ချန်လုကျိုး ရဲစခန်းထဲသို့ရောက်နေ၏။ ဤတစ်ကြိမ်နှင့်ဆိုလျှင် ယခုနှစ်နွေရာသီပိတ်ရက်ကာလထဲ၌ ဒုတိယအကြိမ်မြောက်ရောက်လာရခြင်းပါပင်။ အရင်တစ်ကြိမ်မှာ တက္ကသိုလ်ဝင်တန်းစာမေးပွဲဖြေပြီးနောက်ရက်ပိုင်းအတွင်း အဘိုးဖြစ်သူအား ပန်းပင်နှင့်ငှက်လေးများရောင်းသည့်စျေးသို့ အဖော်လိုက်သွားပေးသည့်အချိန် ၊ အဘိုးဖြစ်သူမှ မိန်းကလေးတစ်ဦး၏စကတ်ကို ဆွဲမကြည့်လိုက်သည့်အမှုဖြစ်ပြီး ထိုလုပ်ရပ်အား ဗွီဒီယိုအရိုက်ခံလိုက်ရသည့်အပြင် တစ်ဖက်မိန်းကလေးကလည်း အလျော်တောင်းသည့်စကားဖြင့် ပါးစပ်အရင်ဟလာသည်။ အဘိုးဖြစ်သူ၏ဖြေရှင်းချက်မှာ မိန်းကလေးဘက်မှနေ၍ စကတ်အောက်ထဲ၌တစ်ခုခုရှိနေသဖြင့် ဆွဲပင့်ကြည့်ပေးရန် အကူအညီတောင်းလာခြင်းဖြစ်သည်ဟူ၍ပေ။ သို့သော်ငြား သက်သေအထောက်အထားပြစရာမရှိ။ အဆုံးတွင်တော့ အငြင်းပွားကြရင်းဖြင့် ရဲစခန်းဆီသို့ ရောက်သွားရတော့သည်။ အမှန်တကယ်ကို လုပ်စားကြသည့်အဖွဲ့မျိုးဖြစ်ကောင်းဖြစ်နိုင်သော်ငြား ရှင်းလင်းတိကျသေချာအောင် မပြောပြနိုင် ၊ အဘိုးဖြစ်သူကလည်း တစ်ပြားတစ်ကျပ်မှမပေးလိုသည့်အပြင် လုပ်စားနေသည့်အဖွဲ့ဖြစ်ကြောင်းကိုသာ တပ်အပ်ငြင်းနေ၏။ အမျိုးသမီးလျန်ဟွေ့ထံသို့ ဆက်သွယ်၍လည်းမရသည့်အဆုံးတွင် ချန်လုကျိုးဟာ ခေါင်းမာနေသည့်အဘိုးအား ထပ်ဖြောင်းဖြဖို့ရာကြိုးစားမနေတော့ဘဲ ရဲစခန်း၌သာ တစ်ညလုံးနီးပါးထိုင်နေလိုက်တော့သည်။
ရက်ပိုင်းလေးအတွင်းမှာတင် ရဲစခန်းဆီသို့ နောက်တစ်ကြိမ်ရောက်လာရဦးမည်ဟု မထင်ထားမိသည်မှာလည်းအမှန်ပေ။ အမျိုးသားရောဂါဌာနသို့သွားခိုင်းခဲ့သည့်ကျူးယန်ချီ၏အကြံကို နားထောင်ပြီးကတည်းက ချန်လုကျိုးမှာ ထူးထူးဆန်းဆန်းဖြစ်ရပ်များသာ ဆက်တိုက်ကြုံနေရတော့၏။ အမေဖြစ်သူပြောဖူးသည့် 'ကံကောင်းခြင်းနှင့်ကံဆိုးခြင်းက ဒွန်တွဲ၍လာသည်'ဟူသောစကားမှာလည်း မည်သည့်အချိန်မျိုး၌မဆို ရောက်ရောက်လာတတ်ပုံရ၏။
YOU ARE READING
Lets Fall In Love [ ဘာသာပြန် ]
Romanceလမင်းကြီးဝိုင်းသည်ဖြစ်စေ မဝိုင်းတော့ဘူးဖြစ်စေ ဘာဟာကမှ အရေးမကြီးဘူး ကိုယ်တစ်ယောက်လုံး မင်းဘေးနားမှာရှိနေပေးမယ်~~~~