امرأة متنكرة في عالم الرجال 🤠مكتملة🤠

الجزء 6 🤠

🌀امراة متنكرة في عالم الرجال🌀
بقلمي:hanane zh
الجزء 6

قاطع تفكيرو باه لي قاليه: يالاه ندخلو من الشمس
ودخلو كاملين
شداتو مو وعنقاتو من يدو حس بيها لاحت عليه الثقل ديالها من جهة الشكارة فزهرو من حهة اخرى والبرهزش لي هاز فيدو لاخرى ولكن صبر وهو راسك ابتسامة فوجهو
دخلو للداخل عطى الولد لمرت خوه عاد رتااح بغات الخدامة تاخد شكارتو ومنعها.. ماتايحملش شي حد يقيس اغراضو الشخصية..
الام جراتو: يالاه اولدي تاكل را واجدة الطبلة
ياسين بغى يرفض حيتاش عيان وباغي يتكى شوية سمع خوه المتوسط قال: را من قبيلة وجدات الغدا وكتسناك ماخلاتناش ناكلوو تاتجي
ياسين شاف فيه : هه يالاه تاكل دابا
مشى وجلس معاهم فالطبلة.. تفكر فاش كان تايجلس بوحدو ياكل.. كان مرتاح تاياكل فالوقت لي بغى دابا حاس براسو مراقب ومالقيش راحتو .. كلا بالزز وهو تايجاوب على اسئلتهم الغبية كان ديما تايراسلهم باخبارو مافهمش علاش تايسولوه تاني
الاب: هي دابا صافي خديتي الدوكتوراه ديالك؟
ياسين بابتسامة: اه الواليد خديتها
خوه الكبير شاف فيه عرفو عياان هو الوحيد لي كان تايتراسل معاه فهاد الوقيتة كاملة وشي مرات كان تاءهضر مع مو ابيل ولكن قليل
الاخ الكبير سميتو حميد: صافي نخليوك تنوض ترتاح بركة عليه من الاسئلة را عياان
ياسين نزلات عليه هاد الجملة بحال الرحمة دسيدي ربي شاف فخوه بابتسامة وناض: نخليكم نمشي نرتاح شوية عيان
الام شافت فيه ووقفات من بلاصتها: واخا اوليدي اجي نوصلك لبيتك را وجدناها ليك
ياسين ابتسم بلامايرد عليها وتاجه لجهة الدروج

الاب شاف فولادو: اش بان ليكم فيه؟
حميد الاخ الكبير هو الابن المثالي فالعائلة هو لي هاز الشركة د باه وهو لي تقاتل تانماها وكبرها مع باه فعمرو 46 سنة متميز بالرزانة والحكمة ظريف وتايبغي الخير لخوتو: بانلي تبدل و ولا حنين شوية ماشي بحال قبل.. شفتيه كي ابتسم فاش عنقاتو الواليدة صراحة كبر بزااف و ولا رجل
الاخ المتوسط قاري مزياان عندو جوج دوكتوراة وحدة فالقانون ولاخرى فللاقتصاد خدام مع باه فالشركة كمحامي ليها وفنفس الوقت نائب الرئيس لي هو خوه الكبير فعمرو 34 سنة سميتو مهدي : انا كنظن بلي باقي بارد شوية واخا هاكاك ماعرفتش علاش
الاب شاف فيه وخنزر
نقز حميد: غا حيتاش عيان مع السفر را جاي من المانيا نسيتي؟
الاب: امم بالصح ممكن يكون عندك الحق.. صافي انخليوه يرتاح ومن بعد نشوفوه كيولاا مهدي قلتيلي عندك شي صاحبك طبيب نفساني؟
مهدي: اه عندي علاش
الاب: حاول تلاقيه مع ياسين وعارفهم بيناتهم.. وطلب منو بلامايقوليه بلي را طبيب وقولو يشوف الحالة ديالو غا من بعيد ويلاحظها
حميد: با يلا شك ياسين غاتجبد غا الصداع وغايوقع بحال شحال هادي
الاب خنزر فيه: داكشي لاش سمعتيني قلت لمهدي يوصي صاحبو *شاف فمهدي بحزم* هادشي ماخثوش يتفرش نهائيا تفاهمنا؟
مهدي وحميد: واخا با
كانت حداهم زوجة حميد مافاهمة والو وكتوكل فولدها شافت فحميد بمعنى من بعد وتشرحلي وهو غمزها بمعنى سكتي حيتاش الموضوع حساس بزااف

طلعات الام مع ياسين الدروج تاوصلو للبيت
الام: تبارك الله كبرتي ووليتي رجل اوليدي توحشتك بزاااف
بدات كدمع تاني
ياسين ماعرف مايدير ليها ماعرفش مالها كل مرة وتبكي واش كتمثل ولا قلبها ديجا طايب حيتاش جاه بزاف هادشي.. خاصة وانه مافاهمش ياك هو دابا قدامها دونك لاش كتبكي .. ماكاين تاشي سبب مقنع لفنظرو لي يخليها تبكي مازال فاش كان بعيد عليها ممكن ولكن دابا حداها شنو المشكل .. ياسين صعييب عليه يفهم كيكايحس الانسان العادي وصعيب عليه يتقبل احساس الام ومشاعرها
شدات ليه فيديه فيقاتو من سهوتو: هاهي بيتك اوليدي

ياسين مع دخل للبيت شم ريحة الصباغة باينة عاد صلحوها .. كانت ذو تصميم عصري خليط بين الاسود والابيض والگرونة.. كولشي جديد كولشي نقي شاف ياسين فمو كتسنى يدير شي ردة فعل كتبين اعجابو ببيتو
هو عندو عادي كانت بيت او قصر ماتايهموش ناموسية جديدة او قديمة فراش زوين او خايب مهم شي حاجة لي يتكى عليها ويرتاح
شاف فيها لقاها باقة كتسنى رد منو خاصو يشكرها ولكن فكر فنفسو انو ماطلب منها والو دونك لاش كتسناه يشكرها
الام: مالك؟ ماعجباتكش اوليدي بيتك؟؟
الابن بقلة حيلة ابتسم و خرجها بالزز: لا زوينة
ضحكات مو : الحمد لله ههههههه عرفتي هاد الاثاث كلو صممو مصمم عالمي مشهوور من تركيا سميتو... بلاب لا
ياسين ماكيسمعش لاش كتقول
بقى غي كايفكر شوية دار قاطعها : نسيت تيليفوني التحت هاني راجع دغيا
نزل ياسين للتحت لقاهم باقيين تاياكلو
ياسين ابتسم : سمحولي نسيت تيليفوني
هزو حميد مدوليه: هانية اخويا سير ترتاح الفوق
تبعاتو مو: وليدي طلع ترتاح دابا
ياسين باقي راسم نفس الابتسامة : واخا
غي عطاهم بالظهر محاها من على وجهو ورجع لملامحو الباردة وكليكا فالتيلي حبس التسجيل
طلع لبيتو سدها عليه حل صاكادو جبد الكيت ودارهم وطلق التسجيل
سمع للحوار كامل لي دار بين خوتو وباه.. شاف فالسرجم ببرود وبقى تايعاود الحوار مراات ومرااات تاحفظو ابتسم بسخرية
حط التيلي وتكى فوق سريرو

#يتبع