امرأة متنكرة في عالم الرجال 🤠مكتملة🤠

الجزء 61 🤠

امراة متنكرة في عالم الرجال 💪

الحزء 61

بقلم :حنان زهراوي/ اريا ستارك

ماسين خارج من لبيت كيقلب فكاع لقنات تخلع على سمير أما ياسين مامسوقش ليه....
قلب فكاع لقنات دالمدرسة.. تفكر الضربة ديال ياسين وهو يمشي لأنفيرمري، دخل كيتسلت مسمع تاشي حس كان غايخرج وهو يسمع صوت ياسين.

ياسين لي حل عينيه عوتاني على نفس ديكور سمير متكي ولكن هاد لمرة فوق صدرو وناعس وايديه شادة لكمادات لي كانو كيعاونوه ينزل السخانة، بقا كيشوف فيه وعينيه مغمضين تفكر لبارح وكيفاش جا فمو على فم سمير كيفاش كانو شفايفو  رطبين  بزاااف والمداق ديالهم... حس بشي حاجة فشكل ..
ياسين: واش تسطيتي اياسين راه ولد ولد لي عندو عندك
حس بشي حاجة تحركات شاف فسمير لقاه كيحل فمو وكيسدو وداك لقنت لي محطوط على صدر ياسين كيهرو فصدرو.
ياسين لاقا حجبانو وخنزر فسمير: سمير فيق وابنادم فيق..
بغا يقيسو ولا يزعزعو باش يفيق سرح يدو وصلات غير لفوق شعر سمير... ياسين تردد ولكن حط يدو وهر حاجبو ..
ياسين مخنزر: كاين شي دري شعرو رطب بحال هاكا؟؟ كون كنتي قرع حسن

بدا كيلعب فشعر سمير عجبو الاحساس والملمس ديال شعرو... شوية بتاسم سمير وياسين غير كيشوف فيه وكيشوف فيدو لي بحالة تحركات بلاما تاخد شوارو نتر يدو بزربة: ياسين بربي تاتسطيتي.

ماسين بخطوات سريعة مشا لحدا ياسين وهز سمير من حداه وهو مخنزر شاف فيه وقال وسنانو مكروزين: أخر مرة تقيسو ماشي تخليه تاينعس وتز** عليه ياكما ولاو كيعجبوك دراري؟؟

ياسين هز حاجبو فيه وبتاسم بمكر: شكون لي هازو ومعنقو بحالا هاز عروستو ليلة الدخلة ههه وتقوليا انا لي عاجبيني الدراري ونتا لي شداتك لغيرة فهاد اللحظة اش نقولو عليك؟؟

ماسين: شوف من لخر اه كايعجبني وكنبغيه شغلك؟؟ من ليوم تبعد عليه فهمتي دابا؟؟

ياسين: ههه اخيرا عتارفني بميولك للجنس لخشن هههه أجي ولا هو كنعجبو انا اش نديرو؟؟ ههههه علام والله

ماسين: ياسين متعصبنيش دويت معاك فهمها...

الطبيبة إيمان داخلة لقاتهم كيتناقشو وقفات كتفرج وبتاسمات هضرات بصوت مامسموعش: ههه دري وضاربو علك إلا عرفوك بنت معرت اش غايديرو
إيمان بالغوات : اش واقع هنا؟؟
ماسين: والو غاندي معايا سمير ينعس فلبيت وهاد خينا عطيه شي فنيد ينعس ماينوضش
إيمان: حط الدري فداك سرير
ماسين: لا أنديه معايا
إيمان خنزرات فيه: غاتحطو ولا نعيط لعميد؟؟
ياسين: ماسين كون تسمع واش باغي تشري لينا صداع فهاد نهار

ماسين حط سارة وهو منفخ معاجبوش لحال إيمان جبدات ورقة ماطاتها لماسين: هادي عطيها لعميد حيت ياسين مغايقدرش يتريني تايبرا ولكن يقدر يحضر للقصص
هزات ستيلو وخدات ورقة صغير كيقولو ليها باص... كتبات فيها بلي سمير معفي من تدريبات غير ديال هاد صباح وعطاتها لماسين..
.
إيمان: وهادي ديال سمير ليل كامل وهو فايق خاصو يرتاح شوية
ماسين: ولكن..
إيمان هزات يدها قاطعاتو: سير راك غاتعطل لابقيتي مجمع ليا هنا

ماسين دار حل لباب ورجع شاف فياسين: راني دويت معاك نتا متجبدنيش وانا مخليك فحالك..

ياسين ببرود: ممم خلعتيني
إيمان صفقات: ياله سير دغيا راك غاتشوف سمير فلحصة جاية

ماسين تحت من نيفو قال شكرا وخرج ردخ لباب... رجعات إيمان تشوف فياسين لقاتو كيشوف فسمير.
ياسين: واش مريض تاهو ولا غير عيان؟؟
إيمان: هي تانتا عزيز علك لولاد؟؟
ياسين خنزر فيها وببرود قال: لا عندي مع لجنس اللطيف شكون دويتي عليه ملي قلتي حتى نتا؟؟

إيمان نعتات ليه فسمير: هو تاهو عزيز عليه دراري

ياسين: قلت لك ماكيناش ديك كلمة تاهو حيت انا معزيز عليا حد

إيمان: اوكييي مالك تعصبتي ههه ياك تايق فراسك

ياسين: ماتعصبتش غير كنشرح لك

إيمان حابسة ضحكة: ممممم وعلاش كنتي كتناقش مع صاحبك؟؟

ياسين بلامبالاة: عادي ديما كنضاربو

#يتبع