امراة متنكرة في عالم الرجال 💪
الحزء 90
بقلم : حنان زهراوي / اريا ستارك
سارة جرات بكامل قوتها ستعملات لحاجة لي كانت ديما معروفة عليها هي جري كانت ديما سريعة بزاف وهي كاتجري تفكرات أشنو لي خلاها تولي كتعرف جري.
تفكرات شحال هادا ملي ياله تحولو لمدينة كانت ديما كاجري من باها وكتهرب عليه وكيتبعها ديما كيشدها وكتصدق واكلة لعصا كتر من لول تال نهار زغبها الله كان فعمرها 14 عام نهار صلخها باها بليل وخرجات من دار ملي نعسو بغات تهرب عقل صغر غرها، تفكرات أفلام كتفرج فيهم وقالت متلا إلا هربات غاتمشي لجامع دخل وتنعس فيه ساعة ملي خرجات جميع جوامع لقاتهم سادين ملي ستسلمات وقالت ترجع فحالها خرج ليها شمكار فطريق وعرفها بنت من رجليها لي باينين فصندالة صغار وبيضين غير عاق بيها بنت عينيه بداو كيبريو عرفات راسها غاتكون هادي أخر ليلة ليها إلا مهرباتش منو.
واخة شمكار وشفار ولكن رجليه بحال ريح بكترة شفرة ولهريب بقات كتجري واخة طاحت ليها صندالة بقات صابرة للألم ديال رجليها ملي عفطات على جاج وهي كتجري بحر جهدها وملي كتدور كتلقاه باقي تابعها كتزيد تصر أنها مغاتستسلمش بقات كتجري حتى وصلات قدام بابها ورجليها كلهم دمايات وملي فاقت لغد ليه وشاف باها رجليها زاد عليها بلعصا حيت زاد شك فيها بلي كتخرج بلا خبارو بقا كيضرب فيها لدرجة بقات فلفراش أيام حتى ولات بيخير.
خرجها من سهوتها وهاد رحلة صغيرة للماضي واحد ضو صغير شاعل فجنب كوكوط كل مرة كيشعل وطفا بلاما تفكر هزات لكوكوط واخة تقيلة وبدات كتجري تحاول تخرج من الأكادمية.
بقات كتجري حتى ضو ديال كوكوط ولا كيطفى وشعل بسرعة عرفاتها قريبة تفرقع حطاتها لرض وهي كتشوف فراسها قربات تخرج ولكن مبغاتش تغامر بحياتها، غير حطاتها وجرات عوتاني بكل قوة لي بقات ليها غي خرجات وهي تسمع تفرقيعة لولة ولكن خارج من الأكادمية يعني بعدوها من الأكادمية وأخر وحدة تفركعات هي بوطة لي كانت هازة حمد لله كانت بعدات بمافيه لكفاية.
بعد هادشي بيوماين لعميد واقف حدى ماسين وهو كيعاود لياسين أش وقع وكيشرح ليه تصليحات لي بدات وكيفاش كون مكانتش سارة كانت لخسائر لمادية غاتكون كبيرة ولكن حيت بعداتها بزاف راب غير جزء صغير، وشرح ليه بلا ماغايحتاجوش رجالو وبلا إلا قدر يسيفط عمال لي يقدرو يعاونو فلبني.
ياسين: صافي انا غانشوف واحد صاحبي إلا عندو شي دراري غانسيفطهم ليكم ودوك رجال خليهم واخة يعاونو غير فهزان السلعة.
ماسين: صافي مشات ....احم ونتا كيبقيتي؟!
ياسين تنهد عارف بلا ماشي ساهل ينساو خلافاتهم وهضرو بحال مواقع والو ولكن هاوا لأول مرة كيحاول.
ياسين: صافا شوية حمد لله كنقدر نوض شوية واخة باقي لحال باش نولي أونفورم
ماسين: وي عادي راه عملية ماغتبراش بين ليلة ونهار...دوماج ملي غاترجع مغتلقاش سمير
ياسين خنزر وخوه حداه هز حاجبو باستغراب:كيفاش؟؟ كيغايدير ليها؟؟
ماسين: لعميد قاليه يقدر يتخرج من هنا لشي شهر
فهاد لوقيتة دق سمير فلباب ودخل لقا ماسين قال هاد لجملة خنزر فيه ودار ليه اشارة باش يقطع
ياسين وقف وهي ضرو لفتحة وقف حداه حميد كيحاول يهدنو باش مايوعتش راسو.
ياسين: كيفاش بلان هاد شهر عمرني سمعتها
ماسين كيشوف فسارة لي كتخنزر فيه معرف مايدير بدا كيتفتف: احم خاصني نمشي كيعيطو ليا تانهضرو من بعد تلاح وتهلى فراسك.
لعميد بقا كيشوف فيهم بزوج: كاين شي حاجة ماعرفهاش؟؟
ماسين: ها؟ لا علاش؟؟
سمير بكل ثقة باش مايشكش فيه لعميد: لا غير مبغيتش ياسين يعرف بهاد تخرج لي غانحاول ندير هاد شهر.
لعميد: برك هادشي علاش عيطت لك.
ماسين شاف فيهم وبغا يخرج دار ليه لعميد إشارة لا بغا يبرك وبقا معاهم.
سمير تخلع خاف لبروكرام يطولو ليه فيه وهو باغي غير يخرج خلاص ولكن مباغيش يضيع وقتو لي دوزو هنا.
سمير: ياك لباس؟
لعميد: كنا فاجتماع ليوم كيما راكم عارفين وقررنا أنك تستحق أنك تخرج من بعد ماخاطرتي بحياتك ومن كاميرات لي بينو نيفو ديالك وحتى بما أنك نتا شاهد من لول على تخطيط لي كان ضدنا...مهم قررنا بلا راك تستحق تخرج وغدا كاينة حفلة تخرج ديالك ونيت نديرولكم تكريم حيتاش انقذتي المدرسة.
وقف لعميد وبتاسم: شكرا ليك وبرافو تستحق تخرج ونتا (على ماسين) لابغيتي تخرج فشهر واحد هاهي فرصة قدامك كشكر ليك تانتا على مجهوداتك.
ممكن نجمة منين تقراو 🤗💙
YOU ARE READING
امرأة متنكرة في عالم الرجال 🤠مكتملة🤠
Romance💎مكتملة💎 ❌حصرية على الواتباد ❌ . جبتلييكم قصة جدييدة محملة بافكااار مختلفة كل الاختلاف علي داكشي لي عهدتوو.. كنتمنى تعجبكم.. نخليكم مع التقديم💙🖤 تقديم القصة 😘 ذلك الشخص الذي لايعرف معنى كلمة احساس أو شعور ، لم يذق طعم السعادة ولا الحزن من قبل،...
