လှေကားရင်းတွင် အလင်းရောင်မရှိသလောက်မှေးမှိန်နေပြီး မီးရှူးမီးပန်းဖောက်သံများ တစ်စစနှင့်တိုးဖျသွားခဲ့ကာ လူနှစ်ယောက်၏နှလုံးခုန်သံများ ၊ စိတ်ခံစားချက်များကသာ တဖြည်းဖြည်းနှင့်ပြင်းပြပိတ်လှောင်လာသည့်အချိန်တွင် နှစ်ယောက်သားဟာ အပြင်ဘက်ဆီမှဆူညံသံများအားလုံးကို အလိုအလျောက်လျစ်လျူရှူပစ်လိုက်ကြရင်း ကိုယ်စီအသက်ရှူငွေ့များကိုသာ ချန်ထားရစ်ကြတော့၏။ အသက်ရှူကြပ်နေသည့်ငါးတစ်ကောင်အား ပင်လယ်ထဲ ပြန်လွှတ်ပေးလိုက်သည့်အလား တောင့်တမှုအပြည့်နှင့် အချင်းချင်းပွေ့ဖက်ထားကြရင်း အသက်ရှူငွေ့များ၊အနွေးဓါတ်များဖြင့်သာ ကိုယ်စီထွေးဖက်ခံစားနေကြသည်။
"နှစ်သစ်ကူးမှာပျော်ရွှင်ပါစေ ချန်လုကျိုး"
ရွှီကျစ်က တင်းတင်းကြပ်ကြပ်ပိုတိုးဖက်လိုက်ပြီး မျက်ဝန်းများစိုစွတ်လာရကာ ထူးဆန်းလွန်းလှသည့်ခံစားချက်ကြီးတစ်ခုဟာလည်း နှလုံးသားထက်တင်းလျက်သား။ အချိန်တစ်ခဏအတွင်း မည်သို့တုံ့ပြန်ရမည်မှန်းကိုပင်မသိတော့ဘဲ သူ့ရင်ခွင်ထဲသို့တိုးဝင်ရင်း ရင်းနှီးလွန်းသည့်သစ်သားကလျာနီရနံ့သင်းသင်းတို့ကိုသာ တစ်ဝကြီးရှူသွင်းပစ်လိုက်သည်။
ပြောစရာစကားပေါင်းများစွာရှိပါသည့်တိုင် ချန်လုကျိုးမှာ ယနေ့ညတွင်တော့ အချိန်ကြာကြာဆွဲနေနိုင်မည်မဟုတ်မှန်းသိသဖြင့် အရေးကြီးသည့်စကားများကိုသာ အရင်ရွေးထုတ်ပြောလိုက်၏။ သို့နှင့် ရွှီကျစ်၏ခေါင်းကို အသာလေးပွတ်ပေးရင်း ;
"ကိုယ်က စကားလှလှလေးတွေ သိပ်မပြောတတ်ဘူး ၊ အခုလက်ရှိအချိန် ကိုယ့်ဆီမှာ ဘာမှမရှိမှန်းလည်း ကိုယ်ကိုယ်တိုင်သိနေတော့ ဘယ်လိုစကားမျိုးကိုပဲပြောပြော ပြောင်စာရွက်လက်မှတ်သပ်သပ်ကြီးလိုပဲဖြစ်နေမှာ....."
သူက ခေါင်းကိုငုံ့ကာ သူမ၏နားရွက်ဖျားနားလေးထိ တိုးကပ်သွားခဲ့ပြီး ;
"ဒါပေမယ့် နောင်ကျရင် ကိုယ်တို့ဆီမှာ ဘာမဆိုအားလုံးရှိလာပါလိမ့်မယ် ၊ ဒီတစ်ချက်အတွက်တော့ မင်းကောင်လေးကို မင်း ယုံကြည်ထားလို့ရတယ်"
YOU ARE READING
Lets Fall In Love [ ဘာသာပြန် ]
Romanceလမင်းကြီးဝိုင်းသည်ဖြစ်စေ မဝိုင်းတော့ဘူးဖြစ်စေ ဘာဟာကမှ အရေးမကြီးဘူး ကိုယ်တစ်ယောက်လုံး မင်းဘေးနားမှာရှိနေပေးမယ်~~~~