امرأة متنكرة في عالم الرجال 🤠مكتملة🤠

الجزء 94 🤠

امراة متنكرة في عالم الرجال 💪

الحزء 94

بقلم:حنان زهراوي / اريا ستارك

سارة فبيت بوحدها دوشات ولبسات كوستيم وقفات قدام مراية ومسحات دمعتها، مبتاسمة بحزن كتشوف فإنعكاس صورتها فلمراية من صباط كلاص ديال رجال لسروال ديال كوستيم حتى وصلات لشعرها لي قصير بحال دراري.
غمضات عينيها واخة هكاك نزلات دمعة بلا إرادتها حلات عينيها وخنزرات فلمرايا.
سارة: علاش تزاديتي فهاد دنيا إلا كنتي حتى لعيشة ديالك مزيفة، عايشة وسط جسد ماشي ديالك علاااااش.
وقفات كتشوف فراسها عينيها حمرين بالبكى وعروقها خارجين بالأعصاب وجا فبالها باباها على شكل فلاش باك لكل مرة ملي كيكون كيضربها كيفاش عينيه كيبانو حمرينو وعروقو كيخرجو وشافت فراسها مخرجة عينيها.

سارة: لا لا انا مكنشبهش ليه عمرني نشبه ليه عمرني نعاقب بنتي غير حيت متزادتش ولد.
سارة كتشوف فراسها مسحات دموعها قادات ضهرها شافت فعينيها وكلهم تحدي.
سارة: غادي نوصل وغادي نديرها بدراعي ونوقف فوجه أي حد يحاول يحط يدو عليا (غمضات عينيها وتنهدات) غادي نحقق لي بغيت غادي نحقق داتي ونرجع نوقف قدامو ونواجهو.....
دارت هزات صاطادو ديالها ومشات حلات لباب ودارت لآخر مرة كتشوف فلبيت ديالهم لي جمعهم هاد شهور وجا فبالها غير نهار ياسين كان مريض وهو كيشرب الشوربة لي طايبات ليه بتاسمات، جات فبالها نهار ماسين كان قريب ليها بزاف وقلبها كان كضرب بسرعة بتاسمات وحركات راسها كضحك.
نزلات ديريكت لفين كاين لحفل حطات صاكها ودخلات لداخل كتقلب حسات بإيد طبطبات على كتفها دارت عل ليمن دار ماسين عاليسر وخرج ليها.
جمعات ضحكتها كتقمص شخصية سمير: وافين اساط
ماسين بتاسم وغمزها وافين أعشيري
سارة ضرباتو لكرشو بكروشي خلاتو كيتوجع وقربات لعندو.
سارة: جمع راسك مديرش بحال هاد بلانات
ماسين كيضحك: أشمن بلانات هاديك لغمزة؟ اش دارت لك؟
سارة رجعات صوتها خشن وقالت بهمس وعي كتنعت ليه فجيهة: لعميد جاي
ماسين تقاد فلوقفة ودار مبانش ليه لعميد بقا كيحقق ملي رجع يدوي مع سارة لقاها ماكيناش عرففها دارتها بيه.
حرك راسو وبقا ساهي للحضة: غادي نتوحشك!
لعميد واقف مع سمير: أخيرا غادي تمشي
سمير: راني قلت لك بغيت نعاون مبغيتش نمشي ونتوما فهاد لوضع.
لعميد هز راسو بمعنى فهمتك:كنشكروك بزاف على هادشي لي درتي وبغيتك ترد بالك راه نتا شاهد لوحيد وغايكونو عرفوك عارف كون ديما على بال.
سمير: شكرا ليكم هاد تجربة تعلمت منها بزاف.
لعميد: وحتى هاد دبلوم يخدمك فينما بغيتي راك عارف، وصيتي لك هي عرف أش غاتختار فكر مزيان فكاع لجوانب كون ذكي.
سمير حدر راسو: شكرا بزاف
لعميد: مبروك عوتاني.
ياسين: مبروك سمير
سارة وقفات فبلاصتها هادا صوت ياسين ولا غير تخايلاتو؟ لالا لا مايمكنش تشوفو دابة وهي شاكة بلي هو لي كانو باغين دارهم يزوجوها ليه.
سارة ضارت ببطئ بقات نازلة بعينيها بشوية: ياسين!
ياسين مخنزر: قلت لك مبروك
سارة: أسيدي الله يبارك فيك.
سارة شافت فيه وتفكرات باه ومو وخوه وقالت فخاطرها واخة يكون ماشي هو لي خطبني وهادا غير خوه واخة هكاك كنحس براسي حشمانة منهم.
هادشي حيت هي هربات من دارهم من مورة خطوبة وغايكون ولدهم سمع أشنو وقع، بعد مرات كتبقى تتسائل كيفاش كيفكر فيا واش بنت خارجة طريق.
ياسين هز يدو كيشير فاتجاه وجهها: هيهو
سمير: اه سمح ليا شردت كنفكر
ياسين: دابة غاتمشي لمدينتكم؟
سمير بقا كيشوف فياسين عرفو بغاه يقول لا انا من هاد لمدينة ولا يقول من إنا مدينو هو.ولكن قرر مايجاوبش.
ماسين جا وقف معاهم تاهو وشاف فسمير:خليتيني قبيلة كنهضر بوحدي
سمير خنزر فيه بمعنى جمع راسك: شفت لعميد ومشيت عندو كنت باغي ندوي معاه.
ماسين شاف فياسين: كيبقيتي
سمير ضار بزربة: اه كيبقيتي وكيبقى خوك
ياسين خنزر: سوقك فخويا؟
ماسين زاد خطوة وخنزر فياسين: تكالما أياسين راه غير بغا طمن عليكم
ياسين حدر عينيه لرض: احم بيخير دابة حمد لله
ماسين شحال بقا لك ديال وقت وتولي بيخير وترجع الأكادمية؟؟
ياسين: شهر ونص ونجي
ماسين: ناري متقدرش دير قل
سمير ضار شاف فماسين:مالك نتا على هادشي شغلك فييه يدير تاعام...
ماسين: حيت هاد.خينة تاهو باغي تخرج فشهر وقاليا لعميد خاصني نتسناه

سمير شاف فيهم بزوج: احم انا غانمشي نجيب شي حاجة نشربها.

سلتات سارة وهي غادة كتلافت كتلقاهم مقابلينها بزوجهم زربات دغيا وختافت على الأنضار.
ياسين شاف فماسين: احم قوليا عارف سمير فين ساكن؟
ماسين: علاش قالك نتا فين ساكن؟

#يتبع
🌹🌷اوا شوفو هادي غير دايرة فيها ولد ومخلياهم كيتناقشو على شكون عرف عليها شي حاجة إلا تسيفات عليهم ولات بنت معرت أش يوقع.....
🤣🤣🤣🤣