ထာ၀ရနဂါး တန်ခိုးရှင် ( လုမင် ) (Ch 1 - 985 ) Book 1

716 - 720

ထာဝရနဂါးတန်ခိုးရှင် ( လုမင် )
မူရင်း စာရေးဆရာ - Mu Tong Ting Zhu
ဘာသာပြန်သူ      - ထာဝရ
အပိုင်း ( 716 ) ခက်ခဲသော စမ်းသပ်မှု။

တောင်ပေါ်သို့ ခြေချလိုက်သည်နှင့် ပတ်ဝန်းကျင်မြင်ကွင်းက ရုတ်တရက် ပြောင်းလဲသွားသည်။ လုမင်သည် စင်မြင့်တစ်ခုပေါ်တွင် ရပ်နေမိကြောင်း မြင်လိုက်ရ၏။ ​​စင်မြင့်အရှေ့မှာတော့ အပေါ်ကိုတက်သည့် ကျောက်လှေခါးတစ်ခုရှိပြီး ထိုအပေါ်ဆုံးတွင် စင်မြင့်တစ်ခု ထပ်ရှိပုံရသည်။

"အံ့သြစရာကောင်းတဲ့အစီရင်၊ ဘာသဲလွန်စတစ်ခုမှ မတွေ့ဘူး"
လုမင် အတော်ပင်အံ့ဩသွား၏။

သူ၏ လက်ရှိ ကမ္ပည်းအဆင့်ဖြင့် သဲလွန်စကိုရှာမတွေ့နိုင်သည်မှာ ဤကမ္ပည်းအစီရင်က အဆင့်ငါးထက် ကျော်လွန်နေ၍ ဖြစ်နိုင်သည်။ ၎င်းက အဆင့်ခြောက်ထက်ပင် ပိုမြင့်နိုင်လောက်၏။

"ကောင်လေး၊ ဒီကမ္ပည်းအစီရင်က မယုံနိုင်စရာပဲ။ အဲဒါကို အရမ်းအဆင့်မြင့်တဲ့ ကမ္ပည်းတွေနဲ့ သေချာစီစဉ်ထားတာ"
တန်တန်က လုမင်၏ ပခုံးပေါ်တွင်ထိုင်ကာ ဘယ်ညာ ကြည့်လိုက်သည်။

တန်တန့်ကို ထိုသို့ပြောလာစေရန်က မလွယ်ပေ။

"ဝမ်"
ထိုအချိန်တွင် အသက်သုံးဆယ်ကျော် ကြံ့ခိုင်သော လူတစ်ယောက်က လုမင်ရှေ့တွင် ရုတ်တရက် ပေါ်လာသည်။ ၎င်းက လူအစစ်နှင့်တူသော်လည်း သူ့မျက်နှာက အေးစက်နေကာ အသံက အေးစက်၏။
“မင်းငါ့ကို အနိုင်ယူနိုင်သရွေ့ ကျော်ဖြတ်နိုင်လိမ့်မယ်။ နောက်တစ်ဆင့်ကို သွားရမယ်"

"ရွှမ်"
ဓားဆွဲထုတ်သံနှင့်အတူ လူကြီးလက်ထဲတွင် ဓားတစ်လက် ထွက်ပေါ်လာပြီး  တေးဆိုသံ ထွက်ပေါ်လာပြီး လုမင်ထံသို့ ခုတ်ပိုင်းချလိုက်သည်။

"အထွတ်အထိပ်ဘုရင်"
လုမင်၏ မျက်နှာအမူအရာ ပြောင်းသွားခဲ့ရသည်။ ၎င်းမှာ အထွတ်အထိပ်ဘုရင် သူ၏ကျင့်ကြံခြင်းအခြေခံနှင့် တူညီနေကြောင်း ထင်ရှား၏။

သို့ရာတွင် အဆင့်တူလူတစ်ယောက်ကို လုမင်က ချက်ချင်းသတ်ပစ်နိုင်သည်။

လက်သီးတစ်ချက် ထုတ်ဖော်လိုက်ပြီး ထိုလက်သီးသည် လူရိပ်ကို တစ်စစီ ပေါက်ကွဲသွားစေခဲ့၏။