امرأة متنكرة في عالم الرجال 🤠مكتملة🤠

الجزء 198 🤠

امراة متنكرة في عالم الرجال 💙💪

الجزء 198

بقلم: حنان زهراوي / اريا ستارك

امين جا وقف قدامها كيشوف فوجهها مد صبعو قاسها فوجهها : فين أعزيوة
نادين مشات لافابو: سد لباب وراك ملي تخرج
امين تكا على لحيط وعاد طلعها وهبطها لابسة كولون ديال يوغا وسوتيان سبورتيف: امتا كبرتي وزيانيتي ااا؟؟
نادين بابتسامة مزيفة بينات سنانها: غاتخرج تق*** لا؟
امين باقي غير كيطلع وهبط فيها: تبوكصتي اعزيوة نيت!! فين كنتي مخبية هادشي... اشنو منشوفوكش
نادين محات الابتسامة من وجهها: امين اتزيد شوية غاتعصبني قلتليك براااااا
امين كيشوف فيها مبتاسم: عرفتي لواليد قاليا باباك كان كتر منك مكيبينش على وجهو لغضب ولا تاشي حاجة وماماك تزعطات فيه على حساب ديك الشخصية ديالو.. واخا هو شحال من مرة كان تايقولها بعدي مني.. تانا غاندير بحال ماماك.. يا بيا يابيك..
نادين بدات كتعصب كتكره لي كيدوي على مها ولا باها وسيرتو أنه أغلبية عارفين بقصة حبهم لي دازت فلأكادمية... واخا كاينة شي حاجة مقالوهاش ليها وهي كتحس بيهم مخبينها مرتبطة بمها وشي شخص سميتو سمير ولكن غاتبقا تاتعرف ..

نادين دارت راسها مسمعاتوش معطاتوش وقت بدات كتمسح طاح ليها شوية على فمها..
داقتو عرفاتو شوكولا شافت فامين بحسرة...

دري كبر معاهااا وكيعرف يضارب بالسيف وترينا معاها ولكن ظريف كتر من قياس..
تامن مقالب ديالو بشكلاط.. كون كانت هي دير لاكريس ولا شي حاجة كفس،
بالنسبة ليها امين بحال باباه تقريبا ضحوكي بزاف... كيستفز بالضحك ديالو... كتشوف عمها ماسين لدابا تايدير داك الضحك مع باباها...

امين كمل فكلامو مامسوقش ليها وبدا كيتمشى: عرفتي قالك هي سبابو باش بدا كيتبدل ولا كيما هو ليوم...

واخا هكاك باقي كيخلعني واحد تخنزيرة عندو سيرتو ملي كنجي حداك....
اجي ياكما كتبعي الخطى ديال باباك تانتي زعما قبيحة ومكتحسي بوالو؟؟ باغة شي حد يتزعط فك هاكا ياك ... اجي نعتقك انا لاش تسناي لبراني

نادين تنهدات: امين برااااا

امين كيستفزها: ههههه نتهلا فك غير اجي نقولك
نادين دارت كتشوف فيه غادي جاي بلخف لقات ليه رجليها تعكل طاح على فمو: فاك فاك فاك
نادين بلامبالات كتشوف فدم خارج من فمو: نوض على سلامتك
امين شد دقنو كان مخنزر هز راسو فيها وهو يبتاسم: هانية نيت كنت باغي نبدل دوك جوج سنات جات من عندك هانية غير ريبيه كلو

نادين بصوت دري صغير : سير عند ماما ايمان داوي لك ديدي

امين وقف حيد تيشورت ومسح بيه دم لي ففمو كرشو باينة مطراسية بكترة لونطريما عضلات مجبدين للحظة سهات فيهم ناديين..
اميين بالمسبة ليها بحال داك خوها الكبير لي تايمرضها..

امين : اجي انا وياك نديرو واحد ديدي من نوع آااااخر يعجبك والله هعهههههه

نادين دارت عندو مشافتش فيه كاع ولا فكرشو حدها هزات رجلها بسرعة غادة لكرشو ديريكت امين بتاسم ورجع بلور شد ليها رجلها فسما قريبة من كرشو:نو نو لغفلة لا
نادين دفعات برجلها لوخرا حتا تهزات فسما ودارت بيه امين حيت شاد رجلها لي دارت لرض طاح معاها ورجل لوخرا نازلة ليه على راسو هز يديه بجوج كالا على وجهو وقلبها تاجاو طايحين بزوج هو التحت وهي فوق منوو...
حاولات تنوض دور يدو على خصرها وزير عليها.. بقاو للحظات تايشوفو عينين بعضياتهم.. والشكلاط لي فوجه نادين تايقطر فوق وجه امين..
بقى ساهي فعينيها لي تايحمقوه لونهم..
نادين ضرباتو بركبتها لحجرو
امين: ****** ******** *******
كلمات لي خرجو من فمو ماشي غير من سمطة لتحت لالا شي كلمات عمرك ماسمعتيهم كاع نادين..
ناضت وقفات  قدامو كتشوف فيه كيتألم...
شوية هز راسو بتاسم ليها وهادي اكتر حاجة كتعصبها فيه يوقع لي وقع ديما ضاحك ومبتسم...
خنزرات فيه: شي نهار غانمسح لك هاد الضحكة
امين: نهار ضحكي نتي غاتمسح من عندي الضحكة واقلة كاع ونَلي غي حال فمي

تسمع لباب تخبط وصوت كيزعزع : ناااااادين

دخلات عليها لحمام لقاتها واقفة كلها كحلة وماسين فلرض ودم فلأرض

تنهدات وغوبشات: نتا!! اش كدير فالملحق د لبنات؟؟ عرفتي شنو مابغيتش نسمع أعدار دابا نلقاك فلانفيرمري داوي داك لفم عند ماماك وراك معاقب سيمانة لمخالفة لقوانين

امين دلا قنوفتو وشتف.. كيحاول يلعب على
عواطفها: ولكن اخالتي ولهيلا بنتك لي بدات
سارة مخنزرة : امين تحرك قبل ماتولي جوج سيمانات!!

امين وقف داز من حدا نادين وحط يدو على دراعها بزربة عارفها كتكره لي يقيسها واخا هكاك غرورها كيخليها متبينش ليه..
مع دلك بقا كيقيس فيها مبتاسم، مشا لعند سارة وقاليها غدا نجيب لك ماكارون عفاك غير تلت يام عقوبة

سارة حلات عينيها وكحبات: احم ربع يام يالاه تحرك
امين بتاسم ودار عند نادين لي مقابلاهم وشافت كيفاش تعاملات معاه... سيفطليها بوسة فالهوا وتم خارج..

امين غادي وكينكر: بحالها بحال ماماها وحتى باباها جمعات شوية من كلشي ولكن يا بيا يا بيك انادين

ياله خرج وهو يشنق عليه شي حد ولصقو مع لحيط: اش كنتي كدير تما
امين خرج عينيه واول مرة بان لخوف فعينيه: خالي اممم بغييت نقول  عمي اه بغيت نقول بوص لا ...اه ... شاااف شاااف وي شاااف
ياسين كارز على سنانو: اش كنتي كادييير فبيتها
امين: بلاتي اش كدير فلأكادمية؟ ياك عندك خدمتك

ياسين ورك عليه فعنقو: ونتا مالك... منعاودش السؤال
امين: غير غييير كح كح غير ضحكت معاها والله غير برانك والله هي لي هرسات ليا جوج سنات
ياسين طلقو  : نتا لي كدور بيها.. كاع فعايل باك الخايبين ورتيهم منو..
بنتي مربية على يدي عارفها شكتسوى ونتا نلقاك داخل بيتها مرة خرا نخلي عشتك
امين: ويلا هي لي دخلاا لبيتي هانية ياك مامحسوباش؟؟
ياسين دار غايشنق عليه لقا غير لغبرة طار هربان وكيضحك

#يتبع