သူမကချိုမြိန်ပြီးချစ်ဖို့ကောင်းလာတယ် [ဘာသာပြန်] Complete ✅

Chapter - 55.2 [Uni+Zawgyi]

Chapter - 55.2 {Extra 6}

ရှောင်ရွမ်းသည် ဖုန်းထဲတွင် စိတ်ပူနေခဲ့သည်။ “အစ်မ ချင်းချင်း မကောင်းတော့ဘူး။ ရှောင်ပိုင်ရဲ့ ပရိတ်သတ်အများအပြားက သတင်းစာရှင်းလင်းပွဲရဲ့ တံခါးဝကို ရောက်လာကြပြီး တံခါးကို ပိတ်ဆို့ထားကြပြီ။ သူတို့တွေမှာ မကောင်းတဲ့ ရည်ရွယ်ချက်တွေ ရှိနေတယ်လို့ ကျွန်မ အမြဲတမ်းလိုလို ခံစားရတယ်။”

ရှောင်ရွမ်းသည် မကြာသေးခင်ကမှ ဘွဲ့ရထားသူတစ်ဦးဖြစ်သည်။ ရှောင်ရွမ်းသည် လက်ထောက်တစ်ဦးအဖြစ် စတင်လျှောက်ထားတဲ့အခါ လင်ချင်းချင်းက ငြင်းဆိုခဲ့သည်။ သူမသည် အနက်ရောင်မျက်မှန်ကို ၀တ်ဆင်ထားပြီး ချစ်စရာကောင်းသော မိန်းကလေးတစ်ယောက်လို မျက်နှာထားရှိပြီး အမြဲသတိရှိပုံရသည်။ ပထမဆုံးအမြင်မှာတင် သူမသည် အတန်ငယ်အန္တရာယ်များသော ကြယ်ပွင့်ရဲ့လက်ထောက်အဖြစ်ဖြင့် အသက်မွေးဝမ်းကြောင်းလုပ်ပါက မသင့်တော်ကြောင်း ခံစားခဲ့ရသည်။

သို့သော် လင်ချင်းချင်းသည် ၎င်း၏အမြင်ကို ထုတ်ဖော်ပြသပြီး ယဉ်ကျေးစွာ ငြင်းဆိုပြီးနောက် သူမသည် ဘာမှမပြောပါဘဲ အင်္ကျီကိုချွတ်လိုက်လေသည်။ ထို့နောက် လင်ချင်းချင်းသည် သန်မာသောကြွက်သားများအား သူမ၏ပခုံးပေါ်ရှိနေသည်ကိုမြင်ပြီး အနည်းငယ်ထူထပ်သောလက်မောင်းကိုမြင်နောက် သူမ၏အမြင်များကို ချက်ချင်းငြင်းဆန်လိုက်ကာ ချက်ချင်းပင် သဘောတူလိုက်သည်။

ပိန်လှီသော ရှောင်ရွမ်းသည် သူမ၏အဝတ်အစားများကို ချွတ်ပြီးတဲ့နောက်တွင် အသားများစွာရှိလိမ့်မည်ဟု သူမမျှော်လင့်ထားခဲ့ပေ။ သူမကို လက်ခံလိုက်တာကြောင့် မိုချင်းယန်အတွက် ဘောဒီဂတ်တောင် ငှားစရာမလိုတော့ပေ။ သူမ ပိုက်ဆံ ဘယ်လောက်တောင် ချွေတာနိုင်သွားပြီလဲ။

သို့သော် ရှောင်ရွမ်း ၏ရှင်းပြချက်ကို နားထောင်ပြီးနောက် လင်းချင်းချင်းသည်လည်း ရှောင်ရွမ်း တစ်ယောက်တည်းနှင့် ရှောင်ပိုင်၏ ရူးသွပ်သောပရိသတ်များစွာကို ကိုင်တွယ်ဖြေရှင်း၍မရနိုင်ကြောင်း ကောင်းစွာသိပါသည်။ ရီဇီယန်ကို ဖုန်းဆက်ပြီး သူ့ဆီမှ သက်တော်စောင့်အချို့ ငှားလိုက်သည်။ ရီဇီယန်က သူမကို စကားတစ်ခွန်းမှပင် မပြောပါဘဲ အေးအေးဆေးဆေးပင် ပေးခဲ့သည်။