🌀امراة متنكرة في عالم الرجال🌀
بقلمي:hanane zh
الجزء 21
فليطواليط كان ياسين تامسح لافابو فين تايغسلو الدراري يديهم
ماسين تايجفف و لالة سميير (من هنا للقدام انبقى نقوليه لالة سمير ولا سي سارة) تايحك فالطواليطات على قلبو... والسيكيرتي واقف عليهم وعاس ..
سارة كدوي بالشوية: تفووو من الصال دالصبور للمدرسة ديما مخليين ليا الطواليط نحكها ونجمع.. هادشي كولو بسباب داك الحيوان
ياسين وماسين تايسمعوها شتاتقول حيتاش واخا كدوي بالشوية الطواليط تاتسمع
ماسين همس لياسين: شتي فين مامشيتي تايسميوك حيوان
ياسين لي ولفناه تايكون ديما بارد ولا تايغلي من الداااخل وقرب يطرطق بالاعصاب ولكن مابينش حيتاش عارف ماسين تايستفزو
رجعات بيه الذاكرة اللور
قبل مايضاربو كانو فالقسم ياسين وماسين جالسين حدا بعضياتهم كايتسناو فالاستاذ يدخل
كان ياسين جالس فبلاصتو مكالمي وساكت وتايقرا
وماسين محيح مع الدراري تايكمش الوراق وتايضارب بيه مع صحابو لآخرين
. شوية تاجا واحد الدري تايجري وتايبكي وجاي نيشان لجهة ياسين بغى يضربو.. ولكن حبسو ماسين وشدووو
الدري تايبكيي: طلق مني انقتلوو والله تانقتلوو.. غا حيتاش داك النهار ضحكت عليه وانا غي لعبت معاه مشى حرش باباه يجري هلى بابا من الخدمة... ماعمركم تيقو فهادا تايبان ظريف وهو را شرير ماكايحسش وماكايهضرش بحال شي حيوان.. (تايشير لجهة ياسين) نتاا حيواان حماار .
ماسين بقى شادو باش ماينقزش على ياسين وهو فاهم البلان.. باينة دار لياسين شي حاجة وانتقم ليه بطريقتو.. ماسين بقى فيه الدري حيتاش ياسين تسبب لياه بالبطالة وعارفهم ماعندهمش.. مي مابغى يقول والو باش مايتقلقش منو صاحبو
عاود رجعات الطاكرة بياسين لواحد النهار كان خوه المتوسط انس تايلعب بواحد الكاميون صغيرة وياسين تايطلبهاليه ليه يلعب بيها شوية مابغاش يعطيهاليه
انس: هادي ديالي سير لعب بلعبك
ياسين تايحيدهااليه بالزز
شوية تاتشادو وجا باهم فرقهم
الاب: حمر عينيه فياسين: ياسين هادي ديالو سير لعب
بدياولك يالااه
ياسين لي كانت فعمرو خمس سنين تعصب ولكن كما العادة مابايناش فوجهو البارد بقى خوه تايضحاك عليه.... مشى كايجري لبيتو وهرس كاع العابوو شرشمهم بالفقصة شوية وقف تايفكر وهو يمشي لعند انس لي كايلعب غفلو هزليه الكاميون ومشى خباها فبيتو.. تبعو انس لبيتو تايقلب عليها وكايغوت : اراليا دياليي
ياسين شاف فيه وقال : لاااءح قلب عليها راسك .. وخرج كايجري و كايبكي عند بااه: هرسلي انس كاع لعبي
ناض باه لقة انس فالبيت رةنها تايقلي على الكاميون وشدو قتلو عصااا يسحابليه هو لي هرس اللعب لياسين. وفالتالي عطاه الكاميون د انس ..
من تماك تايقوليه انس غي الحيوان حيتاش ماكايحسش بالذنب وماعندوش ضمير
نرجعو للوقت الحالي
ياسين من بعد ماتفكر الماضي شاف بنص عين فسمير وحلف تايندمو على ديك الحيوان لي قال وماغايتهنى تايكرهو فحياتو وعيشتوو ويخليه يهرب من هاد القنت
دار ببرود تايكمل المسيح...
من بعد ماسالاو نزلو بزوج للاكاب ينقيوه شوية و ماسين داه السيكيريتي يجي الزبل يخويه
غي دخلات سارة للاكاب بدا نيفها تايسيل عندها حساسية من الغبرة و الغمولية
ياسين شعل الضو مع كولشي مظلم ومشى بدا تايجمع شي تخربيق
سارة بانتليعا واحد المكتبة كبيييرة عاامرة كتب ولكن مغبرين ةنايضة فيهم الخملة قررات تبدا بيهم تمسحهم.. كتكره الكتب يتوسخوو.. مشات كاتمسح وطلعات فوق واحد السلوم تال الفوق باش تبدا ...
شافعا ياسين هز عينيه شاف فالقنوت مابانتليهش كاميرا ومشى نيشان لجهة السلم.. سارة ملهية مع الكتب تتمسحهم بعناية ومركزة فخدمتها ... هز ياسين رجلو وضرب السلم بنص تاتزعزع وتختل التوازن ديالو ... جات سارة طاييحة مالفوق للارض .. حاولات تخفف من الطيحة وطاحت على كتفها وتقلبات ولكن تقسحااات بالجهد
#يتبع
أنت تقرأ
امرأة متنكرة في عالم الرجال 🤠مكتملة🤠
Romance💎مكتملة💎 ❌حصرية على الواتباد ❌ . جبتلييكم قصة جدييدة محملة بافكااار مختلفة كل الاختلاف علي داكشي لي عهدتوو.. كنتمنى تعجبكم.. نخليكم مع التقديم💙🖤 تقديم القصة 😘 ذلك الشخص الذي لايعرف معنى كلمة احساس أو شعور ، لم يذق طعم السعادة ولا الحزن من قبل،...
