امرأة متنكرة في عالم الرجال 🤠مكتملة🤠

الجزء 89 🤠

امراة متنكرة في عالم الرجال 💪

الحزء 89

بقلمي: اريا ستارك

فهاد لوقت سارة غادة وكتقرب ليه ملي وصلات لمسافة لي بغات هزات رجليها ضربت دراعو حتى طاح لموس لي كان هاز ولكن بسرعة تاهو ملي ضرباتو جرحها بلموس لي عندو فليد لوخرا، حطات رجلها لأرض وتألمت ولكن مبغاتش تبين فملامحها هزات حاجبها فيه بتعالي.
كمال تقاد فبوزيسيو ديال مضاربة بابتسامة شيطانية هجم عليها بلموس خوات ليه وشدات دراعو لي فيها لموس بزوج يدين وتلوات عليها كتكرز باش يطلق لموس، ساعة كمال نتهز لفرصة وعطاها كروشي لجنبها حدى كلاوي
رجعات بلور من حر ضربة كمال بتاسم وبدا كيدور بجنابها بحال شي مفترس وكيقلب فين نقطة ضعف الفريسة ديالو.
كمال مبتاسم: ماشي غير لموس لي يقدر يآديك
سمير بقا كيشوف فيه كيفاش حركاتو تبدلو وطريقة لمضاربة ديالو تبدلات شاف فيه وهز حاجبو:فين تعلمتي مضاربة هاكا

كمال: هههه ماشي غير نتا لي مخبي مواهبك.
كمال لاح لموس وهز يديه بلي خاوين وبتاسم لسمير: أجي عند عمو يوريك رجولة ولمضاربة
سمير خنزر فيه وتفكر بلا دابة معندو تاشي سبب يخبي طريقة لمضاربة ديالو مدام لعميد عرفو.
سمير: ياله وريني نشوف
هجم كمال على سمير وهو تايق فراسو ولكن بكل سهولة خوا ليه سمير وتسناه يضرب عوتاني ملي حاول يجمعو بشمال نقز فلبلاصة خوا ليه ولكن كمال رجع يدو لور فنفس لوقت وجابها بكل جهدو لجيهة كرش سمير لي شدها بيدو ومع كان مهزوز جرها معاه منقز صدق من ورا كَال ولاوي ليه يدو دفعو بيها حتي طاح لرض وعاود جمع لوقفة بزربة معصب..
سمير: واقلة طريقة لي كنتي كضارب بيها قبل حسن حيت ماشي طريقتك حركاتك مكيكونوش متوقعين دابة لي درتيها كنعرف أش غتحاول دير من موراها.
كمال: نتا واعر نتا هههه
تحدر كمال هز لموس دغيا وبتاسم: ملي جيت نفكر عزيز عليا نلعب بلا قوانين.
سمير تحرك دغيا هاد لمرة هو لي هجم لول ضربو لوجهو رجع بلور خطوة ولكن رجع توازن ديالو وحاول يهجم وكل مرة سمير كيوقف لهجمة ديالو خلاه تاعيا وهز رجلو ضربو لور ديال ركابيه طاح لرض على ركابيه ملي خواو بيه وفديك لقطة ضربو سمير لنيفو حتى غيب.
لمعلم: نص نهار ونتا كتلعب فيه كان علك تساليه قبيلة
سمير جا يجري وقف قدامو: معلم
معلم مخنزر: أش كتخربق هنا؟؟ كضيع لوقت ماسين صاحبك كتف جوج ورجع عدنا قالينا فين نلقاوك ونتا هنا كتلعب؟
سمير حدر راسو: لا راه كان عندو موس
لمعلم: تحرك دغيا عاونهم يخرجو كلشي برا راه كاينة قنبولة معرفناهاش فين
سمير تفكر تالت منين داز: انا عارف قوليهم يخويو جناح الأساتدة
لمعلم شدو قبل مايبدا يجري: متحاولش تكون بطل وتغامر بحياتك
سمير: متخافش.

#يتبع
ممكن نجمة منين تقراو 🤗💙