امراة متنكرة في عالم الرجال 💙 💪
الجزء 195
بقلم حنان زهراوي / اريا ستارك
مشى لجهة الطابلة متجاوز مهدي لي كان كايتسناه يسلم عليه..
قرب مهدي لسارة ومد ليها يدو : انا مهدي خو ياسين المتوسط
سارة من الشوفة فيه جاها من داك النوع الزلال مارتاحتش ليه ولكن من باب اللباقة مدات يدها باش تسلم عليه هو يشدهالها ياسين وجرها
ساوة دارت كتبتسم امهدي وهي حشمانة: متشرفين انا سارة..
ياسين زير على يدها وجلسو كاملين فالطابلة تايتعشاو فجو عائلي ونظرات الحب بين سارة وياسين لي مرة مرة تايدور يخنزر فمهدي لي حاضيهم بزوج ويرجع تاني يشوف فسارة لي كتشوف فيه غا هو.. .
. تحت انظار الباقي د العائلة لي حاضيين ياسين وتصرفاتو.. وكيفاش تاييهز من طبسيلو ويحط الماكلة فطبسيل سارة...
كملو وكل واحد غادي قاصد بيتو
ياسين طالع مع سارة علي اساس غايدخلو لنفس البيت تاوقفات سارة قدام باب ديال شي بيت قبل.. حلاتو ودخلات
ياسين هز حاجب وشاف فيها: دغيا عرفتي بيت الضياف فين جا..
سارة: اه وراتولي ماماك هنا فين غانعس..
ياسين تم داخل للبيت معاها: اوك
تلاح فوق السرير وشيرليها تجي حداه
سارة واقفة كتشوف فيه : ما غاتخرجش؟؟
ناض ياسين جرها وجاو بزوج فوق السرير.. جرها لعندو وعنقها: راك عارفاني ماكنقدرش نعس بالليل .. وعيان ديال بالصح خصني نعس... خليك حدايا
سارة عارفة هادشي كامل تمخشات فيه ودغيا داها النعاس
بقى ياسين شحال مراقبها ومرة مرة يخطف منها بوسة تاغيب ونعس...
صبح الحال وماسين نفس البوزيسيون تاني.. متكي فوق الكراسة... تابدا كايحل عينيه بالشوية.. ونااض دغياا.. تفكر ايمان ومشى طاير لبيتها.. لقاها حالة عينيها وكضحك ومعاها ياسين متكي على ااحيط وسارة جالسة حداها
ماسين قرب ليها: ايييمان؟ ؟؟ شوييية!!! سارة شافت فيه كضحك: ها البطل ديالنا جاا واخا تعطل.. فين كنتي
ماسين خنزر فياسين: را هادا عارفني فين كنت..
مشى جلس حدا سارة تايشووف فايمان..
جر ياسين سارة من حدا ماسين وخنزرات فيه.. رد عليها التخنزيرة خدامين غا بالعينين تايهضرو...
ايمان كتشووف فماسين يدها كاملة ملوية عليها فاصمة وكتضرها شوية.... حاولات تجلس وعاونها
ماسين ماعرف مايقوليها :باش كتحسي؟؟
ايمان: كنحس بالجوع ونتا
ماسين بلامايحس بقي يدوي بالزربة تاني: تاناا فيا موووت دالجووع عرفتي من البارح ماكليت شي حاجة.. ماخرجتش من الشومبر بسباب هاد الكلب باش مانتفرشش وبقييت بالجوع..(حس براسو تايعاود ليها قصة حياتو) احمم باش كتحسي يعني جسمانيا واش مزيان؟ كضرك شي حاجة؟؟
ايمان مبتسمة: انا بيخيير
ماسين: ويدك! ؟
ايمان: صراحة يديي تحرقات مزياان.. ولكن عندها الحل.. ماكنحسش بيها دابا بسباب البنج.. مهم ماتخافو والو.. انا طبيبة وعارفة شنو عندي هادشي حالو ساهل..
سارة كتشوف فايمان كي فرحاانة وماسين قريب ليها ومخلوع عليها شافت فياسين وغمزاتو..
سارة: نخليوكم.. غانرجعو للمدرسة نشوفو العميد شنو دار مع كمال وباه
ياسين وسارة خرجو وخلاوهم بزوج
ماسين تفكر اخير حاجة دارتهاليه ايمان :اممم خديتي الدوا
ايمان : ديالاش الدوا. دارولي غا البنج وصاف..
ماسين بصدمة: ما عطاوكش الدوا؟؟؟؟
ايمان كتحاول تفهمو: تاااشمن دواا الله يهديك
طار عليها ماسين تايبوس فيها وهي غي حابسة.. شبع جران فشنايفها حبس وشاف ليها فعينيها: هاد الدوا
ايمان كتشوف فيه ماحسان براسها تاجراتو لعندها: راني مريضة بزتاف خاصني بزااف دالدوا
جراتو وهي لي بدات هاد المرة القبلة..
ماسين شدليها راسها بيديه تايبوس ويجر ويمص فشفايفها وكايحاول مايقيسهاش فاليد لي محروقة ليها... وهي وكتجاوب معاه ومستمعة بالبوسة....
#يتبع
أنت تقرأ
امرأة متنكرة في عالم الرجال 🤠مكتملة🤠
Romance💎مكتملة💎 ❌حصرية على الواتباد ❌ . جبتلييكم قصة جدييدة محملة بافكااار مختلفة كل الاختلاف علي داكشي لي عهدتوو.. كنتمنى تعجبكم.. نخليكم مع التقديم💙🖤 تقديم القصة 😘 ذلك الشخص الذي لايعرف معنى كلمة احساس أو شعور ، لم يذق طعم السعادة ولا الحزن من قبل،...
