ချန်လုကျိုး ငယ်စဥ်ကတည်းက ရေးခဲ့ဖူးသည့်ကဗျာစာတိုပေါင်းမှာမနည်းလှ ၊ အကယ်၍ ကျူးယန်ချီသာ လက်ရှိနေရာ၌ရှိနေပါလျှင် သူ အသက်ရှစ်နှစ်အရွယ်ကရေးခဲ့ဖူးသည့် နာမည်အကြီးဆုံးတစ်ပုဒ်အား သေချာပေါက် အော်ရွတ်ပြမည်ပေ။
ကောင်းကင်တစ်ခွင်မှာရှိတဲ့ မင်း ၊ မျက်ဝန်းရှေ့မှာလည်းရှိတဲ့ မင်း ၊ ငါ့နံဘေးမှာပါရှိသယောင်ဖြစ်တဲ့ မင်း.....
ထိုတစ်ချိန်တုန်းက တရုတ်သဒ္ဒါဆရာမှာ ချန်လုကျိုးအား လမ်းပေါ်တွေ့သည်နှင့် ဤသို့ပင် ပထမဆုံးစကားဆိုလေသည်။
"အိုင်းယိုး....ကဗျာဆရာကြီးချန်ပါလား ၊ ဘယ်လိုတုန်း....စာအုပ်တွေဘာတွေ ထုတ်ဝေတော့မှာလား"
ချန်လုကျိုးသည်တော့ မိမိကိုယ်ကိုယ်အား အတိတ်အမည်းအစွန်းများ သိပ်များခဲ့သည့်လူတစ်ယောက်ဟု သတ်မှတ်ထားခဲ့ရာ ငယ်ရာမှကြီးလာသည်အထိလည်း သူဟာ စိတ်ကျေနပ်လောက်စေမည့် ပြောင်ပြောင်မြောက်မြောက်အရာများအား တစ်ခုလေးမျှမလုပ်ဆောင်နိုင်ခဲ့ဖူးသလိုပါပေ။ ကျူးယန်ချီ၏အမြင်၌ သူ့အား အရာအားလုံးကိုသင်ယူတတ်မြောက်နိုင်စွမ်းရှိသည့်လူတစ်ယောက်ဟု ထင်နေပါသည့်တိုင် သူဟာ တကယ်တမ်းတွင်တော့မဟုတ် ၊ အမှန်တကယ်ကိုလည်း သူ့ကိုယ်သူ တော်လွန်းထက်လွန်းသည်ဟုမထင်။ အမှတ်နှင့်အဆင့်များအကြောင်းပြောရလျှင် သူဟာ အမှတ်(၁)အထက်တန်းကျောင်း၌လည်း ပထမနေရာရအောင် မဖြေဆိုနိုင်သည့်အကြိမ်များစွာရှိသည်ပင်။ တက္ကသိုလ်ဝင်တန်းစာမေးပွဲကြီးတွင်လည်း မတော်တဆဖြစ်သွားရသေးသဖြင့် ထိပ်တန်းကျောင်းသားတစ်ယောက် ကံကောင်းမှုတချို့ပျောက်ဆုံးသွားပုံရချေသည်။
သို့သော် သူ့ထံ၌ရှိသည့် အတော်ဆုံး၊အစွမ်းထက်ဆုံးအချက်တစ်ချက်အားဆိုရလျှင်တော့ သူဟာ ဘယ်သောအခါကမှ အရှုံးမပေးတတ်ဘဲ မျှော်လင့်ချက်များအမြဲတမ်းရှိနေခြင်းဟုသာ ပြောရပေလိမ့်မည်။ အကယ်၍ တံတိုင်းပြိုကျသွားခဲ့လျှင် သူဟာ ရဲတိုက်တစ်ခုတည်ဆောက်လိုက်မည် ၊ အကယ်၍ နေရောင်ခြည်ပျောက်ကွယ်ခဲ့လျှင် သူကိုယ်တိုင်က အလင်းရောင်ဖြစ်လိုက်မည်ပင်။ စာအုပ်စာပေများထဲဖော်ပြထားသကဲ့သို့ သူထံ၌ 'တိကျသေချာလွန်းသည့်ချစ်ခြင်းမေတ္တာ ၊ တည့်တိုးဆန်လွန်းသည့်မနှစ်မြို့ခြင်း ၊ စစ်မှန်လွန်းသည့်သဘောကျခြင်းတရားနှင့် နေရောင်အောက်၌ရပ်တည်နိုင်သော ကိုယ်ကျင့်တရားသဘောထားတို့ရှိသည့်အတွက် အသံကျယ်ကျယ် အရှက်တရားကင်းကင်းဖြင့် မိမိကိုယ်မိမိ မြှောက်ကြွားချီးမွှန်းနိုင်သည်ပေ'။
YOU ARE READING
Lets Fall In Love [ ဘာသာပြန် ]
Romanceလမင်းကြီးဝိုင်းသည်ဖြစ်စေ မဝိုင်းတော့ဘူးဖြစ်စေ ဘာဟာကမှ အရေးမကြီးဘူး ကိုယ်တစ်ယောက်လုံး မင်းဘေးနားမှာရှိနေပေးမယ်~~~~