إمرأة متنكرة في عالم الرجال 💪
الجزء 106
بقلم: حنان الزهراوي/اريا ستارك
سمعات دقان وحلات عينيها شافت فمكانة حداها لقاتها ربعة لعشية عرفات راسها كانت محتاجة هاد نعسة لي خطفات مدام غدا غاتبدا لخدمة تحركات جيهت لباب وهي كتفكر شكون لي عارفها كاينة هنا وجاي عندها؟؟
سارة وقفات قدام لباب وقالت بصوت بحال رجال: شكون
إيمان: باقة كديري صوت رجال زعمة لي فيه شي فيس موضر لديمو طورنوفيس
سارة حلات لباب وهزات حاجبها مخنزرة فإيمان:صباح الله وماشي هو هداك لمثل
إيمان ضربات فيها ودخلات كتبركك مع أول مرة دخل عندها: واقلة مثل كيقول لي فيه شي فيس الله يوضر لديمو طورنوفيس؟!!
سارة تنهدات: لاش جاية
إيمان رجعات شداتها من يدها وجراتها دخلاتها لحمام واسع حطات صاكها فلرض وجبدات واحد لاباراي صغير مبرونشية مع واحد كاس ديال حديد حطات فيه واحد بلاكات وبداو كيدوبو وسارة واقفة حداها خاشية يدها فشورط ديالها ومنطقاتش بكلمة وحدة واقفة مقابلاها باستغراب معرفاتهاش اش كدير، ملي شافت دكشي كيدوب وكتعطي ريحة بحال عسل هزات حاجبها باستغراب.
سارة:أشنو دكشي واش معطر جو؟
إيمان : معطر ل**** هادا!! واش كاع دكاء لي خلاك دخلي وسط دراري ومايعيقوش بيك مكتستعمليهش فحوايج خرا؟؟
سارة بلامبالات: مالك تعصبتي غير سؤال
إيمان: اش ديك لوقفة اصلا وااش خاشية يدك فسروال واش عندك ** بحال دراري شادة فيه ولا لي فيه شي فيس
سارة خنزرات وقاطعاتها: غاتقولي طورنوفيس وزمر غانكركب ديمك مع دروج
إيمان: ياله راه سخنات حيدي حوايجك بقاي غير بيكيني وسوتيان
سارة: لا غير نحيدهم تاهوما!! صافا با لا؟؟ اش كتهتهي عليا وفيا جوع باغة نمشي ناكل
إيمان باقي لوقت على لماكلة ... غير نصلي هاد لحوايج دغيا غاندير لك لاصيغ
سارة نصلات شورط دغيا وحيدات تيشورط هزات إيمان عينيها فيها وحمدات الله فداخلها
إيمان بصوت شبه مسموع: جاب الله مامتيقاش راك بصح دري وكتغازي أما كوراه نايضة عندك غابة الآمازون
سارة بركات حداها مخنزرة: ديك لغابة هي لي غانوضرك فيها ان شاء الله.... والله وديري شي حاجة خايبة لحمي بربي تاما يجمعوكش تابعيار واللهتا نشتت مك
إيمان: سبحان الله قلبتي بنت ووليتي فيك لهضرة بزاف.... أري رجليك هوما لولين.
إيمان كتهز لاسيغ بلعود وكتحطها على رجليها حتى قفزات سارة: سخوونة
إيمان: دافية ماشي سخونة
سارة: سخونة واش لحمك ولا لحمي هادا
إيمان هزات كارطونة صغير جبدات ورقة طويلة حطاتها على لاسيغ وزكات كتسنى...
سارة شافت فيها وهزات حاجبها: اش كنتسناو؟؟
إيمان: نهار لعيد!!
سارة: نوض نبرقق ديمك على هاد تمركين
إيمان بدات كضحك وسارة مقابلاها سهات كيفاش واخدة راحتها معاها فكراتها فصحبتها عشيرتها معرفت فين تكون شاداها، شخصية ديالها هي لي خلات سارة ترتاح ليها وتهضر معاها بعفوية وحيت هي لوحيدة لي كانت معاها وسط دراري... كتحس بعلاقتها بيها فشكل أخر شكل جديد عمرها حساتو مع شي بنت ماشي صاحبة ولكن بحال أخت، ساهية بتفكيرها حتى خرجها من سهوتها لألام لي حسات بيه ملي إيمان جرات لورقة بزربة من فوق لحمها.
سارة شنقات على إيمان: الله ينعل ****** يا بنت ***** أي إنعل طواسل ديمي انا لي دايرة فك راسي واااا****** .. وانا لي كنقول بحال ختي زمر هادي... ديمك ديمك ديمك أااااي
إيمان شادة ليها يدها لي قاجاها بيها: طلقي بغيت لك لمرض لما طلقي لديمك غاتخنقيني هادشي غير موصلتش لك للمنطقة لحساسة
سارة طلقات منها ووقفات: توصلي ليا نرجع لمك لحمك كلو مناطق حساسة بربي تانعلمك فلحمك ..... واه ديمك هادشي كيوعت علاش علاااااش مال ماكينة ديال حسانة متنفعش؟؟مكتحيدش زغب؟؟ علاش ديمك هاد لحالة علاش
إيمان جراتها بركاتها: كتسلخي ليا ينادم وكتاكلي لعصا وعادي وهاد شوية لحريق خلاك كتغوتي وتبكي عليا
سارة بصرامة: انا مكنبكيش
إيمان بدلات ملامحها بحال كدوي مغ شي دري صغير: لالا نتي مكتبكيش نتي كبيييرة نتي بعقلك ماشي مومو باش تبكي نكوووغا نكوووغا ...
سارة تنهدات: ياربي عطيني صبر منقتلهاش
إيمان: ياربي تقدنا لاصيغ مع هاد غوريلا ههههه
شيرات عليها سارة بقرعة لما كانت كتبرد بيها على راسها، بركو يضحكو ورجعو للمهمة صعبة لي بين يديهم ليوم سارة تخرج مريشة من تم.
VOUS LISEZ
امرأة متنكرة في عالم الرجال 🤠مكتملة🤠
Roman d'amour💎مكتملة💎 ❌حصرية على الواتباد ❌ . جبتلييكم قصة جدييدة محملة بافكااار مختلفة كل الاختلاف علي داكشي لي عهدتوو.. كنتمنى تعجبكم.. نخليكم مع التقديم💙🖤 تقديم القصة 😘 ذلك الشخص الذي لايعرف معنى كلمة احساس أو شعور ، لم يذق طعم السعادة ولا الحزن من قبل،...
