امرأة متنكرة في عالم الرجال 🤠مكتملة🤠

الجزء 80 🤠

امراة متنكرة في عالم الرجال 💪

الحزء 80

بقلم: حنان زهراوي / اريا ستارك

سارة ملي طلقات لمصيدة دارتها بلعاني حيت عرفات غادي يلقاوها دغيا لاتبعو لخيط دكشي علاش طلقاتو ونتاهزات لفرصة.. لي بزوجهم دارو لمصيدة وطلعات فيها لشجرة لي كانت مقابلة معاها بلاحس كتحرك وبكل صعوبة كتسناهم يدويو باش دير خطوة كبيرة حتى بركات فبلاصة مدرقة مزيان بالغصن ديال شجرة، بقات مقابلاهم حتى تفرقو كيقلبو ورجعات هزات صندوق ديال المصيدة وشدات لفريخ لي كان دخل ليه ورجعات صندوق كيما كان ورجعات بالزربة للشجرة.
سارة كتشوف فلفريخ لي بين يديها كتعطيه لماكلة فراحة يدها ومبتاسمة.
سارة: عارفاك كتقول هادي مسطية ولا هربان ليها فريخ كتسمع فناس مشكوكين من أمرهم كيهضرو على أكادمية وباقة عينها فيا انا لفريخ مسكين..
جاب ليها راسها ضحك بتاسمات: من بكري وانا كنلقى راحتي مع الحيوانات حسن من لباشار ونتا يا سي (بدات كتفكر) غانسميك لعياشي ههههه عرفتي اسي لعياشي انا باغة نتخرج فشهر ولا كانو هاد جوج داخلين فالإختبار مبغيتش نضيع فرصتي باش ندوز لنيفو لاخر دكشي علاش نتا غاتمشي معايا... فهمتيني؟!
كتهضر بصوت شبه مسموع حتى سمعات دوك جوج رجعو ولكن تعطلو بزاف وصل فيهم واحد هو لول عاد تاني بركو فالأرض حدى لمصيدة ..
شخص ١: اوف هادشي كامل وديك أكادمية فوق داك جبل صغير عييت ديمهم واخا يكونو كيقراو الدمياطي مالهم على هاد لحالة..

شخص ٢: دكشي علاش هوما لولين فلمغرب ومكيناش منافسة معاهم
شخص ١: من هنا لغدا غايكونو فخبر كان ههههه مايبقا لا لأولين لا تانيين
شخص ٢: شوووو أصحبي يسمعك شي حد
فديك لوقيتة لفرخ لي شادة سارة زقزق وهوما يتهزو لعينين لفين مخبية وفلحظة قلبها بدا كضرب بسرعة غير عادية ولكن سرعان ماحدرو راسهم حيت مبان ليهم والو فين مخبية لمكنتيش تحت شجرة مباشرة متبانش لك.
شخص ١: هههه شكون غايسمع لفراخ؟؟
شخص ٢ بتاسم بخبث: هه اوى يشوفو لفرخ هو لي غايقدر يطفي ليهم لعافية هاد ليلة هههه
سارة بقات كتردد فودنها غير لعافية بقات مقابلاهم وكتحاول تسمع أي حاجة خرا ساعة صافي غير رتاحو شربو لما وزادو مع طريق تسنات شي نص ساعة عاد تحركات وصلات لأكادمية قبل غروب شمس بشوية وقفات كتفكر واش تمشي لعند لعميد تقوليه كلشي ولا تمشي لعند ماسين هو لول قررات ومشات وعينيها كلهم حزم أنها تحاول توقف هادشي لي غايوقع ليوم بليل..

دفعات لباب بلا مادق ودخلات لقات ماسين حال فمو فيها وهو ولابس غير بوكسر شاف فراسو وشاف فيها وهي عينيها على عينيه.
سارة كتسورت لباب بيدها من ورا ضهرها: ماسين ضروري تعاوني اول حاجة خاصنا نمشيو عند العميد وخاصنا نعرفو إمتى غايبداو لعملية ديالهم
ماسين كيشوف فيدها لوخرا لي شادة بيها لفرخ بكل حنان وملي سورتات لباب رجعات يدها لوخرا لفريخ بحال كتواسيه باش مايتخلعش شاف فيها باقة كتهضر.
سارة: واقلة غانتقسمو باش نعرفو اشنو كاين ولكن انا ونتا مكافينش نشوفو لعميد تاهو واش كايتيق فشي حد...اه حقااا متيق فتاحد عندنا لجواسيس (سارة غادة جاية فلبيت) معرفت هادي أكادبمية ولا الأنتربول تاحد مابقى مصيد فرخ بخاطرو...
ماسين: ساااااارة!! (وقفات منوراه فلبيت) دوختيني!! اش كتقولي راني مفهمت والو
ماسين داز من حداها وهز تيشورط لاحو عليه كيلبس فيه عاد رداات لبال بلا راه كيدور غير بالبوكسر ديالو..
سارة ضارت عطاتو بضهر: لبس أساط حوايجك
ماسين رجع راسو لور كيضحك: ههههه دابا عاد غلضتي صوتك هههه حتى تمنضرتي!!
سارة: ماشفت والو ونتا أصلا لابس بوكسر أش غانشوف
ماسين دوا من وراها حدا ودنها: هي شفتي تاعييتي بعدا
سارة حشمات من هاد لموقف لي عمرها وقعات فيه حسات بيه حدا دراعها نفسو وهي تحدر عينيها لقات وجهو حدا كتفها..

#يتبع