امرأة متنكرة في عالم الرجال 💪
الجزء 116
بقلمي : حنان زهراوي/ اريا ستارك
دايزة من كولوار وكتفكر لمصائب لي دارت رميساء فينما كتكون سارة تم وكيفاش كتبدا تبكي وتبوحط وتلقي لومة كلها على سارة، شحال من مرة تلذذات فتعديبها ودابة جات نوبتها غاتخلص لقديم وجديد...
ابتاسمات سارة بشر ووقفات فكولوار فين كاينين خزانات ديال حديد، جبدات ساروت حلات وحدة هزات منها زمارة بحال لي كيديرو فالتيرانات.. تزوي بييها كتتقب طبلة ديال ودن مجههدة بزاااااف، بتاسمات ودازت من حدا طواليطات محطوط قدامهم ادوات التنظيف... هزات سطل كان محطوط تم عمراتو بلما ووقفات قدام باب رميساء حلات ودخلات وسداتو من موراها وصلات حدا سريرها حطات سطل ارض وهزات راسها فبيت رميساء لي واخة صغير ولكن ساكنة بوحدها فيه معرفاتش واش هاد لبنت محضوضة تال هاد درجة؛ كيفاش الله عطاها واليدين كيتيقوها على كلشي وهي تحرميات لي فيها مافتاحد كيفاش تزادت فلعز وكيفاش واخة جات لأكادمية بحال هاكة من زهرها بقات هي لوحيدة لي معندهاش فين تسكن وعطاوعا شومبر دلخزين قديمة بوحدها، مشكل وحيد كان دوش لي برا لبيت.
ياله غاتهز سطل تفيقها وهو يجي عينها على كتاب طلو غوز وكيبري شافت فيه باشمئزاز سارة عمرها عجبها غوز وزواق ودكشي كيبري، هزات لكتاب بشوية بين صباعها ومحملاش تقيسو بحال مسخ، وديك ساعة طاحت تصويرة لرض هزاتها تشوف ديالمن صورة.. ملي دوراتها لقات رميساء لوسط معنقها ماسين وضاحك لي خلى سارة تبتاسم توخشات صداعو واخا مقلقة منو من اخير فعل دار معاها....
ومن جيهة لوخرا واقف ياسين مخنزر فلكاميرا بحال مكرهش يهرسها ويضرب لي كيصور، وماشي بحال ماسين بلعكس واقف بعيد عليها ولكن رميساء شادة ليه فدراعو بحال غايهرب. تاهو ماتنكرش بلي توحشاتو وتوحشات فعايلو الشريرة للحظة سهات فشوفاتو وفوجهو كيجا وهو مخنزر.. شوية حساات برااسهاا..
شافت فالتصويرة وشافت فرميساء وهي طويها وخشاتها فجيبها بلا ماتقكر علاش ولا.. ردات الكتاب لبلاصتو، هزات سطل من لأرض وقربات لرميساء وحطات زمارة على ودنها ووركات عليها وبقات موركة تصمع واحد صوت لي فيقها قافزة من فوق سرير صدقات باركة وعينيها خارجين، وغديك لحضة تطب عليها سطل ديال لما بارد خلاتها كاشهق وهي مهنزرة فيها.
سارة بصوت حاد: جمعي لوقفة اش كتصحابي راسك فدار باك باقة مكسلة ليا هنا
رميساء كتقفقف بلبرد وبلأعصاب: واش تسطيتي نتي أش
سارة قربات ليها وقابلات عينيها بعينين رميساء: قبل ماتقولي شي حاجة وزنيها وعرفي راسك معامن كدوي
سارة وقفات ودارت عطاتها بضهرها: عندك خمسة دقايق نشفي راسك ولبسي حوايجك نلقاك قدام طواليط....خمسة دقاااايق
رميساء وقفات وهي كتسب فيها خدات وقتها وغسلات سنانها وملي وقفات مربعة يديها قدام سارة لقات لبنات واقفات تاهوما كيتسناو.
سارة فرميساء مخنزرة: قادي لوقفة انتباااااه!!
سارة: انا سميتي سارة أول بنت تخرجت من لأكادمية
رميساء قاطعاتها: ياك اول عام يدخلو بنات
سارة دورات وجهها بلعرض لبطيئ شافت فرميساء شوفة كتقتل حتى حنات راسها وبكل صرامة: قاطعيني مرة خرا ونتفاهمو.
سارة: أول حاجة كنبغي هي لإنضباط ومن وراه إلتزام بلقوانين..(شافت فرميساء) نتي باربي
رميساء هزات راسها كترعد: انا؟؟
سارة خنزرات فيها: حيدي تمثيل راني قريت ملفك لمضاربات لي كنتي كديري فليسي كيبينو على أنا هاد لخوف لمسطنع لي كديري تمتيلية!! ألوغ بيني وجهك لحقيقي بلا أقنعة
رميساء شافت فيها بحقد: مكاين تاخاجة فضوسي ديالي بحال هكاك
سارة قربات ليها: عطيتك لإدن باش دوي؟؟ وحدرتك من انك تقاطعيني عقابك هو ضوبل تسخينات لي غانديرو هاد صباح .... تانيا ملي قلت لك خمسة دقايق هي خمسة دقايق ماشي 17 دقيقة خاصك ديري فبالك بلا فهاد لمدرسة أي حركة تمرد كديري كدفعي تمنها غالي.
سارة رجعات لور وشافت فلبنات: نتوما تبعوني لكوزينة ليومة باربي مكلفة بطواليطات بوحدها
رميساء خرجات عينيها: كيفاااااش
سارة: مبقاش ضوبل ديال تدريبات ولا تريبل دابة عندك شي حاجة خرا باغة تقوليها؟؟
رميساء حدرات راسها وسكتات مبغاتش تزيد على راسها سارة عطاتها بضهر وبدات غادة وتكلمات بصوت مرفوع: غانحط كشرفة تقابلك أي تكاسل فخدمتك غاتحاسبي عليه.
لبنات تبعو سارة وهوما كيضحكو فخاطرهم على رميساء وبداو كيوشوشو (باربي) على سمية لي عطاتها سارة ولكن كلهم خوف من صرامة سارة فنفس لوقت
#يتبع
YOU ARE READING
امرأة متنكرة في عالم الرجال 🤠مكتملة🤠
Romance💎مكتملة💎 ❌حصرية على الواتباد ❌ . جبتلييكم قصة جدييدة محملة بافكااار مختلفة كل الاختلاف علي داكشي لي عهدتوو.. كنتمنى تعجبكم.. نخليكم مع التقديم💙🖤 تقديم القصة 😘 ذلك الشخص الذي لايعرف معنى كلمة احساس أو شعور ، لم يذق طعم السعادة ولا الحزن من قبل،...
