ထာ၀ရနဂါး တန်ခိုးရှင် ( လုမင် ) (Ch 1 - 985 ) Book 1

976 - 980

ထာဝရနဂါးတန်ခိုးရှင် ( လုမင် )
မူရင်း စာရေးဆရာ - Mu Tong Ting Zhu၊ 牧童听竹
ဘာသာပြန်သူ      - ထာဝရ
အပိုင်း ( 976 ) နံပါတ်တစ်။

ဤအခါမှ လုမင်ဟာ သိုင်းတာအိုသာမကဘဲ ကမ္ပည်းကိုလည်း လေ့ကျင့်ထားကြောင်း သတိရသွားသည်။

"နတ်ဧကရာဇ်၊ အခုရှုံးနိမ့်ရမဲ့သူက မင်းပဲ"
လုမင် ဟိန်းဟောက်လိုက်၏။ သူက ရှေ့သို့ ခြေတစ်လှမ်းတိုးကာ နတ်ဧကရာဇ်ကို ပြင်းပြင်းထန်ထန် စတင်တိုက်ခိုက်လိုက်တော့သည်။

တစ်ချိန်တည်းမှာပင်၊ တိုက်ပွဲစင်မြင့်ပေါ်ရှိ ကမ္ပည်းများက လွန်စွာ တောက်ပလာခဲ့သည်။ လှံရှည်များသည် ကြောက်မက်ဖွယ်ကောင်းသော အငွေ့အသက်များဖြင့် နတ်ဧကရာဇ်ထံ ထိုးဖောက်ဝင်ရောက်သွား၏။

နတ်ဧကရာဇ်နှင့် တိုက်ခိုက်ရဲရင်းမို့ လုမင်ဟာ ကမ္ပည်းထိုးခြင်းကို အာရုံမစိုက်နိုင်သော်လည်း မီနစ်နှစ်ဆယ်ကျော်ကြာ ကြိုးစား အားထုတ်ခဲ့ရခြင်း ဖြစ်သည်။ သို့ဖြစ်ပေရာ ဘယ်လိုလုပ်ပြီး အားနည်းပါမည်နည်း။

ထို့အပြင် အရန်ကမ္ပည် အမျိုးမျိုးကိုလည်း ရေးထိုးထား၍ လုမင်၏ တိုက်ခိုက်နိုင်စွမ်းမှာ အလွန်တိုးတက်ခဲ့ရသည်။

နတ်ဧကရာဇ်၏ မျက်နှာက သုန်မှုန်သွားခဲ့သည်။ သူက ဓားချက်များ ထုတ်ဖော်ကာ လှံအလင်းများနှင့် ရင်ဆိုင်လိုက်၏။

"ဝှစ်"
လုမင်က ရှေ့သို့တိုးကာ နတ်ဧကရာဇ်၏ဓားကို လက်ဝါးဖြင့် ရိုက်ချလိုက်သည်။ နတ်ဧကရာဇ်၏ခန္ဓာက တုန်ခါသွားပြီး နောက်ပြန်ဆုတ်သွားရသည်။

ထို့နောက် လုမင်က ရှေ့သို့လှမ်းကာ ဆက်လက် တိုက်ခိုက်လိုက်၏။ တစ်ချိန်တည်းမှာပင် ဝင်္ကပါက တောက်ပလာပြီး လှံအလင်းများအဖြစ် ဖွဲ့စည်းလာကာ နတ်ဧကရာဇ်ကို တိုက်ခိုက်တော့သည်။

နတ်ဧကရာဇ်လည်း အပြင်းအထန်ခုခံရင်း ဆက်လက်ဆုတ်ခွာသွားခဲ့ရသည်။

သူက မတူညီသော တာအိုသုံးခုကို ထုတ်လွှတ်ခဲ့ပြီး သူ၏ တိုက်ခိုက်နိုင်စွမ်းကလည်း သန်မာသည့်တိုင် လုမင်နှင့် မယှဉ်နိုင်သေးပေ။

အရေးအကြီးဆုံးမှာ၊ သူ၏ ဟင်းလင်းပြင်တာအိုက အဆင့်သုံး ပြီးပြည့်စုံမှု‌တွင် ရှိနေဆဲဖြစ်၍ အဆင့်လေးသို့ရောက်နေသော အခြားတာအိုနှစ်ခုနှင့် ပြီးပြည့်စုံစွာ မပေါင်းစည်းနိုင်ပေ။ ထို့ကြောင့် သူ၏ တာအိုစွမ်းအားကို အပြည့်အဝ ထုတ်မပြနိုင်သေးပါချေ။