2016 ခုနှစ် အထက်တန်းစာမေးပွဲကြီးပြီးသွားသည်နှင့်အတူ နှစ်ကြိမ်နှစ်ခါတိတိ ဒလဟောရွာချလာသည့်မိုးရေစက်များမှာ ဦးခေါင်းအထက်နှင့်မျက်နှာပေါ်သို့ ဆင်းသက်လျက်ရှိသည်။ သို့သော် 'ချင့်ယီ'မြို့မှာမူ မီးတောက်သဖွယ် ပူပြင်းလျက်သာရှိနေပြီး အပူရှိန်ပျောက်ကွယ်သွားဖို့ရာမှာလည်း မျှော်လင့်ချက်သိပ်မရှိလှ။
'ရွေ့ကျွင်း'အထက်တန်းကျောင်း၏ အထက်တန်းတတိယနှစ် စာသင်ဆောင်ဘက်တွင် ယခင်က တစ်ခါမှမတွေ့မမြင်ဖူးရဖူးသည့်စည်ကားခြင်းမျိုးဖြင့်သိုက်မြိုက်နေလေပြီး လူတိုင်းမှာ စက္ကူစာရွက်များအား အဆောင်အောက်ဘက်ရှိ ဂျူနီယာညီလေးညီမလေးများထံသို့ လွှင့်ကျဲချပေးနေသည့်မြင်ကွင်း ၊ အချို့မှာ အမျိုးသမီးဆရာမလေးများကို ပြောင်ပြောင်တင်းတင်းပင် လေချွန်ပြသည့်မြင်ကွင်း ၊ သည့်ထက်အပြင် မထုံတတ်သေးအမူအကျင့်မျိုးများ ပြုလုပ်နေခြင်း ၊ အချို့မှာတော့ ကော်ရစ်တာကြမ်းပြင်နှင့်ဂျင်လုံးပစ်ပေါက်သည့် ကစားနည်းမျိုးပါ ကစားနေကြသေး၏။
"အသက်ကဖြင့် ဘယ်လောက်ရှိနေပြီလဲ....ဒါမျိုးတွေကစားနေတုန်း"
'ချွီယိဟွား'မှ ကော်ရစ်တာအတိုင်းဖြတ်လျှောက်သွားသည့်အခိုက်တွင် စကားတစ်ခွန်းကိုရောက်တတ်ရာရာပစ်လွှတ်လိုက်ပြီး အတန်းသားတစ်ဦး၏လက်အားဆွဲကာ အထက်တန်းတတိယနှစ်၏ တန်းခွဲ(၈) ဆီသို့ ခြေလှမ်းကျဲကျဲဖြင့် သွက်သွက်လျှောက်လာလိုက်သည်။ အတန်းတံခါးဝသို့ရောက်သည်နှင့် အနှီယောက်ျားလေး၏ကျောပြင်အားပုတ်ကာ စကားဆိုလိုက်သည်။
"သွား...'ရွှီကျစ်'ကို သွားခေါ်လာခဲ့"
'ချွီယိဟွား'မှာ တန်းခွဲ(၈)၏အတန်းပိုင်ဆရာဖြစ်ပြီး 'ကျန်းမေမေ၏စစ်မှုထမ်းဟောင်း'ဇာတ်ထဲမှ 'ကျန်းဖေး'နှင့်ပင် ဆင်တူသလိုလိုရှိသည်။
စာသင်ခန်းထဲတွင် မိန်းကလေးတို့၏အားကြိုးမာန်တက်စကားသံများမှာ တက္ကိဗေဒဖြင့် သိပ္ပံလောကကို အနိုင်ပိုင်းပစ်တော့မည့်အလား အဆောင်အဦးကြီးပွင့်ထွက်မတတ် ကျွတ်ကျွတ်ညံနေ၏။
YOU ARE READING
Lets Fall In Love [ ဘာသာပြန် ]
Romanceလမင်းကြီးဝိုင်းသည်ဖြစ်စေ မဝိုင်းတော့ဘူးဖြစ်စေ ဘာဟာကမှ အရေးမကြီးဘူး ကိုယ်တစ်ယောက်လုံး မင်းဘေးနားမှာရှိနေပေးမယ်~~~~