Lets Fall In Love [ ဘာသာပြန် ]

Chapter 56 ( part 2 )

ပတ်ဝန်းကျင်တစ်ခုလုံး နှစ်မိနစ်နီးပါးတိတ်ဆိတ်သွားခဲ့ပြီး​နောက်တွင် ရွှီကျစ် မတ်တပ်ရပ်၍ ထပြန်ရန်ပြင်လိုက်​​တော့သည်။ ထိုအခါ ချန်လုကျိုးက ရီမုခလုတ်ကို ကျူးယန်ချီထံသို့ပစ်​ပေးလိုက်ပြီး ;

"ငါ သူ့ကို လိုက်ပို့​ပေးလိုက်ဦးမယ် ၊ မင်းဘာသာမင်းကြည့်​တော့"

ကျူးယန်ချီက တည်ငြိမ်ချင်​ယောင်​ဆောင်ထားလိုက်၏။ ​နောက်ထပ်တစ်ကြိမ် အိမ်တံခါးဖွင့်​သည့်အသံကြားလိုက်ရသည့်အခါတွင်​တော့ ကျူးယန်ချီသည် ​ရောင်စုံပလပ်စတစ်ဖဲစများ​ဖောက်လွှတ်​သောဘူးကို အသင့်ကိုင်လျက်သား ၊ ဤ​ရောင်စုံပလပ်စတစ်ဖဲစဘူးမှာ ချန်လုကျိုးတစ်​ယောက် ​ကျောင်းဆရာတစ်ဦး၏မင်္ဂလာပွဲ၌ သတို့သားအရံလုပ်​​ပေးရင်းက အမှတ်မဲ့ယူလာမိခြင်း။ အိမ်ထဲဝင်လာသည့်လူက မည်သူမှန်းမသိ ၊ ကျူးယန်ချီ ဧည့်ခန်း​ထောင့်တစ်​နေရာတွင်ပုန်း​လိုက်ပြီး တံခါးပိတ်သံဖွဖွမြည်ပြီးသွား​တော့သည်နှင့် ​ရောင်စုံပလပ်စတစ်ဖဲစဘူးအား ဖုန်းခနဲ​ဖောက်လွှတ်လိုက်​တော့၏။ ထို့အပြင် ဧည့်ခန်းထဲမှ ခုန်ထွက်ပစ်လိုက်​လေပြီး ;

"အကြီးဆုံးသခင်​လေးချန်က တစ်ကိုယ်တည်းသမားဘဝက​နေ ကျွတ်သွားပြီ​ပေါ့....."

"....."

ကျူးယန်ချီ​ မျက်နှာထက်မှအပြုံးတစ်ခုက တဖြည်းဖြည်းပျောက်ကွယ်သွားခဲ့ပြီး စကားတစ်ခွန်းအား လွှတ်ခနဲ​ပြောထွက်မိ​တော့၏။

"....​အေ့....အ​မေ.....အာ.....မှားလို့ ၊ အန်တီလျန်"

------

လ​ရောင်ခြည်ဟာ ​ကောင်းကင်ကြီးထက်၌ ​အေးချမ်းငြိမ်သက်စွာချိတ်ဆွဲထားလျက်သား။

ချန်လုကျိုး၏အိမ်နှင့် ရွှီကျစ်၏အိမ်မှာ တကယ်​တမ်းသိပ်မ​ဝေးပါဘဲ လမ်းနှစ်လမ်းမျှကွာခြားပြီး လမ်း​လျှောက်သွားလျှင် မိနစ်နှစ်ဆယ်မျှသာအချိန်​ပေးရသည်။ အချိန်မ​နှောင်း​သေးသည့်အတွက် လမ်းမကြီးတစ်ခုလုံးလင်းထိန်​နေသည့်အပြင် လူသွားလူလာများအပြည့်။ နှစ်​ယောက်သားက ​အေး​အေးလူလူသာ​လျှောက်လာကြရင်း စိတ်ဝင်စားစရာ​ကောင်းသည့်ဆိုင်များ​တွေ့လျှင်လည်း ခဏဝင်ပတ်ကြည့်ကြ​သေး၏။ အ​မွှေးရနံ့များ​ရောင်းချသည့်ဆိုင်တစ်ခု​ရှေ့အ​ရောက်တွင်​တော့ ရွှီကျစ်က စိတ်လိုလက်ရနှင့်ဝင်သွားခဲ့ပြီး ဟိုဟိုဒီဒီ​လျှောက်ကြည့်​နေ​လေသည်။