امرأة متنكرة في عالم الرجال 💪
الجزء 101
بقلم: حنان زهراوي / آريا ستارك❤️💙
صباح جديد عند الابطال ديالنا
وماشي اي صباح عادي هادا صباح فشكل خاصة عند سارة.. اه سارة مابقيناش غانسمعو سمير حيتاش سارة واخيرا قررات تصالح مع ذاتها وتقبل راسها انها بنت..
الحاجة لي ماقدراتش تقبلها من قبل بسباب واليديها، ولكن دابا تقبلاتها وهادشي بسباب الأكاديمية عرفات راسها بلي هي ماشي دري حيتاش عاشت مع دراري وهي ماكتشبهش ليهم...
. عرفات بلي ماشي بوحدها لي عاشت مشاكل او عانات كاينين ناس عاشو ماكتر منها، ياسين على سبيل المتال لي شخصيتو غامضة ولحد الان مازال مانساتها سارة واخا دازت شهر،، اكتر شخص كتحس بيه تايشبهليها وبعييد عليها فنفس الوقت.
ويمكن هو اكتر حالة خلاتها تعرف بلي ماشي بوحدها كتعاني وماشي بوحدها لي غريبة ومختلفة، وبلي خصها تفتخر بذاتها ماشي تكرهها وتحاول تخبيها..
وطبعا ماسين لي هو اول شخص تايتقرب منها كذكر وهي كانثى ، تعلمات منو بزاف دالحوايج، وعاد قيم الصداقة والمساعدة دالاخرين، الاتحاد، التقة...
قربات سارة من الماريو، وختارت كسوة، اول حاجة غاتلبسها سارة هي كسوة.. كانت كسوة سوداء فيها وريدات صغاار بالباج ، شافتها سارة فواحد المتجر وقررات تشريها..
وقفات قدام المراية وخدات نفس عميد.. حيدات كاع حوايجها وجبدات دوبياس جداد.. ابتاسمات مع راسها فاش شافتهم. هههههه هادي اول مرة غاتلبس سارة سوتيان، ضحكها راسها.. واخيرا غاتهنى من البانضات باش كتزير علي صدرها و الشورط المزير..
لبساتهم ولبسات ليبا موس فالبيج والكسوا مالفوق.. شعرها ماقطعاتوش وطواليهم سنتيميترات قليلة.. مشطاتو وردات لافخونش القصيرة للقدام والباقي اللور..
هزات بارفانها الجديد ورشات رشيشات خفاف فعنقها.. قربات للمايكاب الجديد لي شرات واخا عارفة راسها ماغاديروش بزااف وماكتعرفليهش اصلا دومونداتو غي من باج ففايسبوك ،ولكن خداتو حيتاش كاع الفتيات عندهم وهي دابا ولات فتاة.. هزات كلوز وجرباتو.. للحظة ذاقتو و عجبها كان بمداق الفواكه
سارة لنفسها: اممم هادا يصلاح يتدوز بالخبز ماشي يدار فالفم ههههههه
هزات ريسيل شافت فيه ماعرفاتش كيفاش تستخدمو ورداتو لبلاصتو
شافت النتيجة فالمراية وعجبها راسها.. لابأس بيها بالنسبة للنهار الأول..
جمعات ماكياجها وبارفانها وحطاتهم فصاك كبير مع حوايجها.
هزات صاك داليد من نوع لويفيطون ولبسات صباطها البلا ،
خدات سوارت الدار وصاكها لي جمعات فيه حوايجها الجداد وخرجات لخدمتها الجديدة وهي مبتسمة وكلها تقة
عند ياسين واقف فالبالكون وتايتأمل برا.. وتايتسنا شي حاجة
جاتو ابيل دغيا جاوب عليها
ياسين: لقيتو شي حاجة؟
الشخص: اه اسيدي لقينا عنوان ديال واحد الشقة ولكن فاش سولنا عرفنا بلي بنت لي كارياها ماشي دري
ياسين مافهم والو: كيفاش بنت؟؟ واش المعلومات لي لقيتو غالطين؟
الشخص: لاا اسيدي متأكدين بلي هادا هو العنوان الصحيح ديال سمير.. اخير شخص شافو قالينا را دخل لهاد الشقة ولكن دابا خرجات منها بنت..
ياسين : تبعتو البنت ؟ ؟؟ تقدر تكون كتجيه شي حاجة ولا صاحبتو
الشخص : لا اسيدي ماتعقبناهاش خفنا لا يخرج سمير ونضيعوه
ياسين قطع عليه وتفكر اخير نهار
#فلاش_باك
كان غادي للغرفة دالعميد شوية تاسمع صوت بنت
البنت : صافي واخا موافقة
ياسين حل الباب ودور راسو لقى غي الرجال
شاف فحميد كان متوتر هو والعميد لي اول مرة يشوفو متوتر
دار عند سمير بانليه مزنك تما حس بشي حاجة ماشي تالهيه
خرج سمير مع المعلم ديالو
حميد: انا جيت نناقش العميد على داك الشهر لي غاترجع فيه هنا باش نشوف ياكما يأتر ليك فصحتك وواش تقدر تتحمل
العميد: اه اه، كيما قلتليك التدريبات غايكونو عاديين ولكن مكثفين وغايكون منقسمين لجوج دالحوايج نفسية وجسدية.. وخاصة النفسية كنركزو عليها بزاف.. اصلا المؤهلات الجسدية ديال ياسين تأكدنا منها فهاد السنوات لي فاتو
ياسين تايشوف فيهم وبعدم تصديق، مايحتاجش العميد يعاود هاد المعلومات كاملين بما انه قالهم لخوه حميد
شاف ياسين فحميد وقرا فوجهو بلي بحالا اول مرة غايسمع هادشي.. تما تأكد بلي مخبيين عليه شي حاجة
ولكن لي مافهمش شنو دخل سمير فهادشي لي مخبيين عليه...
ياسين: انا غانسبقك لبرا.. تاتسالي مع العميد
حميد قاليه واخا وقرر يبقى شوية مع العميد باش مايعيقش..
خرج ياسين قاصد سمير باش يجبد منو الهضرة ولا اي حاجة..
ماخلا فين ماقلب عليه.. مالقاهش..
باسين: فين مشى هاد الخرا تاني..
خرج لبرا ومشى للباركينغ
بانليه المعلم واقف حدا شي طوموبيل ولكن سمير مامعاهش... مشى ضرب الدورة لورا الاكاديمية فين كان سمير وماسين تايترينيو وتماك شاف منظر غريب لي عصصبوو بزاف
ياسين مع راسك: مالك تعصبتي؟! عادي صاحبو ومعنقو شنو المشكل.
ماسين معنق سارة او سمير : فراسك نتي اكتر حاجة غانتوحش.. هاد الاكاديمية ماكنتش غانكمل فيها سيمانة كون ماكنتيش نتي فيها. بغيت نشكرك على كاع داكشي لي درتي معايا
سمير بصوتو الغليظ : تاشدرت معااك غي كتزيد فيه
ماسين مبتسم: ايمتا غانسمع صوتك الاصلي..
سمير تمر فيه
ماسين : صافي صافي هههههههههههههه.. منيتك كيفاش شدرتي معايا.. راك درتي معايا شي حوايج تا الرجال ومايديروهم معاك.. خاصة نهار هزيتيني فالغابة ههههههه
سمير ابتسم... قرب ليها ماسين بالشوية
جرها من ظهرها وبغى يبوسها ففمها
ولكن دغيا قلبات وجهها وباسها فحنكها
دفعاتو وقلبها تايضرب فالتسعين وتزنكاات بزااف
سمير: منيتك انمي وكون شافنا شي حد...
دورات وجهها دغيا بانليها بحال شي خيال تخبى.. مشات تابعاه مالقات والوو..
ماسين: ماكان تاحد راني شفت
عند ياسين لي مافهم والو من داك المنظر لي شاف
واش ماسين مثلي، كان غايبوس سمير من فمو ولكن سمير قلب وجهو يعني سمير ماشي مثلي... وعلاش جرو لعندو بديك الطريقة وهو متأكد..
حس ياسين بالعرق نازل ليه من وجهو
نهاية الفلاش باك..
ياسين واقف فالبالكون : غانرجع للاكاديمية اليوم وغادي نعرف شنو تحت راسك اماسين.. وضروري خصني نلقى سميير.. ماغانتهنى تانلقااه
YOU ARE READING
امرأة متنكرة في عالم الرجال 🤠مكتملة🤠
Romance💎مكتملة💎 ❌حصرية على الواتباد ❌ . جبتلييكم قصة جدييدة محملة بافكااار مختلفة كل الاختلاف علي داكشي لي عهدتوو.. كنتمنى تعجبكم.. نخليكم مع التقديم💙🖤 تقديم القصة 😘 ذلك الشخص الذي لايعرف معنى كلمة احساس أو شعور ، لم يذق طعم السعادة ولا الحزن من قبل،...
