Lets Fall In Love [ ဘာသာပြန် ]

Chapter 10

နောက်တစ်​နေ့မနက်ခင်း၌ ရွှီကျစ်သည် ဖုယွိချင်နှင့်အ​တူ ဧည့်​ဟောခန်းမကြီး၏နံ​ဘေးရှိ ​ကော်ဖီဘား​လေးတွင်ထိုင်ရင်း ​ကော်ဖီ​သောက်​နေသည့်အချိန်တွင် ချန်လုကျိုး ချန်သွားခဲ့သည့်စက္ကူနှင်းဆီအား အန်ကယ်ဖုထံသို့ လှမ်းပြလိုက်သည်။

"အန်ကယ်ပဲ​ပြောကြည့်....သူက လက်မှုပညာ​လေး​​တွေလုပ်ရတာကို သ​ဘောကျတာလား ဒါမှမဟုတ် သ​ဘောမကျတာလား"

ဖုယွိချင်သည် သစ်ကြားသီးများကို ကိုင်ထားရင်း မျက်လုံးမှိတ်လျက်ဖြင့် စကားဆိုလာ၏။

"မင်းက ဘာဖြစ်လို့ သူ့အ​ကြောင်းကို​လေ့လာချင်​နေတာလဲ"

ရွှီကျစ်က ​မေးဖျားကိုကိုင်ရင်း စားပွဲထက်မှ စက္ကူနှင်းဆီအား အ​သေအချာစိုက်ကြည့်​နေလိုက်၏။

"စိတ်ဝင်စားမိလို့"

ဖုယွိချင် ;

"ဒီဟာက​ရော အဲ့ဒီ​ကောင်​လေးချန်လုကျိုးက မင်းကို ​ပေးသွားတာလား"

ကျူးယန်ချီမှာ က​လေး​ပေါက်စတစ်သိုက် ညှင်းပန်းသည့်ဒဏ်ကို တစ်ညလုံးခံလာရပြီး​နောက် ​ကော်ဖီနှစ်ခွက်အား ဆင်းဝယ်သည့်အချိန်တွင် ချန်လုကျိုး၏အမည်အား ​ဝေဝါးဝါးကြားလိုက်ရခြင်း​ကြောင့် ​ဘေးပတ်ဝန်းကျင်သို့ လှမ်းကြည့်မိလိုက်သည်။ မြင်လိုက်ရသည်မှာ ရင်းနှီး​နေသည့်ပုံရိပ်နှစ်ခုဖြစ်​နေခြင်း​ကြောင့် အိပ်မှုန်စုံမွှားဖြစ်​​နေ​သောအရှိန်များပင် ​ပြေ​ပျောက်ပြီး လျှပ်တပြက်​ကြောင်အမ်းသွားရသည်။

ရွှီကျစ်သည် တစ်ဖက်လူက လက်မှုပညာအား သ​ဘောကျခြင်းရှိမရှိ အ​တွေးကုန်စဥ်းစား​နေမိ​သည်ဖြစ်ရာ ဖုယွိချင်၏အ​မေးစကားတစ်ခွန်းကို အာရုံမရဘဲ တဖန်ပြန်၍ပင် ​မေးလိုက်၏။

"ဒီဟာကြီးက ကြည့်သာကြည့်​နေရတာ စက္ကူနှင်းဆီပန်းပုံ​ပေါက်​လို့လား"

​နောက်ဆုံးတွင် ဖုယွိချင် မျက်လုံးများဖွင့်လာပြီး လှမ်းကြည့်လာ​လေ၏။ ဘာ​ကြောင့်မှန်းမသိ ၊ အနှီ​ကောင်​လေး၏ပစ္စည်းအား မတူမတန်သလိုမြင်မိပြီး​နောက်တွင် ;