امرأة متنكرة في عالم الرجال 💪
الجزء 103
بقلم: حنان زهراوي/اريا ستارك
دخلات سارة للأكاديمية ولكن للملحق ديال البنات
لي هو فالاصل كان خااوي فالجنب وبينو وبين الملحق ديال الدراري سور كبيير وباب واقفين فيه 2 د الحراس..
دخلات للملحق ونعتليها السيكيريتي الغرفة ديالها الجديدة ولي هي غرفة خاصة بالاساتذة.. ماشي بحال القديمة...
هادي كبيرة شوية ومجهزة مزيان
بحال شي ستوديو عصري.. فيها بيت مشروك مع كوزينة لي مجهزة...
مع دخلات سارة حطات صاكها فالارض وحيدات صباطها لي جرحها فرجليها ماللور
سارة طلات على رجلها لقات واحد الفقاعة تنفخات ليها بالصباط وعاد تحل لييها من الحنب : بففف الي بغى يلبس شي صباط... من هنا للقدام ماكاين غا السبرديلات تايلا ضربت شي حد نقادليه الدقة..
.. هزات الصباط وحطاتو فالسرجم يضربو الهوا
مشات كتبقشش فالكوزينة
سارة ابتاسمات فاش شافت العصارة دالقهوة: اووووه احسن حااجة داروها .. انصايب شي قهيوة قبل مانبدا نقاد فالبيت
صايبات قهيوة شمات ريحتها عمرات بيها ريتها مزيااان وااعرة .. يالاه بغات دوقها وهي تفكر ياسين فاش حيدليها الفنجان دالقهوة من يديها.. هاد الشهر كامل وهي اي حاجة وقعات ليها كتفكرو يا هو يا ماسين..
كانت عوالة تقول لماسين على انها غاتولي تخدم فالاكاديمية ولكن معصبة منو من داك النهار فاش باسها على غفلة. ولدابا حاسة بلي شي شخص شافهم.. داكشي علاش قررات باش انها تسكت وماتقولهاليهش وخاصة انه تايتبسل عليها بزاف وهي دري بقي غا وهي بنت وهي ماكترتاحش لهادشي.
كملات قهوتها ومشات كتقاد حوايجها فالماريو..
برا الملحق كانو الدراري معلقين فالسور وتايضسرو علي واحد البنت
الدري: بسسست اييه نتي ادييك الزويينة.. بسست اديك التيتيزة
هزات البنت راسها وحيدات نظاظرها شافت فييه بنظرة وقالت لصاحبتها : شوفي اختي علي تيتيز
البنت 2 دارت تشوف مابانليهاش هو : شوفي انورييك واحد مانبغيي تاشي وحدة تشوف فييه ولا حتى تفكر فييه.. ديالييي صافي
البنت 1: امم صافيي ماتخافيش لي شافت فيه نعور ديلمها
البنت 2 جاتها حجرك صغيرة فرجلها دارت لقات الدراري تايشيرو عليهم بحجر صغيير
البنت 2 دارت كتغوت عليهم: اداااك ال*ااااامل اللينعل دييلمك تعاود تشير بشي حجرة انشقف ااحمار تاع بوك
البنت 2 غي تاتشوف فيها خلعاتها دغيا تقندشاات
هزات البنت 1 اكبر حجرة شافت فالارض وشيرات عليه بيها حابتهاليه فوجهو
البنت 2: اويليي اروميسااء شقفتيليي التيتيز ديالي. مالقيتي فيمن تجيبيها
رميساء جراتها:تحركي نتي تاني ولا نشقفك تانتي... يالاه ندخلوو..
البنت 2 بدات كضحك :هههههه عرفتي فاش بديتي كتسبيه فكرتيني غا فساري كول ههههههههههههههههههههههههه
رميساء :مووك هادي ماشي ساري كول
#يتبع
YOU ARE READING
امرأة متنكرة في عالم الرجال 🤠مكتملة🤠
Romance💎مكتملة💎 ❌حصرية على الواتباد ❌ . جبتلييكم قصة جدييدة محملة بافكااار مختلفة كل الاختلاف علي داكشي لي عهدتوو.. كنتمنى تعجبكم.. نخليكم مع التقديم💙🖤 تقديم القصة 😘 ذلك الشخص الذي لايعرف معنى كلمة احساس أو شعور ، لم يذق طعم السعادة ولا الحزن من قبل،...
