امرأة متنكرة في عالم الرجال 🤠مكتملة🤠

الجزء 137 🤠

امرأة متنكرة في عالم الرجال 💪

الجزء 137

بقلم حنان زهراوي /اريا ستارك

رجعات سارة للمدرسة بالليل  ودخلات نيشان لبيتها
دوشات بدلات عليها وجمعات شي حويجات فصاكها.. ومشات عند ايمان للبيرو ديالعا مالقاتهاش حطاتليها التيليفون فوقو وخرجات
مشات دقات على العميد لقاتو باقي فايق
العميد: سارة!؟ دخلي.. ياك لاباس النهار كامل ونتي غابرة
سارة عيااانة : بغييت ناخد منك الاذن شي 4 يام على الاقل
العميد باستغراب وعدم فهم : علاش!! ياك عاد بديتي الخدمة شنو بغيتي هاد الاذن.
سارة كتحاول تخرج بابا من فمها ماقدراتش باقة حاقدة علييه واخا هاكاك : داك السيد لي والدني  تعرضوليه شي شماكرية وقتلوه عصا فاش كان جاي للمدرسة.. دابا راه فحالة طارئة فالسبيطار.. خصني نمشي لتما نقابلو علي مايفيق ويولي مزيان
العميد:واش الاب ديالك؟؟! لي كان تايضربك وتايتعدا عليك! ؟ باغة تنشي توقفي معاه تماك وتقابليه؟ ؟
سارة : ااه
العميد تنهد: نتي عارفة بلي نتي الوحيدة لي مدربة عندنا هنا وخاصك داللياقة البدنية ماكاينش لي غايدب البنات
سارة: كنظن 3 دالحصص ولا 4 ماغاديو مايحيبو.. ولا تقدر تقول للمدرب ديال الدراري يرومبلاصيني
العميد: اممم اوك صافي عندك 4 ياام وبغييتك ترجعي حيتاش غايخصك تبداي معاهم فلي طيسط وتخرجييهم لبراا وديريلهم مسابقات وامتحانات
سارة: اووك 4 يام غانرجع
خرجات سارة من البيرو  هزات صاكها ومشاات للمستشفى

فالكوميسارية
المفوض: قوليينااا شنو كنتي كااديير تماك؟؟ علاش كنتي مرااقبهم.
الشخص: والله الشاف ماكنت مراقب شي خد انا اصلا مامنعرفهااش باش نحضييهاا انا كنت غي واقف تما
المفوض: البنت قالتلينا بلي منين جاو ونتا حاط عليهم.. شنو جيتي دير فالسبيطار! ؟! ؟؟
الشخص: مشييت عند خوياا نشوفوو كان تهرس من يديه وكنت كنستنى برا علاما تخرج من عندو الممرضة.
المفوض: شنو سمية خووك!! ؟
الشخص بقى تايفكر شوية وقاليه: زكرياء المريني
المفوض هز لاكارط ديالو لقى فيها محمد المريني خنز فيه: واخا هاحنا غانشوفو هاد زكرياء المريني

مشى للسبيطار وسول فالريسيبسون علي زكرياء المريني.. قلبات السكريتيرة فالبيسي لقات السمية فلاليسط قرات لقات كسر على مستوى اليد
اييه كاين هادا فالشومبر 305
المفوض طلع للغرفة لقى واخد الشخص طلب منو لاكارط ناسيونال وسولو شي اسئلة وخرج..
مشى لحيهة النستعجلاا لقي سارة عاد وصلات واقفة عي ومنير
غي شافتو سارة وقفات مشات عندو ديريكت: شي جديد
المفوض : داك السيد قالينا بلي ماكانش مراقبك وكان جاي يزور خوه عطانا الاسم ديالو وكولشي وفاش حينا لهنا لقيناه دونك ماكاين تاشي مشكل غانطلقوه غدا
سارة: مايمكنششش انا شفتوو منين وصلنا وهو مراقبنا  تانا قلت غايكون جا يشوف شي حد وعطييتو وقت ديال 5 دالسوايع ماتخركش من بلاصتو
المفوض: غايكون غي حابلييك الله مهم ماكاين تاشي دليل وحتي البلاصة فين كان واقف بلاصك عمياء (يعني ماشاداهاش الكاميرا) مايمكنش نبقاو شادينو تماك غا انطلاقا من اقوال ديالك
سارة: شوف انا متاكدة بلي كان حاضيينا
منير شاف سارة مصرة على المفوض وهو يتدخل: صافي شكرا الشاف  لا تفكرنا شي حاحة نقولوهالك
المفوض شاف فسارة و هز يديه: ماعندي مانديرليك سمحيلي
ومشى.. سارة تعصباات ضرباات يديها مع الحيط : تفووو بلاد دالخراا
منير: صافي بردي را ماعندو مايدير ليه
سارة: يلا مادار هو والو انا عندي ماندير ليه..
منير: شنو بغيتي ديري
سارة : كتبلي نمرتك فشي ورقة غانمشي نتيري شي فلوس وناخد تيليفون ونصونيليك باش طلعليك نمرتي.. يلا كتن حديد بخصوص الحالة ديالو(باها) صونيلي. سينون ماتصونيش ليا
منير : فين غاتمشي
سلرة خنزرات فيه: كتبلي نمرتك..
هز ستيلو من شكارتو وبغى يقلب علي ورقة.. خيداتليه سارك ستيلو وكتبان فيديها 06********(حكوها لابغيتو نمرة منير😂😂😂)
خرجات كتجري خدات طاكسي بالزربة ديريكت الكوميسارية..
بانليعا داك الشخص خارج خدا طاكسي وخدات تاهي طاكسي حديد وتبعاتو.. وصل لواحد البلاصة وقف الطاكسي ديالو وتعرضاتليه طوموبيل اخرى ركب فيها
سارة لمول الطاكسي : تبع هاداا عافااك
الشيفور شاف فيها :ختي عافاك ماقاد على مشاكل
سارة: مالك غادير شي جريمة تبعهم دغيا قبل مايمشيو ماتخاف والو ماكاين تاشي مشكل غي توكل عالله
الشيفور تنهد وكسيرا تبع الطوموبيل
تاوقفو قدام واحد الدار.. نزلات سارة شافت فالدار مزيان  كانت عاادية جداا ماشي ديال شي ناس مرفحين عكس الطرموبيل فاش كانو راكبيين دورات عينيها فالدرب بانليها واحد الحانوت قريب..

#يتبع