إمرأة متنكرة في عالم الرجال 💪
الجزء 107
بقلم: حنان الزهراوي/اريا ستارك
صونا الجرس وصل وقت لعشا
خرجات وحدة من لمتاشركات جداد لإناث للريفيكطوار فين غاياكلو الطلبة، حيتاش البنات غايخلطوهم مع الدراري فحاجة وحدة هي الماكلة..
دخلات رميساء بداات كتقلب عليه تاقشعاتو جالس فواحد الطابلة
يالاه مشات قاصداه تاتعرضليها ماسين
ماسين: ختي العزيزة شتاتيدييري هنا 🙂 عافاك ماتقوليش بلي دخلتي تقراي هنا عافاك فرحيني؟!
رميساء عوجات فمها: لا اخويا العزيز جيت لهنا غا حيتاش توحشتك وبغييت نشوف كمارتك.. مزيان دابا فرحتي يالاه حيد من قدامي
ماسين: مافهمتش نتي كتخدمي فمدرسة اش جاب طاسيلتك لهناا ونتي اصلا مامحتاجاش تدريب غا دوك الجنون لي فيك قاضيين الغرض.. يالاه سيري خرحي منهنا قولي للعميد غاتنسحبي دابا
رميساء كطنز عليك : واخا اخويا العزيز هي اللولة هاني غانمشي دابا
دخلات فيه بكتفها ومشات قاصدة ياسين جلسات فالطابلة وتقابلات معاه
هز ياسين عينيه شاف فيها ونزلهم ببرود بحالا ماكان تاواحد
رميساء: شوف را جيت لهاد المدرسة على قبلك وماغانتهنى تانطيحك حطيتك فراسي دابا.. مشات ديك رميساء دالصغر لي كانت كتخاف منك
هز عينيه فيها وخنزر بقى شحال تايشوف فيها دوك الشوفات الشيطانية ديالو.. تازعزعها: اتقيليني علييك ولا ماغايعجبك حال..
ناض من حداها ومشى بدل الطابلة
وقف ماسين وراها وحنا لودنها وقال : بعدي من هاد خيينا وماديريش لينا الفوضى فهاد القنت بربي تايندمووك..
ومشى خلاها كتفقص غابوحدها
رميساء : ااععع.. يابيااا يابيك اياسين غا صبر دابا تشووف...
جات عندها ديك صاحبتها: شكون داك التيتز معامن كنتي كتهضري
دارت شافت فيها رميساء شوفات ديال كتقلبي عليااا ابنتي
رميساء: هاداك هو الشخص لي مانبغييش نشوف شي بنت الكلبة هازة فيه عينها ولاا غانتقبهم ليها..
مشات للريفيكطوار خدات البلا ديالها وعمراتو بالماكلة.
عند البنات لاخرين
مريم: ييععع تاشهاد الماكلة دالخراا
زينب هي الظريفة فيهم: سكتي را قالو فالقوانين دالاكاديمية بلي ممنوع تخسار الهضرة
ليلى مستغربة: هاء تيشمن قوانين ايمتا قالوهالينا
زينب : را مكتوبين فالمنهج ديال المدرسة لي عطاونا فاللول
شافت مريم وليلي وتكرشخوو عليها بالضحك
مريم: ههههههههههههههههههههههههه ماتقوليليش قريتي داك العجب
ليلى: هاهههههههههه لا مايمكنش واش منيتك نتي
زينب: ولاش عطاوهلينا لاماكناش انقراوه
مريم : هههههه اويلي معامن انا... لبنات لبنات لعار ضربو على دري لي بارك فطابلة تالتة من جيهت لباب لوراني حدا شرجم
زينب دارت كتشوف: اه دري
مريم خنزرات فيها: دخلنا علك بالله تادري؟
زينب من نيتها: واللهتا دري بالله علاش غانكدب عليكم؟
ليلى: ديريها مهضراتش نساي علك زينب ...خلينا فداك سكر محلي محطوط على كريمة
مريم تحركات غادة عندو: لي غاتبعني غانقطع سميتها من لحالة لمدنية
زينب باستغراب: مريم خاصنا نكونو خوت باش نكونو فنفس لحالة لمدنية
ليلى هزات يديها لسما كدعي: يااااربي تعطي لهاد لبنت عقل ياربي وتعطي لمريم راجل وحبدا يكون هداك راجل لي غادة عندو...
مريم ملي قربات بدات كتعوج مشيتها حتى وصلات لطابلاتو وبركات.
مريم: سلام انا مريم
ياسين هز راسو فيها وعاود حدرو بلامبالات...
مريم ملقات متقول: احم تانتا طالب هنا؟
ياسين سمع سؤالها تافه وحرك راسو بمعنى لبنات هوما لبنات تهنى من وحدة جاتو لوخرا..
مريم: زوينة هاد الأكادمية ديما كنت باغة نتعلم فيها وعمرني ..
ياسين وقف وبلا مايشوف فيها: ماسوقيش فقصة حياتك ومن أحسن عمرك ضوري بساحتي ولا غاندمك
مريم وقفات ودارت يدها على جنبها: شبعان عياقة ولكن انا..
قبل ماتكمل هضرتها حسات بشي حد دفعها تاطاحت لرض وقفات بزربة ضارت وهي تلقى رميساء كتشوف فيها ميتاسمة بخبث...
رميساء: اوووه سوري حبيبة مشفتكش واقفة هنا
نعتات بيدها فين واقفة مريم وهي دفعها عواتاني بزربة حتى عاود طاحت: ااووووبس مشفتكش عوتاني معرفتش علاش مكتبانيش ليا بحال شي حشرة صغيرة فلرض هههههه
YOU ARE READING
امرأة متنكرة في عالم الرجال 🤠مكتملة🤠
Romance💎مكتملة💎 ❌حصرية على الواتباد ❌ . جبتلييكم قصة جدييدة محملة بافكااار مختلفة كل الاختلاف علي داكشي لي عهدتوو.. كنتمنى تعجبكم.. نخليكم مع التقديم💙🖤 تقديم القصة 😘 ذلك الشخص الذي لايعرف معنى كلمة احساس أو شعور ، لم يذق طعم السعادة ولا الحزن من قبل،...
