Lets Fall In Love [ ဘာသာပြန် ]

Chapter 74

ရွှီကုန်းကျုတစ်​ယောက်မှာ ရွှီကျစ်​ကြောင့်ဖြင့် အိပ်ရာ​ပေါ်မှအိပ်မှုန်စုံမွှားဆင်းလာရပြီး ကုတင်​လှေကားလက်ရန်းကိုထိန်းကိုင်ရင်း ရွှီကျစ်ထံသို့ စကားဆိုလိုက်သည်။

"အခုလက်ရှိ ငါ့ဦး​နှောက်ထဲမှာ ပုံကြမ်းဆရာမရဲ့စကား​လုံးတွေချည်း​ပဲ ၊ မင်းရဲ့အလျားလိုက်မျဥ်း​ကြောင်း​တွေက ကြည့်လိုက်ရင် စိတ်တည်ငြိမ်တဲ့ခံစားချက်​ပေးနိုင်ရမယ် ၊ ​ဒေါင်လိုက်မျဥ်း​ကြောင်း​တွေက ​ဖြောင့်တန်း​နေရမယ် ၊ အဝိုက်အ​ကွေ့​မျဥ်း​တွေက ကျက်သ​ရေရှိ​နေရမယ် ၊ မ​နေ့ညတုန်းကဆိုရင် ငါ့အိမ်စာပုံကြမ်းကို အဲ့ဒီဆရာမ မှတ်ချက်​ပေး​နေတဲ့အ​ကြောင်း​တွေပါ အိပ်မက်ထဲထည့်မက်​ကုန်ပြီ ၊ ဘာတဲ့.....'မင်း ပုံဆွဲထားတာအရမ်း​ကောင်းလို့ ​နောက်တစ်ခါထပ်မဆွဲနဲ့​တော့'တဲ့ ၊ မရ​တော့ဘူး မရ​တော့ဘူး.....​နောက်နှစ်ကျရင် ငါ ​မေဂျာ​ပြောင်းမယ် ၊ ညတိုင်းအိပ်​ရေးပျက်​နေ​ရတဲ့ဒဏ်​တွေကို မခံစားနိုင်​တော့ဘူး"

လက်ကိုင်ဖုန်းထဲသို့မက်​ဆေ့တစ်​ကြောင်းဝင်လာခဲ့ပါ​သော်ငြား ချန်လုကျိုး ပို့လာခြင်းမဟုတ်။

ရွှီကျစ်မှာ လက်ကိုင်ဖုန်းကိုဖွင့်ကြည့်ရင်း သက်ပြင်းချလိုက်မိ၏။

ရွှီကုန်းကျုသည် ကုတင်​အောက်​ရောက်သည်နှင့် အိမ်​နေရင်းဖိနပ်အပါးကိုစီးလိုက်ပြီး ;

"ဘာဖြစ်တာတုန်း ၊ အ​ချောဆုံးအစ်ကိုချန်နဲ့စကားများထားလို့လား"

"မဟုတ်ပါဘူး"

ရွှီကျစ်မှာ ညအိပ်ဝတ်စုံကိုဝတ်ထားပြီး ​ခေါင်း​ပေါ်တွင်လည်း ယုန်နားရွက်ဘီးကုတ်​လေးတစ်ခု ၊ မျက်နှာတစ်ခုလုံးက ​ပြောင်ရှင်းရှင်းသာဖြစ်​နေပြီး မျက်လုံးဝိုင်း​လေးများနှင့် ရွှီကုန်းကျုထံသို့ ​နောက်လှည့်ကြည့်လာခဲ့သည်။ တံ​တောင်ဆစ်တစ်ဖက်ကို​တော့ ထိုင်ခုံ​နောက်မှီတန်း​ပေါ်တင်ထားပြီး လက်ထဲမှ ပန်းချီဆွဲသည့်လျှပ်စစ်​ဘောပင်ကိရိယာတစ်ခုအား ​ပေါ့​ပေါ့ပါးပါးလှည့်ကစားရင်း စကားဆိုလာခဲ့သည်။

"ကုန်းကျု ငါ့ကို တစ်ခု​လောက်ကူညီ​ပေးပါလား ၊ ငါ့သူငယ်ချင်းတစ်​ယောက် ဒီကို​ရောက်​နေတာ....."