امرأة متنكرة في عالم الرجال 🤠مكتملة🤠

الجزء 39 🤠

امراة متنكرة في عالم الرجال 💪

الحزء 39

بقلم حنان زهراوي/ أريا ستارك

سمير لاحظ بلي ماسين صعيبة عليه يجرهم بزوج مع إيدو لي كدرو شاف فياسين: شوف طلق من يد وحدة وشد بيديك بزوج من إيدي لوخرا..
ياسين: غاتفصل لك هاد ليد

سمير: مرة وحدة دير أشنو قلت بلاما تناقش

ياسين طلق من إيدها وشد فلوخرا بزوج يدين وسمير دفع بيدو لوخرا على لحاشية كترجع بلورانية باش يحاول يعاون ماسين يطلعهم

ماسين كيجر فسمير ولكن وجهو قريب لمؤخرتو كيحاول يبعد من سمير لي رجع بجهد فلحضة جار ياسين معاه صدق بارك فوق صدر ماسين وياسين تلاح فوق صدر سمير كلهم فالأرض كيلتاقطو انفاسهم، ياسين راسوو مخشي فعنق سميير استنشق ريحتوو لي جاتو فشكاال...
سارة لي جمعات لوقفة بزربة دفعات ياسين من فوقها... وناضت من فوق ماسين

ياسين: بشوية البشار

ماسين كيسوس فحوايجو هز راية من الأرض وبدأ كايجري: الدراري تبعوني

وصلو دراري العلقو راية ديالهم وتلاحو فالأرض كيتسراحو بيما وصلو الفرق الأخرى، ياسين باقة رييخة سميير فنيفو وفمو مابغاتش تحيد..

ماسين مرة مرة كيهز عينو فسمير كيحقق فيه ضرو راسو علاش عينيه ديما كتمشي ليه علاش كيحس بطريقة فشكل من جيهتو هادشي غريب وكيخلع وقف دغيا وتلاح على كرشو فالأرض كيدير طراكسيو..
سمير كيشوف فيه باستغراب: هادا مالو؟؟
ياسين شاف فيه ورجع شاف فماسين تاهو مستغرب من حالتو: مالك نتا؟؟

ياسين: والو غير ملل

قبل مايبقاو يفكرو ولا يتسائلو وقف الأستاذ مخنزر: إنتباااااه!!

هز الأستاد الرايات وبدأ غادي جاي قدام لفراقيي لي تصافو قدامو: فحقيقة ابهرتوني لإول مرة فتاريخ الأكادمية كنشوفو فرق فحالكم برافو(كصفق) مكاينش بحالكم فلفشل انا حشمت من راسي كنعلم ناس بحالكم اغبياء حاجة بسيطة رجعتوها مستحيلة من اول مابدينا لمسابقة لالا لا من اول مابدينا تدريبات من اول مادخلتو لعتبة الاكاديمية وحنا كنقولو ليكم على *تيم ورك* العمل الجماعي كفرقة وحدة، بأشمن لغة نشرح ليكم بلا ملي صاحبك مكنجحش وماكيوصلش لفريق كلوووو كيفشل واش دوك ريوس قاصحين خاصنا نهرسو ديمهم باش تفهمو؟؟
كنت متوقعكم تفهمو من لعبرة ديال فريق ياسين ولكن معامن حنا مع لكلااااخ لا وبلعكس لفريق لوحيد لي نجح فهاد لمرحلة هو نيت فريق ياسين كنضن هوما لوحيدين لي تعلمو من أخطائهم(شاف فياسين وفرقتو) نجحتو فهاد مرحلة ولكن فشلتو فلي قبلها ونتوماااا(دار شاف فلفراقي لوخرين) نجحتو فلمرحلة لولة وفشلتو فتانية تبارك الله فشل جماعي مضامنين مع بعضياتكم...

أستاد تاني جا وقف حداه: من غدا غانبداو تدريبات حادة اضعاف وتريبلات دكشي لي كنا كنديرو حيت برهنتو لينا بلي راكم فاشلين وخاصكم ترينيو من لأول، ولكن كيما عاقبنا فريق ياسين فلمرحلة تانية نقصنا ليهم نقط وخلينا إنطلاقتهم هي أخر إنطلاقة كنضن من العدل انكم تانتوما تعاقبو غي يتم تفريق لمهام على جميع لفرق ماعدا فرقة ياسين...وغدا مع خمسة صباح تكونو فالساحة كلكم وعلى أهبة الإستعداد...

#يتبع