unicode
အပိုင်း (၉၀)
အမတ်ကြီးနှင့် အဆင်ပြေရမည်
နန်းယန် သည် အိပ်ရာအစွန်းတွင်ထိုင်ပြီး ပန်းထိုးနေသည်။
"မေမေ သမီးပိုက်ဆံအိတ်လုပ်နေတာ.. မောင်နှမတွေအကြား ရွှေတွေငွေတွေပေးတယ်ဆိုတာ အပေါစားဆန်လွန်းတယ် .. အစ်ကို ၂ ကို လေးစားကြောင်းပြဖို့ သမီးသူ့အတွက် အထူးတလည် ပိုက်ဆံအိတ်လုပ်ပေးရမယ်"
"သမီးရဲ့ အစ်ကို ၂ က အရင်နှစ်တွေကလည်း အပစ်ပယ်ခံထားရပြီး ဆယ်နှစ်ကျော်လောက် အခက်အခဲတွေဖြတ်သန်းခဲ့တာတဲ့ .. သမီးသူ့ကိုစိတ်ပါပါနဲ့ ဂရုစိုက်ပေးပြီး ဘယ်လောက်သဘောကောင်းသလဲဆိုတာ သူသိအောင်ပြထားရမယ် .. သမီးသာ သူ့ရင်ထဲမှာ နန်းပေါင်ရီ ထက်ပိုအရေးပါသွားရင် သမီးအိမ်ထောင်ရေးကိစ္စ ဘာမှပူစရာမလိုတော့ဘူး"
နန်းယန် ပို၍ပင်ပြုံးရွှင်လာသည်။
"သမီးကြိုးစားပါ့မယ်"
လျိုရှောင်မုံ့ ကရေသောက်ချင်လာသဖြင့်
"လက်ဖက်ရည်ယူခဲ့စမ်း "
ဟုန်းအာ က လက်ဖက်ရည်ပူပူတစ်ခွက်ယူလာပေးသည်။ သို့သော် သူမက ခွက်ကိုယူကြည့်ပြီးနောက် ချက်ချင်းပစ်ခွဲလိုက်ပြီးနောက် ဒေါသတကြီးနှင့် ...
"ငါမမြင်ဘူးထင်နေတယ်ပေါ့ .. လက်ဖက်ရည်ကို လက်ဖက်ရွက်လေး ၅ရွက်၆ရွက်ပဲထည့်ရလား .. ဘာလဲ ငါ့ကိုအထင်သေးတာလား"
ဟုန်းအာ လည်း အလန့်တကြား ဒူးထောက်လိုက်ပြီး ...
"ကိုယ်ဝန်ဆောင်မိခင်တွေ လက်ဖက်ရည်ပြင်းပြင်းမသောက်ရဖူးလို့ သမားတော်ကမှာသွားပါတယ် .. အဲဒါကြောင့် ..."
"အဆင့်မရှိတဲ့အိမ်ဖော် !"
လျိုရှောင်မုံ့ က ရှင်းပြသည်ကို နားမထောင်ဘဲ အိပ်ရာပေါ်မှထ၍ ဟုန်းအာ ကို ပါးရိုက်လိုက်ပြီး သူမ၏လက်ကိုလည်း အားနှင့်ဆွဲလိမ်ကာ နှုတ်မှလည်း ဆဲဆိုလိုက်သည်။
"နင်က သခင်ကြီးရဲ့အဆောင်တော်က အိမ်ဖော်လို့ငါကြားတယ် .. ဒါပေမယ့် သခင့်ကိုမြှူဆွယ်တာတွေပဲလုပ်နေတယ်တဲ့ .. ဒီညငါနင့်ကို သင်ခန်းစာကောင်းကောင်းပေးရမယ် .. သခင်မဖြစ်တဲ့ငါ ဘယ်လောက်တော်ကြောင်းပြပေးရတာပေါ့"
YOU ARE READING
အာဃာတပြန်တမ်း
Historical Fictionဘာသာပြန်သူ - Swae Nyoe Team ဇာတ်လမ်းအကျဉ်း နန်းပေါင်ရီ သည် ချမ်းသာကြွယ်ဝသောမိသားစုတွင် အလိုလိုက်ခံရကာ ကြီးပြင်းခဲ့သော်လည်း လူရွေးမှားလက်ထပ်ခဲ့မိပြီး သူမ၏မိသားစု ဖျက်ဆီးခံခဲ့ရသည်။ ပြန်လည်မွေးဖွားလာသည့်အချိန်တွင် အိမ်တော်ထဲမှ အဆင့်နိမ့်မွေးစားသားတစ်ယ...
