ရွှီကွမ်းကျိသည် ဆေးကုသမှုမှတ်တမ်းတစ်ခုကိုဖွင့်ပေးလိုက်ပြီး ချန်လုကျိုးအား အရင်ဦးစွာ ကုသမှုအတွက် ငွေသွားသွင်းခိုင်းချေသည်။ ချန်လုကျိုးလည်း မှတ်တမ်းကဒ်လေးနှင့်လူနာမှတ်တမ်းဖိုင်ကိုကိုင်ရင်း အပြင်ဘက်သို့လျှောက်ထွက်လာလိုက်လျှင် ကျူးယန်ချီမှာ ထိုင်ခုံမှအပြေးထလာ၍ ;
"ဆရာဝန်က ဘာပြောလိုက်လဲ ၊ သုံးလို့မရတော့ဘူးတဲ့လား"
လူနာမှတ်တမ်းဖိုင်ဖြင့် ကျူးယန်ချီ၏ရင်ဘတ်ထံ ပစ်ရိုက်လိုက်ပြီး စကားတစ်ခွန်းမှမဆိုဘဲ ငွေသွင်းဖို့ရာထွက်လာလိုက်တော့၏။
ကျူးယန်ချီမှာ မနေနိုင်အောင် အနောက်မှလိုက်ရင်း အလောတကြီးမေးလေ၏။
"ဆရာဝန်က ဘာတွေပြောလိုက်သေးလဲလို့"
"မသိဘူးကွာ"
ချန်လုကျိုးက ဖွင့်လျက်သားပြတင်းပေါက်လေး,နားသို့လျှောက်သွားလိုက်ပြီး မှတ်တမ်းကဒ်အားလှမ်းပေးလိုက်သည်။ တစ်ဆက်တည်း၌ပင် လက်ကိုင်ဖုန်းကိုထုတ်၍ ငွေပေးချေဖို့ရာလည်း အသင့်ပြင်ထား၏။
"သုတ်ပိုးအရေအတွက်နဲ့သိပ်သည်းမှုကို စစ်ခိုင်းထားတယ်"
ကျူးယန်ချီမှာ မယုံကြည်နိုင်သည့်ဟန်ဖြင့် ;
"မဟုတ်သေးဘူး မဟုတ်သေးပါဘူး ၊ ဆရာဝန်က ဘာမှကိုမပြောလိုက်တာလား"
"ငါ့မိသားစုက ဘာလုပ်ကိုင်ကြတာလဲလို့မေးတယ် ၊ ပြီးတော့ ညီအစ်ကိုမောင်နှမတွေရှိလားတဲ့"
ချန်လုကျိုးမှာကား အမျိုးသားသီးသန့်အထူးကုဌာနကို မဆိုထားနှင့် ၊ ငယ်စဥ်ကတည်းက ဖျားနာလေ့သိပ်မရှိသောကြောင့် ဆေးရုံသို့လည်း သုံးလေးကြိမ်ထက်ပိုမရောက်ဖူးပေ။ ထို့ကြောင့် အနည်းငယ် ကြောင်အမ်းအမ်းနှင့်တွေးဆမရဖြစ်နေခြင်း။
"ဆရာဝန်က ဒါတွေမေးတာ ဘာလုပ်ဖို့လို့ မင်းထင်လဲ"
ကျူးယန်ချီ၏ခေါင်းတစ်လုံးဟာ အဘယ်လောက်တောင်များ ဥာဏ်ပြေးလိုက်ပါ့ ၊ အတွေးတစ်ခုတည်းနှင့်တင် ရုတ်တရက်သဘောပေါက်သွားခဲ့၍ ;
YOU ARE READING
Lets Fall In Love [ ဘာသာပြန် ]
Romanceလမင်းကြီးဝိုင်းသည်ဖြစ်စေ မဝိုင်းတော့ဘူးဖြစ်စေ ဘာဟာကမှ အရေးမကြီးဘူး ကိုယ်တစ်ယောက်လုံး မင်းဘေးနားမှာရှိနေပေးမယ်~~~~