လက်ရှိအခိုက်အတန့်၌ ချန်လုကျိုး ခေါင်းထဲပြေးဝင်လာခဲ့သည့်တစ်ခုတည်းသောအတွေးမှာ အကယ်၍ ရွှီကျစ်ကသာ နောက်တစ်ကြိမ်ထပ်တောင်းဆိုလာခဲ့လျှင် သူ အမှန်တကယ်သဘောတူပေးလိုက်တော့မည်ကိုပေ။ သို့သော်ငြား နောက်တစ်စက္ကန့်အကြာတွင်တော့ ရွှီကွမ်းကျိ၏ရိုးရိုးရှင်းရှင်းမျက်နှာတစ်ခုက ဦးနှောက်ထဲပေါ်လာခဲ့လေရာ ရုတ်တရက်အလင်းပေးခံလိုက်ရသည့်အလား နိုးနိုးကြားကြားဖြစ်သွားရသည်။ ထိုအခါတွင်မှ ဒေါက်တာရွှီထံသို့ စစ်ဆေးမှုသွားမခံယူဖြစ်သည်မှာလည်း အချိန်တစ်ခုကြာသွားဖြစ်ကြောင်း သတိရလိုက်သည်။
"ဒီလိုအတွေးမျိုးရှိမှန်းကြိုသိထားခဲ့ရင် ငါ မင်းကို ပေးတောင်ပေးမနမ်းဘူး"
ချန်လုကျိုးသည် တံခါးနောက်သို့မှီထားရင်းက အေးတိအေးစက်ငုံ့ကြည့်၍ ;
"မင်းခန္ဓာကိုယ်တစ်ခုလုံးပေါ်မှာ 'အလွန်အကျွံ'ဆိုတဲ့စကားလုံးက ထင်းထင်းကြီးရောင်ပြန်ဟပ်နေတယ်"
ရွှီကျစ်က ချက်ချင်းခေါင်းမော့ပြီး ချန်လုကျိုး၏မေးဖျားအား ဖျက်ခနဲတစ်ချက်နမ်းကာ ရန်စသလိုကြည့်ရင်းက နှုတ်ခမ်းပေါ်ထိပါတိုး၍ တစ်ချက်ထပ်နမ်းလိုက်သည်။
"ဟုတ်လား ၊ နင်က အောင့်အည်းနိုင်တယ်ပေါ့ ၊ ချန်လုကျိုး.....နင် ငါ့အပေါ်မှာခံစားချက်ရှိနေတာကို ငါ မသိတာလည်းမဟုတ်ဘဲနဲ့....."
တကယ်တမ်း၌ နှစ်ယောက်သားကြားတွင်ရှိသော ရင်ခုန်စေလောက်သည့်ဆွဲဆောင်သိမ်းသွင်းမှုများအား အနည်းအများကိုယ်စီခံစားမိခဲ့ကြသည်ဖြစ်ရာ အဘယ်သို့များ ခံစားချက်တို့မဖြစ်တည်ဘဲနေပါ့မည်။ အမှန်တိုင်းဆိုရပါလျှင် နှစ်ယောက်သား၏ဆက်ဆံရေးထဲတွင် ခံစားချက်များမှလွဲ အခြားဘာဆိုဘာမှမပါဝင်။ ထို့အပြင် အနာဂတ်အတွက်လည်းမသေချာ ၊ တည်ငြိမ်မှုလည်းမရှိသေးသည့်အသက်အရွယ်တွင် တွေ့ဆုံကြရခြင်းဖြစ်သည့်အတွက် ဤခံစားချက်တစ်ခုဟာ တစ်ဦးတစ်ဖက်စီ၏အနာဂတ်ကို ဟန့်တားစေနေမည့်ဝန်ထုပ်ဝန်ပိုးတစ်ခုလိုဖြစ်နေခြင်းရှိမရှိကိုလည်း မသိနိုင်ခဲ့ကြ၏။ ထို့နည်းတူစွာ အလောင်းအစားလည်း မလုပ်ရဲကြည့်ပေ။
YOU ARE READING
Lets Fall In Love [ ဘာသာပြန် ]
Romanceလမင်းကြီးဝိုင်းသည်ဖြစ်စေ မဝိုင်းတော့ဘူးဖြစ်စေ ဘာဟာကမှ အရေးမကြီးဘူး ကိုယ်တစ်ယောက်လုံး မင်းဘေးနားမှာရှိနေပေးမယ်~~~~