إمرأة متنكرة في عالم الرجال 💪
الجزء 98
بقلم: حنان زهراوي/اريا ستارك
حميد (خو ياسين الكبير) كان فطريقو لبرا االاكاديمية حتي تايتلقى ليه العميد ووجهو ماتايبشرش بالخير نهائيا:سي حميد اجي معايا للمكتب ديالي
حميد مافهم والو واخا هاكا تبعو
دخلو للمكتب وسورت العميد الباب وشاف فيه حميد بمعنى لاش كتسد الباب
حميد: واش كاين شي مشكل
العميد: اه كايين.. سمعت شوية من الحوار ديالك نتا وسمير بنتولي بحالا كتعرفو بعضياتكم؟
حميد بغى يجاوب وقاطعو العميد: بلا ماتحاول تكذب حيت مشيت لغرفة المراقبة وعاودت التسجيل دلكاميرات وسمعت كاع داكشي لي قلتو. مابغيت ندير تاشي ردة فعل عارفك نتا هو الرزين فخوتك وبعقلك علاش سكتي على فعل بحالا هادا من ايمتا ونتا عارف وعلاش كنتي ناوي تخبيه؟؟
حميد بقى ساكت ماعرف باش يجاوب، تنهد وقال: من هادي سنواات ماعمري شفت خويا تايشوف فشي حد ولا تايهضر مع شي حد ولا حتى تايبتسم. هادي اول مرة! ياسين مايمكنش يسمح لشي حد ضرو ويمكن كاع يآذيه، ودابا كنشوفو واقف مع ماسين بحالا ماعمر وقعات بيناتهم شي حاجة وتايهضر معاه عادي.. سكتت حيتاش هاد البنت واخا متنكرة كتبدل فخويا بلا مايحس، وعاد سكتت على قبلها هي، فنظرك نتا واش ساهل تتخلى على الجنس ديالك وتلبس حوايج دري؟ البنت كانو عندها اسبابها واسباب مقنعة انا عارفها،هاربة من عائلتها و يلا لقاها باها غايقتلها.. يعني عادي ندير هادشي ونسكت..
العميد بقى غي تايشوف فيه واخا هاكاك ماقنعوش. واحد الراس تايقوليه يخرج عندها يحيح وواحد الراس اخر تايفكر فالشوهة لي غاطرا والسمعة دالمدرسة لي غاطيح، وعاد كيفاش دخلات بنت لهنا بدون اوراق وبالوجوه،
فكر تاعيا خنزر ف حميد ومشى هز التيلي : الو.. بغييتك عنذي داااابااا فالبيرو دابااااااا
وقطع
فبلاصة أخرى فأكادمية سمير مشى للانفيرمري لقى ايمان كتجمع شي تخربيق ديالها
سمير : السلام عليكم
دارت ايمان شافت فيها: اهلاا وسهلا من نهار قبروه مازاروه.. غي مشى ياسين منهنا، ماعاودتيش عتبتي عندي
سارة توتراات : اشمن ياسين ولا زمر را غي ماساليتش مع التدريبات كان البروغرام مشارجي عندي ذاكشي باش ملقيتش لوقت.
ايمان ابتاسمات: صافي صافي ا لالة عارفة عارفة😂 ايوا صافي غاتودعينا اليوم
سارة: ماتهضريش معايا هاكا لايسمعنا شي حد ونصدق معورها فاخير نهار جيت غي نقولك بسلامة وشكرا بزااف على كولشي وخاصة انك عاونيتيني ومافرشتينيش
ايمان : اممم دوماج ماكنتش بغيتك تمشي دابا على الاقل تاتعاوديلي قصتك، ونعرف شنو الحاجة لي خلاتك تلبسي كوستيم فحفل التخرج ديالك وماشي كسيوة
سارة حسات براسها تشوكات من بعد ماسمعات هاد الهضرة
حسات بيها ايمان تزيرات وقربات ليها عنقاتها : تهلاي فراسك كنتمنى تسالي من هادشي قريب وترجعي لشخصيتك الاصلية.
سارة: قريب ان شاء الله، دوزي للحفلة را كنتسناوك
ايمان: واخاا هاني نبدل عليا دغيا ونجي
خرجات سارة من عندها ومشات لحفل التخرج ديالها فالصالة الخاصة بالحفلات ف الأكاديمية...
بقات كتفكر هضرة ايمان بالصح ماشي هادي هي حفلة التخرج لي تمنات، شافت فماسين ناشط ومرة تايشطح مرة تايهز فالحلوى ياكلها وفرحان حيتاش شحال هادي ماكلاو الحلوى مانعينها عليهم هنا... ابتسمات بلا ماتحس..
السيكيريطي جاي من وراها:سمير تكلم للعميد
سمير استغرب : را كنتسناوه هنا يجي يلقي الخطااب
السيكيريطي: سير عندو للبيرو
مشى سمير للبيرو دالعميد دق وفتح الباب
بانليه المعلم وحميد تاهما تماك وتزير خاصة فاش شاف فالعميد وجهو ماتايبشرش بالخير
سمير : السلام بغيتيني فشي حاجة
حميد: ماتحتاجيش تغلضي صوتك اسارة ولا تمتلي راهم عارفين كولشي
سارة شافت فيه وهي مصدومة وقربات ليه وهضرات بصوتها العادي: نتاا لي قلتيها ليهم ياك
المعلم : انا كنت عارف من اول نهار شفتك فيه
سارة صدمها المعلم : كيفاش؟؟ ولكن..... مايمكنش. و.. وعلاش قبلتيني نكون مدرب عندك... و... و سيفطتيني لهنا؟؟
العميد: هادشيي لي كنستنى تانا جوابو... هاهو جا(حبس لهضرة وغمض عينيه وقال بعصبية) هااهيي جاات داباا يالاه قوليناا لاش توسطتي لياا لبنت هنا.
#يتبع
YOU ARE READING
امرأة متنكرة في عالم الرجال 🤠مكتملة🤠
Romance💎مكتملة💎 ❌حصرية على الواتباد ❌ . جبتلييكم قصة جدييدة محملة بافكااار مختلفة كل الاختلاف علي داكشي لي عهدتوو.. كنتمنى تعجبكم.. نخليكم مع التقديم💙🖤 تقديم القصة 😘 ذلك الشخص الذي لايعرف معنى كلمة احساس أو شعور ، لم يذق طعم السعادة ولا الحزن من قبل،...
