ထာဝရနဂါးတန်ခိုးရှင် ( လုမင် )
မူရင်း စာရေးဆရာ - Mu Tong Ting Zhu
ဘာသာပြန်သူ - ထာဝရ
အပိုင်း ( 686 ) တိုးတက်လာကြခြင်း
"ရှောင်ချင်း၊ ကျင့်ကြံတာမှာ ပြဿနာရှိနေတာလား"
လုမင်က ရှဲ့နျန်ချင်းနှင့် ဘေးချင်းယှဉ်ရပ်ကာ ပြောလိုက်သည်။
ပင်လယ်မှ ဖြတ်သန်းတိုက်ခတ်လာသောလေများကြောင့် ရှဲ့နျန်ချင်း၏ နက်မှောင်ရှည်လျားသော ဆံနွယ်များသည် အရိုင်းဆန်စွာ လူးလွန့်နေ၏။ ဤအခိုက်တွင် ရှဲ့နျန်ချင်းက နတ်ဘုရားမလေးတစ်ယောက်နှင့်ပင် တူနေသေးတော့သည်။
"ဘာဖြစ်တာမှန်း ငါလည်းမသိဘူး။ ငါ့ရဲ့ ဖျက်ဆီးခြင်းတာအိုနဲ့ လေတာအိုက ပေါင်းစပ်ဖို့ နည်းနည်းလေးပဲလိုတော့သလို ခံစားရပေမဲ့ အရမ်းခက်နေတယ်"
ရှဲ့နျန်ချင်းက ပြောလိုက်သည်။
"ဖျက်ဆီးခြင်းတာအိုက အားကောင်းလွန်းလို့ ဆန့်ကျင်မှုစွမ်းအားက ပိုသန်မာနေတာပဲလား"
လုမင် မှန်းဆကြည့်လိုက်သည်။
"အမှန်ပဲ"
ရှဲ့နျန်ချင်း ခေါင်းညိတ်လိုက်၏။
လုမင် မျှော်လင့်ထားသည့်အတိုင်းပင်။
ဖျက်ဆီးခြင်းတာအိုက အလွန်ကြောက်စရာကောင်းသော တာအိုတစ်ခုဖြစ်သည်။ ယင်းက အရာအားလုံးကို ဖျက်ဆီးနိုင်ကာ ရှဲ့ရှင်းချန်၏ ကြယ်တာအိုထက်ပင် ပို၍ အင်အားကြီးပေသည်။
လေတာအိုကတော့ အသုံးများသော တာအိုကိုးခုအနက်မှ တစ်ခုသာ ဖြစ်သည်။ ယင်းက ဖျက်ဆီးခြင်းတာအိုနှင့်ယှဉ်လျှင် ကွာဟမှုတစ်ခု ရှိနေခဲ့ချေသည်။
ထို့ကြောင့် ပေါင်းစည်းချင်လျှင် အလွန်ခက်ခဲသည်။
ယင်းက ဆင်းရဲသူနှင့် ချမ်းသာသူတို့ သူငယ်ချင်းဖြစ်ရန် ခက်ခဲသကဲ့သို့ပင်။
သို့ရာတွင် ချမ်းသာသူချင်း၊ သို့မဟုတ် ဆင်းရဲသူချင်းဆိုလျှင်တော့ အလွယ်တကူ သူငယ်ချင်းများ ဖြစ်လာနိုင်သည်။
ယခုလည်း ထိုကဲ့သို့သာ ဖြစ်သည်။ ချမ်းသာသူနှင့်တူသော ဖျက်ဆီးခြင်းတာအိုက သူဆင်းရဲနှင့်တူသော လေတာအိုကို ပေါင်းသင်းနိုင်ရန် ခက်ခဲသည်။ ယင်းက အဆင့်ကွာဟမှုပင် ဖြစ်ချေသည်။ ပုံစံအရ ဖျက်ဆီးခြင်းတာအိုက လေတာအိုကိုအထင်သေး၍ ပေါင်းစည်းရန် ငြင်းဆန်နေသည့်သဘောသာ ဖြစ်သည်။
YOU ARE READING
ထာ၀ရနဂါး တန်ခိုးရှင် ( လုမင် ) (Ch 1 - 985 ) Book 1
Adventureမူရင်းစာစဉ်အမည် - Everlasting Dragon Emperor (ထာဝရနဂါး တန်ခိုးရှင် ) အဓိကဇာတ်ကောင် - လုမင် အမျိုးအစား - ကျင့်ကြံခြင်း၊လှုပ်ရှားမှု၊စိတ်ကူးယဉ်၊ ရွှမ်ဟွမ် မူရင်း စာရေးဆရာ - Mu Tong Ting Zhu ဘာသာပြန်သူ - ထာဝရ လူငယ်လေးလုမင်ဟာ သွေးကြောလုယူခြင်းခံရပြီး အသ...
