ကျူးယန်ချီ ငှားရမ်းထားသည့်အိမ်ခန်းဆီသို့ ချန်လုကျိုး ပြန်ရောက်လာသည့်အချိန်တွင် အနှီလူတစ်စုဟာ အငွေ့တထောင်းထောင်းနှင့်ဟော့ပေါ့စားနေကြရင်း တံခါးဖွင့်သံကြားလိုက်ရသောကြောင့်လည်း အချင်းချင်းလှမ်းကြည့်ကုန်ကြတော့၏။ ညသန်းခေါင်အချိန်ကြီး မည်သူများရောက်လာလေပါ့။ မြင်နေတွေ့နေကျလူတစ်ယောက် အိမ်ထဲဝင်လာမှန်းတွေ့လိုက်ရသည့်အခါတွင်တော့ တူကိုင်ထားသည့်လက်များသည်ပင် လေထဲတွင်တန့်ကုန်ကြ၍ ;
"မင်း လေယာဥ်ချိန်မမီလိုက်တာလား"
ဝမ်ယွဲ့နှင့်လီခယ်တို့ပါရောက်နေကြပြီး ချန်လုကျိုးက Mask ကိုချွတ်၍ အမှိုက်ပုံးထဲထည့် ၊ အပေါ်ထပ်ကုတ်အင်္ကျီကိုလည်းချွတ်ကာ ဆိုဖာပေါ်လှမ်းပစ်တင်လိုက်သည်။ အိမ်ထဲဝင်၍လက်ဆေးပြီးသည်နှင့် လက်တော့ပ်ကိုဖွင့်လိုက်ရင်း ;
"လုပ်ငန်းစရအောင် ၊ ပြိုင်ပွဲကိစ္စတွေအားလုံး အရင်အပြီးသတ်ပြီးတာနဲ့ ငါ သူ့ဆီစောစောပြန်မှာမလို့"
ဝမ်ယွဲ့က အမဲသားတစ်တုံးအား နောက်ဆုံးပိတ်ပါးစပ်ထဲထည့်လိုက်ပြီး ဝါးတူကိုချကာ လက်တော့ပ်ပြေးယူတော့၏။ ပါးစပ်ထဲ၌လည်း တမြုံ့မြုံ့ဝါးရင်းနှင့် ဝူးဝါးဝါးစကားဆိုလာခဲ့သည်။
"စမယ် စမယ် ၊ ခုဏတုန်းက ပိုင်လောင်ရှစ် ပို့ပေးလာတဲ့ပြုပြင်မွမ်းမံစရာအချက်တွေကို မင်းတို့ဆီ ပြန်ပို့မလို့လုပ်နေတာနဲ့အတော်ပဲ ၊ အမေရိကပြိုင်ပွဲဆိုပေမယ့် ပြိုင်ပွဲဝင်တော်တော်များများ တရုတ်နိုင်ငံသားတွေများတာမလို့ စာရင်းသွင်းထားကြတဲ့အသင်း 95 ရာခိုင်နှုန်းက တရုတ်နိုင်ငံ နာမည်ကြီးတက္ကသိုလ်ကကျောင်းသားတွေချည်းပဲ ၊ အဲ့တော့ အသင်းတိုင်းရဲ့တွေးခေါ်ယူဆပုံတွေက တူကောင်းတူနေနိုင်တာကြောင့် ငါတို့ရဲ့ အခြေခံယူဆပုံအများစုကို အသစ်ပြင်ဖို့လိုတယ်"
ချန်လုကျိုးက ထိုင်ခုံနောက်မှီထိုင်ရင်း တစ်ခဏကြာကြာတွေးပြီးတော့မှ ;
"ယူဆပုံကိုအသစ်ပြောင်းမယ်ဆိုရင် လွယ်လွယ်လေးနဲ့အမှားဖြစ်သွားနိုင်တယ် ၊ အရင်နှစ်တုန်းက O အဆင့်ဒိုင်းဆုကိုရသွားတဲ့စာတမ်းက အရမ်းကိုစိတ်ကျေနပ်စရာကောင်းခဲ့တယ်မလား ၊ 'လက်ဗွေရာစနစ်'အကြောင်းကိုရေးတဲ့စာတမ်းလေ ၊ ခေါင်းစဥ်ရွေးမယ့်ကိစ္စကို နောက်မှစဥ်းစားရအောင်ကွာ ၊ အခုလောလောဆယ် ပိုင်လောင်ရှစ်ပို့ပေးထားတဲ့မေးခွန်းပြဿနာတွေကို အရင်ပြင်ရအောင်"
YOU ARE READING
Lets Fall In Love [ ဘာသာပြန် ]
Romanceလမင်းကြီးဝိုင်းသည်ဖြစ်စေ မဝိုင်းတော့ဘူးဖြစ်စေ ဘာဟာကမှ အရေးမကြီးဘူး ကိုယ်တစ်ယောက်လုံး မင်းဘေးနားမှာရှိနေပေးမယ်~~~~