'ဖုယွိ'စံအိမ်၏တောင်ဆင်းလမ်းတစ်လျှောက်လုံးသည် ကွေ့ကောက်နေသည့်တောင်ပတ်လမ်းသွယ်တစ်ခုဖြစ်ပြီး ကားပြတင်းပေါက်မှတဆင့်လည်း အပြင်ဘက်ရှိ ခပ်မတ်မတ်တောင်ကမ်းပါးကြမ်းကြီးများအပြင် တောင်ကမ်းပါးယံတို့ထက်၌ တွယ်ကပ်ပေါက်ရောက်နေကြသည့်ထင်းရှူးပင်အလှများအား ရှုမျှော်ခံစားနိုင်သေးသည်။ ချန်လုကျိုးသည် လမ်းတစ်လျှောက်လုံး တိတ်ဆိတ်၍သာ ကားမောင်းနေခဲ့ပြီး စကားတစ်ခွန်းမှမဆိုချေ။ ရွှီကျစ်သည်တော့ စကားစမြည်ပြောဖို့ရာ အကြိမ်ကြိမ်ကြိုးစားကြည့်ပါသော်လည်း တစ်ဖက်လူ၏အေးစက်နေသည့်အမူအရာတို့ကြောင့် ကျရှုံးမြဲကျရှုံးနေလေတော့သည်။
ကိတ်မုန့်လေးတစ်စိတ် : [ နင် ဘယ်လိုဖြစ်ပြီးတော့ ဖဲကစားဖို့အားနေနိုင်သေးတာလဲ ၊ အစ်ကိုချောလေးနဲ့ Wechat add ပြီးပြီလား ]
ဇီဇဝါပန်းလေး မပွင့်ချင်ပါ : [ သူ ကားမောင်းနေတာ ၊ ငါ့ကို အရေးတောင်မလုပ်ဘူး ]
ကိတ်မုန့်လေးတစ်စိတ် : [ နင့်ဘက်က တိုက်ရိုက်ပြောလိုက်လေဟာ ၊ ဘာတွေစဥ်းစားနေသေးတာတုန်း ၊ ဘေးမှာထိုင်နေတာက အမိုက်စားအစ်ကိုချောလေး ချန်လုကျိုးနော် ၊ အဲ့ဒါကို ငါနဲ့ အလာပသလာပပြောချင်တဲ့စိတ်မျိုးကရှိနေတုန်းလား! ! ! ]
ဇီဇဝါပန်းလေး မပွင့်ချင်ပါ : [ ဒါဆိုလည်း နင် စဥ်းစားပေးကြည့် ၊ ငါ ဘယ်လိုလုပ်မှ သူ့မေမေနဲ့တွေ့ဖို့ ငါ့ကိုခေါ်သွားပေးမယ်လို့ထင်လဲ ]
ကိတ်မုန့်လေးတစ်စိတ် : [ အုပ်ထိန်းသူနဲ့လိုက်တွေ့ချင်တာများ သူ့ကောင်မလေး ဖြစ်အောင်လုပ်လိုက်ပေါ့ ၊ အဲ့ဒီအခါကျ သူ့မေမေနဲ့ မတွေ့လို့မဖြစ်တော့ဘူး ]
ဇီဇဝါပန်းလေး မပွင့်ချင်ပါ : [ တကယ်လို့ သူ့မှာကောင်မလေးရှိနေရင်ရော ]
ကိတ်မုန့်လေးတစ်စိတ် : [ ဒါများ သူ့ဖေဖေရဲ့ကောင်မလေးဖြစ်အောင် လုပ်လိုက်လေ ၊ အဲ့ဒီအခါကျ သူ့မေမေကတောင် နင့်ဆီ အရင်ရောက်လာဦးမယ် ]
ဇီဇဝါပန်းလေး မပွင့်ချင်ပါ : [ .......အဲ့လိုကြီးကျတော့ မဟုတ်သေးဘူးလေ ၊ နည်းလမ်းကောင်းမဟုတ်သေးဘူး ]
YOU ARE READING
Lets Fall In Love [ ဘာသာပြန် ]
Romanceလမင်းကြီးဝိုင်းသည်ဖြစ်စေ မဝိုင်းတော့ဘူးဖြစ်စေ ဘာဟာကမှ အရေးမကြီးဘူး ကိုယ်တစ်ယောက်လုံး မင်းဘေးနားမှာရှိနေပေးမယ်~~~~