امرأة متنكرة في عالم الرجال 🤠مكتملة🤠

الجزء 27 🤠

امراة متنكرة في عالم الرجال 💪

الحزء 27

بقلمي hanane zh.

كنفيق على صوت لمنبه حدا راسها 4:30 صباح بغات تفيق بكري باش ياله طرف حالتها مشات ديريكت لحمام من بعد ماهزات دكشي لي خاصها من حوايج وأولويز ياله غتحل لباب تحل خارج منو ماسين لاوي عليه فوطة لتحت وصدرو عريان..
ماسين بتاسم: صبااحوو
لالة سمير تزنكات وكتحاول متسوقش فيه دخلات دغيا لحمام وعاد جوبات: صباحو!!
ماسين كيغوت من مورة لباب: داك مجعور ديال ياسين سبقنا قاليك من لي نفيقو نخلطو عليه
سمير: واخة صاحبي انا دغيا نسالي
سارة دغيا طرفات حالتها مكتبغيش دوش ملي تكون فيها حيت كتمرض سلات خرجات لقات ماسين لابس كيتسناها.
ماسين قرب لسمير وعنقو: أجي نقولك نتصاحبو انا وياك؟؟
سارة بحال خويتي عليها سطل مابارد نترات ليه يديه وخرجات فيه عينيها: شناواااا
ماسين شاف سمير تخلع ووجهو صفار طلقها بواحد ضحكة: هههه تكالما العشير تانا معنديش مع دراري، لي قصدت انا وياك نوليو عشران من نهار عاونيتيني وانا كنعتابرك صاحبي وخويا، لي عنيت هو نكونو ضهر لبعضياتنا انا ندافع علك ونتا دافع عليا..
بقات كتفكر فعلا فكرة مزيانة سيرتو انه مدرب ديالها قاليها متفرشش راسها: صافي مشات
ماسين رجع عنقو: وياله أصاحبي نضربو تصبين على قلبنا
سارة بتاسمات من عفوية ماسين طاحت فبالها صورتو بلفوطة ملوية عليه وهي تسوس راسها من هاد الأفكار ورجعات تركيزها على لهدف ديالها لي هو تتخرج من هاد لمدرسة، وصلو لفين غايصبنو كل واحد شد قنت من بعد ساعات ديال التصبين بزز لقات كيفاش تمشي تبدل اولويز وتقاد حالتها ملي رجعات كتلقا ماسين بارك فوق كرسي مكفض سروال سيرفيط تال فخاضو وشاد فراكة وكيصبن شداتها ضحكة.
ماسين هز عينو لقاها كتشوفيه بهاد لحالة وكضحك جاتو فكرة وهو يشوف فياسين وكينعت ليه يجي عندو وبدا يغني وهو تايحاول يلوز : حبيبي قرب بص وبص بص زعلان إزعل نص نص
سارة مقدراتش تحبسها تكرشخات بالضحك بصوتهااا شوية حساات براسها وبدات كتحاول دير ضحكة رجولية،

ياسين حدو شاف فيه ورجع قابل شغلو مابتاسمش بلعكس خنزر فسمير: غاتبقا دور نتا؟؟ مغنساليوش ليوما؟؟

سمير نخل ياسين مشافهش فيه كاع هو عرفو بدا كدير ليه نفس تصرفاتو معاه ملي ماكيجوبش ولا كيتفاداه، نفض راسو من افكار وشاف فسمير بمكر سالاو ومشاو يفطرو/يتغداو حيت ملي فاقو ماكالو والو اصلا ياله برك ماسين وحداه سمير حتى جا ريسبونصابل وقف لوسط كلشي صقل وكيتسناوه يهضر: كيما عارفين كل عام اول حاجة كنبداو بيها هي مسابقة البقاء للأقوى، هاد لمسابقة كدوم مدة تلت ايام نهار الأول غير لتدريبات بحكم معانا ناس جداد كل واحد مسؤول على مجموعة ديالو كيتريني بيهم مع مدرب ولا من غير مدرب كيبقا الإختيار ديال لمسؤول عليكم، فنفس نهار كتبدا مسابقة بليل كنحددو ليكم لمطلوب منكم ولي هو فأغلب الأحيان كتكون شي حاجة فملك كروب لمنافس ديالكم وخاصكم تشفروها ليهم قبل نهار ما يطلع وهادشي كامل كيتم برا لمؤسسة فمكان مخصص ولتدكير فقط لعقبات لي غايكونو قدامكم يقدر يكون تمن حياتكم الوغ خاصكم تخدمو بلعقل وتكونو team وتخدمو مع بعضياتكم، تنقيط كيخص مجموعات ماشي غير لفرض ملي غاتسالي لمسابقة لأولى كل كروب نجح فيها كيولي رصيدو 20 نقطة، أي مخالفة من أي عضو فلمجموعة غايتنقص ليكم خمسة نقط كل نهار غانعلنو على لمسابقة تالية وفآخر ليوم تالت أي مجموعة بمعدل قل من 30 نقطة غاتكون فمنطقة لخطر ويرو يطردو من لمؤسسة فأي لحضة
نهاركم مبروك.