လူသားသစ္စာ (Immortal Mortal Translation) (U) (1-200)

အခန်း (၁၃)

လူသားသစ္စာ

အခန်း (၁၃) : မိုဝူကျီ၏ စိုးရိမ်မှုများ

ပင်နီဆလင်စတင်ထုတ်လုပ်သည်မှစ၍ မိုဝူကျီသည် ဒန်းဟန်ဆေးလုပ်ငန်းတွင် အမြဲရှိနေသည်။ ပင်နီဆလင် ထုတ်လုပ်သည့် ကိစ္စသည် သူ့အတွက် အရမ်းလွယ်ကူလွန်း၏။ တချို့သော တက္ကသိုလ်များတွင် ဤခေါင်းစဉ်ကို သူတို့၏ နောက်ဆုံးစာမေးပွဲတွင် မေးလေ့ရှိကြသည်။ ထို့အပြင် ချင်ယွီပြည်နယ်၏ နည်းပညာသည် လက်ခံလို့ရသည့် အနေအထားရှိပြီး လိုအပ်သည့် စက်ကိရိယာများလည်း ရရှိနိုင်၍ ရည်ရွယ်ထားသကဲ့သို့ ဖြစ်ရန် အနည်းငယ် ပြုပြင်မွမ်းမံရန်သာ လိုအပ်၏။

မိုဝူကျီအတွက် တစ်ခုတည်းသော ခက်ခဲမှုသည် ပင်နီဆလင်ကို ကြွက်သားနှင့် သွေးကြောများကို ထိုးသွင်းရာမှ သင့်တော်သည့် သုံးစွဲမှုရရှိရန် ပြောင်းလဲသည့် ကိစ္စရပ်ဖြစ်၏။ ထိုးသွင်းခြင်းကဲ့သို့ ပင်နီဆလင် စီမံမှုသည် အရမ်းအနှောင့်အယှက်ဖြစ်ရပြီး ထိုးသွင်းပြီးနောက် အကျိုးဆက်များသည်လည်း ဖြစ်နိုင်ချေရှိလေ၏။

ပင်နီဆလင်အား သောက်သုံးနိုင်ရန် စီမံမှုသည် အမောက်စလင်၊ အမ်ပီစလင်၊ ပိုတက်ဆီယမ် ကလိုရိုဒ်ဆေးပြားများနှင့် ဆင်တူလှပြီး သူ မထုတ်လုပ်နိုင်သည့် အရာမဟုတ်ပေ။ သို့သော် နှစ်လတာသည် သူ့အတွက် ထိုထုတ်လုပ်မှုအောင်မြင်ရန် အလွန်တိုတောင်းသော အချိန်ဖြစ်၏။

အကယ်၍ ပင်နီဆလင်ကို ထိုးသွင်းရာမှာ အသုံးပြုခဲ့မယ်ဆိုလျှင် ဆေး၏ ၉၉.၉ ရာခိုင်နှုန်းကို အစာအိမ်ထဲရှိ အက်ဆစ်က ဖျက်စီးပစ်လိမ့်မည်။ တစ်ခုမှ အခြားတစ်ခုသို့ ီး ပင်နီဆလင် ကူးပြောင်းသည့် ဖြစ်စဉ်သည် တစ်ခြားတစ်ယောက်အတွက် ခက်ခဲပုံပေါ်ပေမဲ့လည်း မိုဝူကျီအတွက် အသာအယာလေးဖြစ်၏။ ကမ္ဘာမြေပေါ်တွင် သူသည် ဆေးဝါးသုတေသနတွင် ထိပ်ဆုံးထိ ရောက်ရှိခဲ့သူဖြစ်သည်။ သူသည် ပင်နီဆလင်ကို သောက်ဆေးအဖြစ်ပြောင်းလဲပြီး အာနိသင် အလုံးစုံမပျောက်ပျက်ရန် အာမခံနိုင်သော်လည်း အနည်းဆုံး ၃၀ရာခိုင်နှုန်း မှ ၄၀ရာခိုင်နှုန်းအထိ လုပ်ဆောင်ပေးနိုင်သည်။