امرأة متنكرة في عالم الرجال 🤠مكتملة🤠

الجزء 146 🤠

امرأة متنكرة في عالم الرجال 💪

الجزء 146

بقلم حنان زهراوي / اريا ستارك

عند سارة
قبل نص ساعة بالضبط
ذقات الباب ودخلاات لعند باها.. كان متكي ولاويين على راسو فاصمات.. يدييه ورجليه كلهم مجبرينهم..
غي شافها دخلاات خنزر وكحل بالعما... بقى تايطلع معاها ويهبط
سارة فاش شافتو فاللول فديك الخالة بقى فيها ولكن غي خنزر فيها وردات البال لطريقة شوفاتو فيها  رجعوو ليها كاااع دوك الاحاسيس باش كانت كتحس من قبل... احاسيس مخلطة بين الخوف و الكره والحقد والألم
بات سارة بادر هو اللول بالحديث : خرجي عليا برااا مابغيتش نشووفك
سارة جمعات يدها على شكل قبضة.. قلبها كايضرب فالتسعين وكترعد بالاعصاب.. دارت شبه ابتسامة ودارت باش تخرج... حطات يدها على البوانيي باش تحل الباب.. هي تسمعو قال: كون غا مت وماولدتش سلگوطة بحالك..ماكدبش لي قال البنات غا حمل تقيييل على واليديها كون غي قتلتك وتهنييت منك...
بقى تايگمگم بينو وبين راسو سارة زيراات علي البوانيي..  وهي كتحرق بالاعصااب... مزيرة على سنانها... جراات الباب تال عندها وعاوداات سدااتو بالجهد.. تاقفز باها من بلاصتو
الاب: هرسييييه نتيي.. شنو قلتلييك خرجييي عليااا.. والله كون كنت قاادز تانوووض نقتلك دابا ولكن عندك الزهر.. غبريي علياا مابغييتش نشوف كمارتك
سارة دورات الساروت للباب و دارت شافت فييه وهي كتغلي بالاعصااب... عينيهاا جمرة حمرا.
سارة مابقاتش قادرة تحكم فراسها ودمووعهاا سبقوهاا غوتاات بالجهد: سكاااااااااااااات صااافييي سكااااااتتتتت بررركة حددك هناااا... سكككت لييك بزاااااافففف وصبرت لييك بزااف ولافكارك الرجعيية وللعصااا دياالك... لحد هناا وصافييي.. مابقييتش قااادرة نزييد نتحمل هضرتك...صافييي الكااااس فاااض وفااات الفيضاان لهيييه... شنوو مشكلتك معايااا.. شنو مشكلتك مع البنااات.. علاااش كاديرليي هاكاا. (حطات صبعها على صدرها وبقات كضرب فيه) واش عمريي درتلييك شي حاجة واااش عمرك حصلتيي عليااا شي حااجة؟؟؟!! لااااا وعلاااش كتعامل عليااا هااكاا... علاش عيشتينييي فدااك العداااب كامل... شنو الخطأ دياللييي لاااتولدت بنت... واش عمرك حسيتيي برااسك تاحد مابااغييك؟؟؟ عمرك حسيتيي بليي نتااا خطأ وبليي نتاا خيبة امل...
انا حيااتي كامل وانا كنحس هاكاا... فاش كنت صغييرة ومافاهمة والوو. مافاهماش معاملتك ليا هاكااك وكنقول فيين الخطأ وكنقلب علييه باش نصلحوو.. بدلت من راسي باش نرضييك درت كوولشي باااش نرضييك... رجعت العبدة ديالك باش نرضيك ولكن لااا نتا مايلاصحش معاك هادي.. و داباا صافي بركة... مابقييتش غانحس بهاكاا بسباب وااحد عقلو محدود ورجعي متخلف دوغمائي جاااهل بحااالك.. وندمت ندمت علي كااع دوك الاياام لي تمنييت فيهم كون تولدت ولد بااش نرضييك.. ندممت علي حيااتيي لي عشتهاا هاكاك باش شي نهار نسمع منك كلمة بنتي وناخد رضااك...
مسحات دموعها بيديها وشافت فيه بشوفة تحدي هزات صيعها كتهديد: من ديما نتا لي كنتي كتهددني بالقتل.. داباا جا وقتيي اناا... نعااود نشووف وجهك.. كنعااودها... نعااود نشووف وجهك قدااميي مرة اخرى كتهددني ولا كتحااول تآذينيي... (ترددات شوية.. ولكن فالتالي خرجاتها) .. ماتلووم غي راسك... سمعتيني ماتلووم غي راسك... مابقييتش دييك سارة لي كتعرف.. مايقيتش ديك سارك لي غاتهز علييها يدييك... دابا غيي تفكر... غي تجييك فبالك ترفع علييا صوووتك.. كنقسم برب الكعبة مانعقل علييك وغانسى بلي نتا (ماقدرااتش تقولهاا.. سكتات وتنهداات)... مهم من هنا للقدام نسى بلي عندك بنت اصلااا وتهنى...
خنزرااات فييه ودارت فتحات الباب لقاات الممرضين مجموعين حدا الباب مم الصباح وهما تايحاولو يحلوه حيتاش سمعو غواتها من برا ماداتهاش فيهم وخرجاات... نزلوو دموعها تاني بلا ماتحس.. بقات كتمشى بالزربة  وماكاتشوووف قدامها واالوو.. دموعها غطاو عينيهاا...كتبانليها غي الضبابة...
خرجات من الباب دالمستششفى حتى.......

.. باهاا كان غي مصدووم فيها.. لساانو. تبلع لييه.. رجعات بيه الذاكرة اللور نهار الولادة...فالدوار.. كانو كااع ناس الدواار مجموعيين على الدار فين كانت كتولد الام دسارة..وكايتسناو يشوفو شنو غاتولد... كولشيي عندو فضوول ديك الساعة كانو  الجارات الداخل تايعاونو القابلة لي كانت كتكلف بالولادة..

كانت اول ولادة لام سارة بعد سنوااات من المحااولاات كل ماحملات كان تايطيحليهاا.. وماتايصدقش ليها.. حتى فقدو الامل... وهادي اول مرة يفوتليها الجنين تلت شهوور.. فرحوو بزااف... بلا مايفكرو نيشان توقعووه ولد...
بات سارة كان واقف براا وقرب يطير بالفرحة وفنفس الوقت مخلووع.... اخييرا غايتولد ولي العهد. غايتولد الاسد دياال العائلة الراااجل..
تسمع بكااء التربية وسي المصطفى عينييه تحلوو بالفرحة... مشى تايجري للباب وخرجاات عندو واحد المرأة من الجارات والقلق وخيبة الامل مرسموين فملاميحهاا..
المرأة شافت فالجماعة وقالتليهم كلمة وحدة.. واخا هما فهموهاا غي من شوفااتها ووجهها: بنت
سي المصطفى ابتسامتو بداات تختفي شوية بالشوية.. للحظة فقد توازُنو... وشدو خوه لي تنهد وقال وهو خايف من ردة فعل خووه : ماشي مشكل قضاء الله وقدره.. ماتفكر فوالو اخويااا داباا.. سير رتاحلييك شويية ورجع..
الرجال من وراه بداو يتشتتو واحد بواحد :. لا حول ولا قوة الا بالله
حس  احلامو تبخراات فالسماا..
كان عييب تكون اول ولادة عند الرجل بنت..
جا عندو واحد الرجل: سي المصطفى.. الله يصبرك معاها.. . البنت حمل وتقل على الرجل.. راك شفتي شنو دارت بنت المعطي هرباات مع واحد وخلاها... ورجعات لدارهم متقلة...وشوهات بيهم فالدوار... لابغيتي نتا كاع تهرب من هادشي راك عارف شنو ديرر... الله يعاونك ابا مصطفى..
خوه: هاديك الهضرة سير عاودهالهم.. غبر منهنا لامايعجبك حال..
خوه تايربت فكتافو باش يكالميه: خوياا الله يهدييك ماتفكر فوالو داباا.. را ماشي كلهم تايطلعو بحال هاكا.. لاحسنتي تربيتها َتقتي فيها
هز سي المصطفى يدو وقاطعو زعما سكت
دار شاف فواحد الرجل وقاليه: جيبلي الجويجة.
خوه شدو تاني : خويااا الليهدييك
دفع. وقاليه: تعاااود تشدنييي مانتاا خوياا مانا خوووك..
جابليه الجويجة شدها عمرها ودخل للدار... وجهها نيشان لوجه التربية لي باقي كتغوت.حدا مها لي مصدوومة..
خرجو العيالات لبراا تايتغاوتوو تابقاو غي هما بتلاتة وخووه وراه باغي يدير شي حاجة وماقادرش..
بقى باها شحاال مصوب الجويوجة لجيهتها ويدييه كايترعدوو... شوية رخاا منها ولاحهاا للجنب...
جا خوه لعندو وعنقوو وهو تايبكي: ماقدرتش اخويا ماقدرتش...
نهاية الفلاش بااك...
الاب نزلات دمعة حاارة من عيينوو.. نفس الاحساس لي حس بيه فاش كان هاز السلاح وماقدرش يتيري هو باش حاس داباا... احساس دالكره ممزوج بالحب و العجز..

#يتبع
#اراااؤكم