكتها فالبلاصة وبقات كتساءل واش بالصح تقلق منهاا نييت ومالو تايخنزر هاكاك ماموالفاش لييه
العميد تاحرك فسوارتو ورجلو ليسرا دليل على انو مامركزش مزيان ومستريسي... وماسين تاهو نفس الشيء
نزل لاجودان باااين معلقة ليه نجمة بيضا فكتفو ومن ورا الكاميون جاية حديدة ناضية.. نزل منها لاجودان شاف معروف بالنجمة الصفرا.
قربو للعميد لي متوتر َ عطاوه التحية وتاهو ردها عليعم.. وماسين والمدرب وحتى ايمان و الدكتور كمال عطاو التحية ديالهم... حيتاش تاهما خريجي المدرسة العسكرية ديال الطب....
العميد عطى الاشارة للعسكر يدخلوو الداخل المدرب وايمان و الكتور كريم غادي يتكلفو يوريوهم فين يمشيو.. وموجديين ليهم الداخل كولشي..
شاف العميد فماسين وقالييه يتبعو بقاو غاديين تاوصلو للادارة وطلب من لاجودان ولاجودان شاف يمشيو معاه
وصلو للمكتب وعطى اشارة لماسين باش يبقى واقف تماك..
ماسين واقف كايتسنااهم َقلبوو كايضرب بالجهد..
بمجرد ماكايتفكر بلي سارة وسط هادووك الناس ومخطوفة قلبو تايوقف.. وكايزير علي يدو وسنانوو...
بعد ربع ساعة بالضبط خرج العميد زربان وشاف فماسين ضربو لمرفقو: يالااه تانتا غاتمشي معاانا..
خرج لاجودان شاف مدوز لابيل تايهضر و لاجودان
صونا للكابران شاف(الكابورال شاف بالفرونسي هو عندو رتبة قل من لاجودان) باش يجمع ليه بعض العساكرية..
خرجوو كاملين
لاجودان شاف قال للعميد: صافيي اسي رشيد(العميد) خرج لوردر غي ياالاه
العميد رتاح نسيياا لي صعييب فهاد المهام هو واش غايعطيوك الادن ولا لا حيتاش غاتخدم الممتلكات ديال الدولة لي هما العسكر نيت...
خرجو كاملين كل واحد ركب فسيارتو الا ماسين ركب مع العميد وشي عشرة دالعساكرية مسلحين فواحد الكاميون تابعينهم...
العميد تايسوق بسرعة تاوصل للطريق الوئيسية لقاها خاوية كتصفر.. فاش تاينزل لوردر الدولة كتعاونك فكولشي حتي من الطوموبيلات حبسوهم فشي بلاصة...
كسيراا نيشاان للفيلاا لي عاارفها مزياان فين جات
سارة بقات مزيرة على داك الشخص وموجهة السلاح لراسو
ياسين متكي على الباب تايدفع فيه بكل قوتو والرحال لاخرين تايدفعو فيه
الشخص مع سارة: طلقييي منيي الخنثى
ياسين تايدفع بكل قوتو ومزيير.. كمش حجبانو الصووت جاه مألوف بزااف
سارة بنبرة تساؤل : كمااال؟؟ ؟!
كمال سارة مدورة ليه يد علي عنقو خافقاه ومطلعة ليه راسو للفوق وحاطة عليه السلاح.. تايخرج الهضرة غي بالزز: ااااه.. ك كماال.. ط طلقييي
سارة : شكاديير هناا!! ؟ واش نتوماا لي خطفتونا؟؟؟؟؟
ياسين لسارة تايدفع بكل قوتو وتايهضر: ضربي الحماار تاع بووه باااش يهضرر.
سارة زاادت زيراات علييه : دوييي علااش خطفتيينااا ولا غانقتلك
كمال حاط يدو على يد سارة لي زاادت زيراات على عنقو تاولا حمر..
ياسين كان تايدفع الباب بيديه دار بالخف و تكى عليه بظهرو ومكالي برجلو فالارض.. تايحس بضرباات تايجيو فالباب بحالا تايضربووه باش يتقلع...
ياسين تايخرج الهضرة تقيلة بكترة مامزيير باش يدفع : سااارة مابقى ووالوو ويدخلوو عليناا
كمال صافي تخنق: كح كح كح..
سارة زادت زيرات عليه:صبر غي شوية مابقاليه والو ويغيب....
ياسين تايغوت: علااااش بغيتييه يغيب باش غانعرفو فين حنا
سارة: مااعندناا مانديرو بيه... غي سكت را عندي خطة تقدر تخرجنا منهنا..
نتا ماحضرتيش للبلان دالعافية ماغاتفهمش..
ياسين صافي مابقاش قادر يحبسهم الضغط كتار عليه
ياسين: دااباااا شنووَ غانديرووو
سارة بدات كتحس بكمال تايترخى فيديها تاولاا تقيل طلقاتو جا طايح للارض
سارة: نحسب حد تلااتة جي وقف حداياا
ياسيين عيااا وولاا حمر :سربييي
سارة: وااحد، جووووووووج.................. تلاااتة
طلق ياسين الباب وجا وقف حداها دغياا
سارة شدات فكمال لي مغيب وهي حاطة السلاح فوق راسو
# يتبع
YOU ARE READING
امرأة متنكرة في عالم الرجال 🤠مكتملة🤠
Romance💎مكتملة💎 ❌حصرية على الواتباد ❌ . جبتلييكم قصة جدييدة محملة بافكااار مختلفة كل الاختلاف علي داكشي لي عهدتوو.. كنتمنى تعجبكم.. نخليكم مع التقديم💙🖤 تقديم القصة 😘 ذلك الشخص الذي لايعرف معنى كلمة احساس أو شعور ، لم يذق طعم السعادة ولا الحزن من قبل،...
