Lets Fall In Love [ ဘာသာပြန် ]

Chapter 36 ( part 1 )

ချန်လုကျိုးတစ်​ယောက်မှာ ငယ်စဥ်ကတည်းက သည်လိုပင် ၊ ပါးစပ်နှင့်​ဖြေရှင်းနိုင်မည့်ပြဿနာမျိုး​လောက်အား သူ ​သေချာ​ပေါက်လက်ပါ​နေမည်မဟုတ်။ များ​​သောအားဖြင့် ​ယောက်ျား​လေးများ ရန်ဖြစ်ကြသည်ဆိုသည်မှာ အဆုံးသတ်ရလဒ်​ကြောင့်မဟုတ်ပါဘဲ စိတ်​ပြေလက်​ပျောက် အချိန်​ကောင်းများရှိဖို့အတွက်သာဖြစ်သည်။ ဤကဲ့သို့​သော နှစ်ဖက်စလုံးအရှုံး​ပေါ်မည့်ကိစ္စမျိုးအား ချန်လုကျိုး ဘယ်​သောအခါမှမလုပ် ၊ အဓိကအချက်အ​နေဖြင့် သူ ဒဏ်ရာရမည်ကိုလည်းကြောက်သလို ရှုံးလာပါက သူ့အ​မေ ဆူပူ​နေဦးမည်ကိုလည်းစိုး​သော​ကြောင့်ဖြစ်သည်။

သို့​သော် ဤအသက်အရွယ်​ယောက်ျား​လေးတစ်​ယောက်အတွက် ​ဝုန်းဝုန်းဒိုင်းဒိုင်းသွေးဆူလွယ်သည့်အချိန်မျိုးဖြစ်ရာ ရန်မဖြစ်တတ်သည့်အ​ကြောင်း အဘယ်မှာရှိနိုင်ပါ့မည်။ ထို့​ကြောင့်ယခင်က ကျန်းချန်၊ကျူးယန်ချီတို့ ဘတ်စကတ်​​ဘောကစားကြရင်း အခြားတစ်ဖွဲ့နှင့်ညှိကြသည့်အခါတိုင်းတွင် 'အကြီးဆုံးသခင်​လေးချန်'ဆို​သော သူဟာ ​မေ​မေ့စကားကိုသာနား​ထောင်သည့် '​မေ​မေချစ်သား​လေး'မှန်းသိကြ​သော​ကြောင့် ရန်ပွဲမစခင်အချိန်တိုင်း ကိုယ်​​ပေါ်မှအ​ပေါ်ဝတ်အင်္ကျီများကိုချွတ်၍ ချန်လုကျိုးထံသို့ပစ်​ပေးပြီး အခြားတစ်ဖက်၌သာ လိမ်လိမ်မာမာ​လေးပစ္စည်း​​စောင့်ခိုင်းထားကြ​လေသည်။

သည်းကြီးမည်းကြီးရွာချထားသည့်မိုးမှာ သိပ်မကြာ​သေးခင်ကမှ တိတ်သွားခြင်း​ကြောင့် ယခုလက်ရှိ၌ ​စျေးလမ်း​ပေါ်တွင် လူသွားလူလာအနည်းငယ်မျှသာရှိသည်။ ​မြေကြီးထက်မှ ​ရေကွက်များတွင်လည်း အလင်း​ရောင်တို့​ရောင်ပြန်ဟပ်လျက်သား။ ချန်လုကျိုးသည် ​စျေးဆိုင်ထိုင်ခုံ​လေးထက်၌ ​ခြေ​ထောက်ကား၍ထိုင်​​နေပြီး ရွှီကျစ်မှ လက်သည်းအလှပြင်​​ပေးနေသည်အား စိတ်​အေးလက်​အေးငြိမ်ခံ​နေလိုက်သည်။ အကြည့်များသည်​တော့ ထို​ယောက်ျားထံသို့​ရောက်သွားပြီး ပျင်းတိပျင်းရွဲဟန်​လေးနှင့်ပင် စကားဆိုလိုက်၏။

"အခုထိ မသွား​သေးဘူးလား ၊ ရဲကိုအ​ကြောင်းကြား​​​ပေးရဦးမလား"