امراة متنكرة في عالم الرجال 💙 💪
الجزء 161
بقلم حنان زهراوي /اريا ستارك
ماسين اليوم فاق الصباح بكري على صوت لالاغم.. َحبسها وناض دغيا تايليس فحوايجو ويوجد راسو..
خرج غادي لجهة لانفيرمري..... غي وصل للباب بغى يدق باش يدخل هو يتفكر بلي ايمان عفاتو من خدمتو.
ماسين: بففف تقوولبت فايق اليوم بكري.. صافي ندخل عندهل نعاونها
بغى يدق شوية هو يتراجع بدا تايحك فشعرو: ويلا جرات عليا.. تكون زعما باقة مقلقة مني.. بففف.
دق عليها وحل الباب.. دخل هو يضرب فواحد الرجل تماك..
هز فيه الرجل عينيه: نعاام عندك شي مشكل
ماسين بقى تيشوف فيه: فيناهي الدكتورة ايمان
الرجل وقف مبتسم... كان لابس الطابلية ويكون تقريبا كبر من ماسين بدييك ربع سنين هاكاك... لابس مزياان ومقاد حالتو ماعندوش لحية عينيه و مابيهش جايب راسو : السلام انا الطبيب الجديد ديالكم الدكتور كريم..
ماسين شاف فيه: ااه سمخليا انا كنت كنخدم مع الدكتورة ايمان مرة مرة..
كريم: الدكتورة ايمان طلباات كونجي وجيت انا نرومبلاسيها
ماسين ماتوقعش هاد الخبر : اا ااه صافي شكرا
مشى خرج وهو مصدوم ماتوقعش هادشي.. بقى شحال تايفكر: زعما تكون مشات بسبابي...
شوية حرك راسو: لا لا لا محاال..
مشى خرج لبرا يجري شوي علامايبداو الحصص...
من بعد ماكملو الحصص.
كانت رميساء خارجة هي وصاحبتها من الحصة وتايبرككو فهادي ويضحكو على هاداا مهم شاديين الكيواان.
بانتليها ليلي دايزة ومدات رجلها عكلااتها شوية ماجات علي وجهها كون ماشداتها صاحبتها مريم
بدات رميساء كضحك: هههههههههههههههه بالشوية عليك عنداك طيحيي الزين
مريم بغات ترد عليها يحبسها العميد بصوتوو.. لي غي سمعاتو رميسااء شداته الخرية
قاليها جوج كلملت: تبعيني للمكتب
العميد واقف مخنزر كيشوف فيها حادرة راسها فرق كبير بينها وبين خوها العميد تنهد وقال بنبرة صوت حادة: هاد الأكادمية ماشي للناس بحالك خرقتي بزااااف دالقوانين ومعندكش مؤهلات بحال هاد لبلاصة لدلك اليوم تجمعي حوايجك وغذا يمكنليك تخرجي وترجعي للداركم...
مرة اخرى فكري مزيان قبل ماتاخدي قرارات فحياتك وعرفي بعدا نتي شنو باغة وعلاياش قادة عاد جربي دفعيي.. وبالتوفيق يمكن لك تمشي غذا فالصباح الكارد غايمشي معاك يتسناك تجمعي حوايجك ويوصلك للباب.
رميسااء ماهضرااتش وماهزاتيش عييها فيه عارقااه صاحب بااها وكتحترمو بزااف
خرجات رميساء غادة ديريكت عند خوها ضرباات فيه غادي قدامها وساهي
رميساء قربات ليه وعيطات ليه بالجهد: ماسين
..ماسين قفز من بلاصتو دار عندها تايسحابليه ايمان... قال :ايمان؟؟ ؟
رميساء شافت وحجبانها مقرونين ومن عنقها باينة معصبة: ختك هادي شوف جراو عليا من هنا انا غادة فحالي 😔😔😔
ماسين شاف فيها بلامبالاة: أخيرا فاقو سيري رجعي لديك لمدرسة كنتي ملهية فيها وعاجبك لحال اش جابك هنا
رميساء نفخات برد من فمها كاعية: بففف ماتزييدش تكمل عليا نتا تانيي.. فيين هو ياسين
ماسين: ااه ياسيين... هاهوو هنا بلاتي نجبدوو.. (خشا يدو فالجيب تايقلب من نييتوو)
رميسااء خنزراات فيه ومشااات : ااااااعععععععععع تفف تففف
ماسين تايضحك علييها : سلمي على الدار
ماسين رجع كيشوف فالسقف هاد الساعة لي عندو دابا خاوية كان كيكون فيها عند إيمان تفكرها قدامو فلأرض على ركابيها وحناكها حمرين وملي تحطو شفايفو عليها وفنفس لوقيتة جات فبالو سارة ملي زرب عليها ديك المرة حرك راسو بحالا كينفض فهاد لأفكار وهاد دوخة لي شاداه ..شد راسو وقال: سارة فييينك وشغاتكوني كاديري دابا؟
فالفيلاا كان واقف قدام الباب مع وصلاات الطوموبيل طار حل الباب اللوراني
حمييد: ولدييي.. (بقى تايبوس فيه ويتلمس فوجهوو ) نتا بيخيير مزياان
ولدو لي مافراسو مايتعاود : لاباس ابابا
حميد حس براسو عيق هزو عندو عنقوو : اجيي البطل ديالييي.... (باسو تاني) اوووه شحال توحشتك... شنو درتي اليوم
ولدو تايعاود وهو فرحاان: قريت الرياضياات و الفرنسية.. وكانت عندنا حصة ديال الانس تعلمت نضرب كرة بالمضرب ديال التنس 😍
حميد تعجب: براافو ولدي... شونو درتي تاني
الولد: والو رجعت لهناا ونعست فالطريق بزااااف
حميد فنفسو: كيدار ليهاا هادااا...... مسخووط
عنق ولذو ودخل للفيلا وهو متعجب مافهم والو
#يتيع
يااسين واش تضرب ولا لا؟؟ وسارة شنوو غاديير 🤔🤔🤔مهم قولولي اراؤكم وتوقعاتكم نشوف واش غاتجيبوها لاصقة🙄🙄
أنت تقرأ
امرأة متنكرة في عالم الرجال 🤠مكتملة🤠
Romance💎مكتملة💎 ❌حصرية على الواتباد ❌ . جبتلييكم قصة جدييدة محملة بافكااار مختلفة كل الاختلاف علي داكشي لي عهدتوو.. كنتمنى تعجبكم.. نخليكم مع التقديم💙🖤 تقديم القصة 😘 ذلك الشخص الذي لايعرف معنى كلمة احساس أو شعور ، لم يذق طعم السعادة ولا الحزن من قبل،...
